ISAIAH 60:18 - Sumi Naga CL (Re-edited) Bible (BSI)

¹⁸ Ghiqhi heqhikeu sütsa ye nongu yeghi lo chilu kithemae; eno shiküpsa ngo kütsakungo keu ye no lughi lo chilu moae; nongu no now aliwoqo pesü Xakuluu ipi ku nani, eno now khaghoqo pesü Shekiqhe ipi nani.

BAIBEL (BSI)

¹⁸ Ghiqhi heqhikeu sutsa chilu kithe move nani; Shikupsaye noyeghi kubole kithe mo nani. Ino aliwo lakhi toi nongu putu eno nongu susholu nani; Ino nongu xalukeu ghenguno nonguye isheqhe nani.”

ISAIAH 60:18 Iomraidhean Croise

SAMUEL AKINIU 7:10

I no Iw timi Israelmi ghenguno a-a lakhi kishe tsüno tile panoqo shosüni, tishianguno panongu ye aküpüna shimove no pano-a lo ngouve nani.

LESHELE 147:14

Pa no no yeghi lughi lo külashi tsü; Pa no athi akiviu pesü O shepichhi tsüke.

ISAIAH 11:9

Iw akimthe toghi lo ghüzaghügha momu kütsakungo keu shimo nani; kughengu azü no azüghi nhape akeshi Ampeu kighithi no ayeghi chhitoi nani.

ISAIAH 2:4

Pa no shiyeqo dolo küghathatsü eno ashiaye dolo kimpikile keu xathatsü nani; panongu no azütakikihi hephape akuphu mlave nani, eno angu pesü asübo kikixi zütachi mlave nani; shiye no shiye shou aghü küpüghü monani, tike kumono aghüshi qokiphe mu kühave nani.

ISAIAH 26:1

Tipa ghuloki lo Judah yeghi lono ale hipau phe nani: “Ningu ye aphughi kumto ani; aliwo eno sükusho-a toi Alhou no xakulupu pesü ni süshoke

ISAIAH 26:2

Amikucho shiye, O pülü kemi no ilo penike khagho khaqhilo.

ISAIAH 51:19

Thime hi küma no o shou ikughivae— khuu no o lopiqi tsüni kea?— amhekiqi ngo kütsakungo, püqümiye ngo azütakikihi; khuu no o lopiqi tsüni kea?

ISAIAH 54:14

Achipiu pesü no ye mtotoi lupe nani; No ye qhaküsü lono putosü nani kughengu no ye msamo nani.

ISAIAH 56:5

I no I kilo eno I kupuwu nguno alou, o je lono athigho qhitsü nani eno apu-anga akeqo nguno ajekipi shitsü nani; I no shekhaha je pesü panongu tsü nani ti ye khilemu kühave monani.

ISAIAH 60:11

Now khaghoqo ye khaqhipe anani, eno putho pucho khilemu khavemo nani, tishianguno timiqo no nongu lau shiye kütami kini süghi nani.

ISAIAH 60:17

I no alazayi züqhulo ameshoyi süghi nani, ayi theli lo ghükayi süghi nani, asü theli lo alazayi süghi nani, atu theli lo ayi süghi nani, nongu yepemi ye akümtshami shi nani eno nongu shou jukükütsümi ye achipiu shiche kemi shi nani.

ISAIAH 61:11

Ayeghi no apiti lhophetsü ketoi, eno aghutu no athi yisü püakeu lhophetsü ketoi, Ampeu Alhou no achipiu-mikucho ngo shekiqhe pesü ashiaye kümtsü zülo mini ipeghilu pe nani.

ISAIAH 62:10

Kathawu lo, khagho kathawu lo; timiqo ghenguno alaghi kutolo, shiqhelo, aghüzü laghi shiqhelo; tile atuqo ikhivelo; amchipu timiqo shou süqhelo.

ISAIAH 62:4

Hinguno hilau no ye Pheve kemi ipi kumo nani, eno nongu ghakhu ye khilemu Pighive keu ipi kumae, ikemu o pesü ishi pinani, I züküvü ye li shou ani, eno o ghakhu ye külakupu shiluvae; kughengu Ampeu no o lau amloqi ani, eno Pa no o ghakhu ye külauvepe nani.

ISAIAH 62:7

Pa no Jerusalem shiqhe kithe moke kutolo, eno ayeghi lo tino shekiqhepu shimoke kutolo, pa pelo akulhoqhipe kevilo.

EZEKEL 42:20

Pa no ako bidi mighiju. Tipau lo akuptu homxape ae, akushulau auxakuchho 250, eno akijelau auxakuchho 250 ae, tipau no akimthe ngo balha dolo kothape ae.

MICAH 4:3

Pa no ashiaye kutomo dolo küghatha tsü nani, akumto shiye putou akeqo ghenguno xathatsü nani; panongu no pano zütakikihi hepha pesü akuphu mlave nani, eno pano ngupa pesü asübo kikixi züta shive nani; shiye lakhino lakhi shou azütakikihi peqhemo nani, momu aghü küpüghümo nani;

ZEFANIA 3:19

Julo, tipa ghuloki lo I no nongu qhasü chekemi ghimeqhi nani. I no aphiau kinitave kemi xalu eno hapheve kemi hekütsü nani, eno pano kukujo pesü shekiqhe lo süve tsüno ayeghiqha kümtsü ajepipi tsü nani.

ZEKHARIA 2:5

Eno I no li bothape ami liwo lakhi shive nani, Ampeu no asheshu, I no li gholo ajuküvü shi nani.’”

ZEKHARIA 2:9

“Julo, I no panoqo shou I u peqhe nani eno khunono panongu qe ani keno tipaqo no pano xüle pewuve nani. Tileno aqokitikhi Mpeu no I puwu kepi nongu no ithi nani.

ZEKHARIA 9:8

Tishino I no aghukhemi toi I kilo ngokhe luve nani, tishianguno khunomu ipe-ilomo; nedaqoda kemi khunomu pano qhasü ighi kithemo nani, kughengu itehi ye I nhethi ampi no ithuluvae.