ISAIAH 60:2 - Sumi Naga CL (Re-edited) Bible (BSI)

² Julo, aküzü no ayeghi nhaluve nani, eno aküzü kutho no timiqo nhaluve nani, ikemu Ampeu no nongu shou yepüvü nani; eno Pa juküvü nongu shou akeu ithulupe nani.

BAIBEL (BSI)

² Ashiayeh kutamiqoye akuzuno nhaluve nani, ikemu nongu shou AMPEU kuvuno yepuvu nani; pa kimthe jukuvu nongu shou akeu ithulupe nani.

ISAIAH 60:2 Iomraidhean Croise

KUKAMI ATUGHIU 8:11

ikehu achinemi ye khüngküsü no nhaluve no akümla shimlave, kughengu Ampeu juküvü no Pa ki nhapho luve ke.

LESHELE 102:16

Kughengu Ampeu no Zion shiqheke; Pa no Pa juküvü lono ipeghie;

LESHELE 80:1

Akini kugho puwo tsülo, O Israel kheu, Nono ambe loji saphe keshi Joseph shiaye saphe lo! No, Cherubim chishibo shou iqa ngo achekeu, aküvü yepüvü lo.

ISAIAH 2:5

O Jacob laghami, ighilo, ningu Ampeu küvü lalo checheni nolo!

ISAIAH 4:5

Tishino Ampeu no Zion Naghuto shou eno aqoahomi shou puchou no khüngküsü, puthou no amchhi ngo ami mili phuphushi pipetsü nani; Ampeuw sükusho no tipau juküvü kümtsü khonhape anani.

ISAIAH 58:10

tsala nongu no müzüthi kemi achuqupu tsü aye eno ichheime akemi mlo vepiqitsü aye, nongu küvü ye aküzü shou yepüvüve nani, eno nongu küzü ye puchomghü toive nani.

ISAIAH 58:8

Tishiaye, nongu küvü ye tsükutho küvü toi ipeghi nani, eno nongu shou shikipivi ye itheno ighive nani; nongu chipiu no nongu züu shino wu nani; eno Ampeu juküvü no nongu thiu nongu khe nani.

ISAIAH 62:1

Zion ghenguno Ni ye inaqhoi mo nani, eno Jerusalem ghenguno Ni ye qümüive mo nani, Liw achipiu-mikucho no vüqai yepüvü moke kutolo, eno liw xakulupu no akuluqhe iqü aketoi moke kutolo, Ni ye inaqhoive mo nani.

ISAIAH 66:11

tishiaye nongu tuchohiju nani eno li kicheqho lono nongu lopiqitsü nani; li no shishe kupukuno shi akeu lono nongu ye alokivishi sholu nani.”

ISAIAH 8:22

no ayeghi lo juqhi nani kemu aveküsa ngo aküzü, eno ime kelauno khümüi keu likhive nani; eno panongu ye aküzü kutho lo vesüve nani.

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

EZEKEL 10:4

Ampeu juküvü cherub launo ikuve no achineki kulaghi küdau wuve, achineki lo khüngküsü no chhitoive, eno achebo ye Ampeu juküvü yevüqai keu no chhitoive.

ACHINE 9:23

Moses ngo Aaron pama kuposhukulu phiki lo ilove no ipeghi kelo timiqo kümghatsü, eno Ampeu juküvü timi kümtsü lau ipeghi.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

AKIKIHI 16:19

Eno Korah no ahohomi kümtsü hekütsü pesü aphiki kulaghi lo Moses ngo Aaron pama lau jupuwo ghi puthugho luve. Ikelo Ampeu juküvü no ahohomi kümtsü lau ipeghi.

MATTHEW 15:14

Palokuto lo; panongu ye anhethi kighiche lapiyemi ke. Anhechemi no anhechemi saphe aye, pama kinikujo aqo lo ilove nani.”

MATTHEW 23:19

Nongu anhechemiqo! Khikhiu no akhotou kea, akümllagho no keo akümllagho pesü akimthe shitsü keu akümlla-khache no kea?

MATTHEW 23:24

Nongu anhethi iche püzü saphe chekeqo, nongu no amiyi ye küpüha püzü sayeshi ye munove cheni!

John 1:1

Abothu lono Atsa ae, Atsa huye Alhou gholo ae; eno Atsa huye Alhou ke.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

John 8:55

Nongu ye pa mthae ikemu ni ye pa ithi ani. Tsala I no ni ye pa mthae pi aye ni ye nongu toi kimkimi, ikemu ni ye Pa ithi ani eno Pa tsa pape cheni.

Apostolmi 14:16

Wovekeu tiqheli loye Pa no shiye kümtsü pelo pütüta lalo chepe.

Apostolmi 17:23

Kughengu I no iqhoiqi nongu julho kümllaqo jukelo, akiptia lakhi lo ishi yepüa keu ithulue: ‘Ithikümla lhou lau.’ Tighenguno nongu no ithi mono mlla chekeu hu I no nongu lau sheshu ani.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

Kolosiami 1:13

Pa no aküzü yekipeqha lono ningu xaphelu no petsüghü sawo Pa qhuu Nu yekipe lo ighike.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.