ISAIAH 60:6 - Sumi Naga CL (Re-edited) Bible (BSI)

⁶ Sayeshi loji kitikhi no nongu küzüluve nani, Midian ngo Ephah lo sayeshi tiqo, eno Sheba lono ighikha nani. Tipaqo lono ameshoyi ngo tsüngqüikeu ta xapu ighi nani, eno Ampeu shekiqhe, alokivi sütsa süghi nani.

BAIBEL (BSI)

⁶ Kemel loji shekujo kumzapushi Midiya ngo Efa kudauno ighi nani. Panonguno Sheba kudauno shunayi ngo tsungquikeu ta sughi nani. AMPEU no kiu mlakeno timiqono tipau tsakiviu lhe nani!

ISAIAH 60:6 Iomraidhean Croise

BOTHUBO 10:7

Cush nuliqo: Seba, Havilah, Sabtah, Raamah, eno Sabteca. Raamah nuliqo: Sheba ngo Dedan.

BOTHUBO 25:13

Hipaqo no Ishmael nuli jeqo, panongu punu keu pasü lono aje: Nebaioth, Ishmael nu anoghiu; eno Kedar, Adbeel, Mibsam,

KUKAMI ATUGHIU 10:2

Li gholo apapemi kütsasa ighi, sayeshi lono tsüngqüikeu mukhu, ameshoyi kutomo, eno akughupu tu xapu Jerusalem lo ighi no li no amlo lo puchekeu kümtsü Solomon vilo pi.

KUKAMI AKINIU 8:9

Ikehu Hazael no Damascus lono mlaphe keu thime kivi sayeshi lhobidi xapipe no Elisha lau wu. Kughou Hazael no pa lau ighi no pa zülo puthugho keno, pa no pi, “O nu Ben-hadad Syria kükau no I puwu no pi ani, ‘Ni ye aküsü hipau lono viluve nanima?’”

YEKIKITHI ATUGHIU 1:33

Midian nuliqo: Ephah, Epher, Hanoch, Abida, eno Eldaah. Hi kümtsü Keturah kughukoqo ke.

YEKIKITHI AKINIU 9:1

Kughou Sheba kükaliu no Solomon jekipi chilu keno, li no ighono kushokütsü ighikuju tsa pesü pa pejuni ye Jerusalem lo ighi. Li gholo apapemi kütsasa ighi, eno sayeshi lono vekujumkhu, ameshoyi kutomo, eno akughupu tuqo peighi. Kughou li no Solomon sholu keno, li no amlo lo puche keu kümtsü pa vilo pi.

LESHELE 67:4

Shiye kümtsü no alovi eno alokiqi shi ale phe pelo, kughengu Nono ashiayeqo aqhemi shi xakütha tsü cheni eno ayeghi lo shiyeqo la kichetsü cheni.

LESHELE 72:10

Tarshish lo kükami eno azüghimkü lo küxümi no sükusho süqha pa tsü pelo; Sheba eno Seba lo kükami pelo agho peighi pelo!

LESHELE 72:15

Pa pelo axüshu pelo; Sheba meshoyi pa tsü peniu! Pa ghenguno tamono akighini shi apeniu, atsala kupuju pa ghenguno kükümgha inikhu tsü apeniu!

ISAIAH 30:6

Negeb lo tüghashi akeqo shou pimhelu keu tsape. Judah lashikami no akümsapu-a, khile abongshuu, athicho pighi, eno yewukiche pighi ani keno ti kathasü khurha ngo sayeshi mqa lono aküakini xapu pano kuphu mlani kemi shiaye tsücheni.

ISAIAH 42:10

Ampeu lau ale kithe phelo, ayeghi shekhauno Pa sheqhelo, nongu azüghi lo chekeqo eno tile lhoxü akeqo kümtsü, azüghimkü lo xüküami kümtsü no Pa sheqhelo!

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 60:9

Kughengu azüghimkü yeghi ye Ni ighini keu laju nani; Tarshish lono zükiluqo paghi ighive nani; Tileno nongu tianuli aghacheu no saighi nani, eno panow ameshoyi ngo ghükayi ghi pesü ighi nani, eno ti ye Israelmiw Akimthe Mpeu je ghenguno saighi nani, kughengu Pa no nongu jukighilepu shive tsüe.

ISAIAH 61:6

Nongu ye Ampeu chinemi kepi ku nani, panongu no nongu ye Ni Lhou qemiqo kepi ku nani; nongu no shiye kütamiw kinikülü peitha nani, eno panongu jekipi shou no, nongu no akijivile nani.

JEREMIYA 6:20

Sheba lono müsüghüta, momu ayeghi putou no axo kivi ighi keu ye I ghenguno kiu avehupu ani kea? O kipti kümllagho ye ikhikümlapu, momu o ghakishi ye I lopu shimlae.

EZEKEL 27:22

Sheba ngo Raamah timiqo no o sasü lhidi shiche; panongu no vekujumkhu kivi eno akughupu tu kümtsü eno ameshoyi pesü ow kilhikishi nhemghaqo kilhisho che.

ZEFANIA 3:10

Cush ghoki kukuu no I mlla chekemi, Iw timi apanaghave kemi no akümllagho süghi nani.

ZEKHARIA 14:16

Tishino Jerusalem mjochile ighikeu shiye lo ghülu kemi no ampe atsütsü Akükau, aqokitikhi Mpeu mllani ke eno Apusho lo Ghulhu ikhiluni ke ighi nani.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

MATTHEW 2:11

Panongu no aki alou ilo anu gholo paza Mary ithulu, tileno panongu no itsaqi pa mlla. Tishino panongu no agho jeli puche keqo ameshoyi, tsüngqüikeu mukhu, eno müsüghüta ikhiphepe pa chhe.

Rommi 15:9

tishino Jewkumomi pelo Alhouw küpükini ithulu ke ghenguno Pa juküvüpu shi peniye ke. Ti ye ishi yepüa keu kiqi lono, “Ikehu I no Jewkumomi gholono O sheqhe eno O je shipilini.”

ZAKINIU 32:43

“O kungugha, Paw timi gholo alovilo; alhou kümtsü no Pa zülo pishiqho lo, kughengu Pa nuliqo jih peleve keu Pa no amkhü lutsü eno Pa ghümi shou amkhülue. Pa no Pa mithi kemi lochile no Paw timi yeghi shikimthe tsü.”

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

XAKUTHAMI 6:5

Kughengu Midianmi no tülhaqu toi panow lhoxü jeli sasü iqhoghi no aphiki shi, ikemu panongu eno panow sayeshiqo ye kihikhamlae, tishikeu lono panongu no ngove keu yeghi kümtsü shipüsave tsü cheke.

XAKUTHAMI 7:12

Tile Midianmi, Amalekmi, eno kipelau shiayeqo no akhila lo tülhaqu toi nhakha, eno panow sayeshiqo no azüghi mkülo asaye toi kihikhamla ae.