ISAIAH 61:10 - Sumi Naga CL (Re-edited) Bible (BSI)

¹⁰ Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

BAIBEL (BSI)

¹⁰ Jerusalem ye AMPEU no kiu mlatsu keno tipaulo alovi akhani. Liye kulaliu lakhino kulakupu ghenguno aphimini pepu pesu aketoike. Alhou no xakulu ngo tokulu pesu li puuke.

ISAIAH 61:10 Iomraidhean Croise

BOTHUBO 24:53

Eno aqeu huno ghükayi ngo ameshoyi chi eno aphiminiqo ikhipe Rebekah tsü. Pa no li peu eno li paza ghi amekusho tüna-nanuqo tsü.

YEKIKITHI AKINIU 6:41

“Itehi ithulo, O Ampeu Alhou, No eno Ow Puloshoqhi kumto kulhokiqhi-a lo ilolo. O chinemi no xakulupu pepu pelo, Ow timiqo no O kivi lo alovilu pelo.

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

JOB 29:14

I no amikucho phimini pepuche, kuchou xakütha no chijeboike phi eno akütsükükha ke.

LESHELE 132:16

I no xakulupu phimini pesü li chinemi pipe nani, eno akimthemi no alokivi lono ighamku nani.

LESHELE 132:9

O chinemi pelo achipiu mikucho pepu pelo, eno Ow akimthemi pelo alokivi lono ighamku pelo.

LESHELE 28:7

Ampeu ye I kumto eno I züto ke; I mlo no Pa pükhü ani, eno ni ye akukuphu ithuluvae; I mlo lono aloviqhiyi ani, eno I le kungo pesü Pa shikimthi ani.

LESHELE 35:9

Tileno I ngulho no Ampeu lau alovi nani, Paw xakulu sheqhe nani.

ALE KIMCHI 1:10

Amekusho thime no o ju kivi gholo küpha, o kuo lo ameshoyi chila huno aküzüqhiyi ke.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 17:10

Kughengu nono o xakulupu Lhou pheve eno o kighijepu Tuqu kümsüchile lumove; tighenguno, nono asübo kivi eno inami tsaibo loka shosü aghina,

ISAIAH 25:1

O Ampeu, No ye I Lhou; I no O süqhe eno O je sheni, kughengu Nono akümzapu kümla püzüu no kughuchho püakeu mtsüqhei eno pükhükulu shi mlatsüe.

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 41:16

nono tipaqo fule nani eno amülhü no tipaqo fusawuve nani; eno pasapagha no tipaqo apanagha fuleve nani. Tileno nono Ampeu lau alovi nani; nono Israel Lhou akimtheu juküvü shinani.

ISAIAH 48:18

Nongu no I yezah papeke aye lae! Tishike aye, nongu lokughuno no aghoki toi qoighini cheke, eno nongu mikucho no azü fukukucho toini cheke;

ISAIAH 49:18

Nongu nhethi tsükhope julo; panongu kümtsü kumqo ani eno nongu lau cheni. Ampeu no piani, ‘I no xüake toi, nongu no hupaqo kümtsü tünatunu pu akeshi pepu nani; külaliu no li chila tshüpu keshi nongu no tshüpu nani.

ISAIAH 49:4

Ikemu I no pi, “Ni ye adou lono aghimeshi mlaithavae; ni ye adou eno akiqi kühakeu lono I küka puwovae, ikeghi mtsüqheino I chipiu ye Ampeu gholo ani, eno I saxü ye I Mpeu gholo ani.”

ISAIAH 51:11

Ampeu no xachilelu kemi ye ideighive nani eno Zion lo ale phesü ighi nani; Panongu ye pülhapuju alokivi shiche nani; panongu ye alokiqi eno alokivi ithuluve nani, eno amloküsa ngo amlo ghime ye pano launo wuve nani.

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

ISAIAH 56:7

tipaqo ye I no I kimthe toghi lo saighi nani, eno I kighini ki lono alokivi nongu tsü nani eno nongu no akümlla-khache lo, akipti kümllagho ngo aghakishi kümllagho tsükeu ikhilutsü nani; Kughengu I ki ye ashiaye kümtsü ghenguno akighini ki ipi ku nani.”

ISAIAH 58:14

nongu ye Ampeu lau azüküvü shi nani, eno I no nongu pelo ayeghi lo akiqheu shou ikulupe nani, eno Jacob kinikülü mheghi pesü, I no nongu loji nani, kughengu hi ye Ampeu no piqhive keu tsake.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

ISAIAH 65:18

Ikemu I no lhophetsü keu shou alholo alovi eno alokiqi shilo; kughengu julo, I no Jerusalem lhophe keu ye alokivi shipeniye ke, eno liw timiqo pelo alovi peniye ke.

JEREMIYA 2:32

Amikucho ilimi lakhi ye li chila kümsümave nanio, momu külaliu ye li phimini kümsümave nani keshea? Ikemu Iw timiqo no atsala kihimla kepushi I kümsümavae.

EZEKEL 42:14

Kughou achinemi no Akimthe-a lo iloghini keno, panongu ye aphimini khikhi panongu no pepu ani keno tipaqo tile xaqhimo kelo khalau kikhala vechesü ipemo nani, kughengu hipaqo ye akimthe ke. Panongu ye timiqo gholo ipekumo züuno aphimini kütau pepu luveni.”

HABAKUK 3:18

ni ye Ampeu jupe alovi nani; I xakulu Lhou lau I no alovini.

ZEKHARIA 10:7

Tishino Ephraim ye aghütomi toive nani, atsaiji shove keshi panongu mlo ye alokiqi shi nani. Pano tianuliqo no ti ithulupe alovi nani; pano mlo no Ampeu lau alovi nani.

ZEKHARIA 3:5

Tile I no pi, “Panoqo pelo tsüghükhüi keu kütsükükha phi pesü pa kütsü lo sütsü pelo.” Ikehu panongu no tsüghükhüi keu kütsü kükhaphi pesü pa kütsü küzütsü eno aphimini pipeve. Ampeuw kungumi no aphivilo puthugho ae.

Luke 15:22

Ikemu apu no pa qemiqo vilo pi, ‘Mtazü aphimini akiviu süghi no pa pipelo, pa u lo anguthi sütsü lo, eno pa pukhu lo apukhuqho süpipe lo.

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

Rommi 5:11

Tinguno alau, ni Mpeu Jisü Khristo ghenguno ningu ye Alhou lau külashilu kehu nino Pa vecheo Alhou lau aloviqhiyi acheni.

Galatiami 3:27

Kughengu nongu khije no Khristo lau baptiz shisü luve akeno Khristo pepu luvae.

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

FILIPIAMI 4:4

Alhokuthu Ampeu lono alovilo, I no itaghi pini: alovilo!

1 Peter 1:8

Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

Piyeküsü 21:2

Eno akimthe phughi, Jerusalem kitheu, külaliu no kutope külapuu khe akeshi, kungugha lo Alhou launo iqi cheghi keu I no ithulu.

Piyeküsü 21:9

Tile kungumi tsüni khunoqo püsa bohu tsüni dolo ashekhau püsa tsüni chhitoi süpe chekeno, panoqo gholo lakhino I vilo pi, “Ighilo, I no Ambeti nipu Külaliu o piyeni.”

Piyeküsü 4:4

Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.

SAMUEL ATUGHIU 2:1

Hannah no akighini shino pi, “I mlo no Ampeu lau alovi ani; I kibo no Ampeu sheqhe ani. I kichi no I ghümiqo junu ani, kughengu I no Ow xakulu lo alovi anie.