ISAIAH 59:9 - Sumi Naga CL (Re-edited) Bible (BSI)

⁹ Tighenguno achipiu xakütha ye ni launo putosüvae, eno achipiu-mikucho ye ni heche mlavae; ningu no aküvü lajuke ikemu aküzü ighi; vüqalei keu laju ke ikemu khümüi keu no küzüluve.

BAIBEL (BSI)

⁹ Timiqono pi, “Alhou ye kushiye niqodaqhi chekemi launo nixalumo keno itehino ithivae. Ninguno alachenike akuvu lajuqhiyi ake ikemu akuzu likhi aghike,

ISAIAH 59:9 Iomraidhean Croise

JOB 19:8

Pa no I pelo wulu pemo niye I la lo atupi yevetsü, eno aküzü pesü I la nhave tsüe.

JOB 30:26

Ikemu kughou I no akivi laju akeno alhoksau ighive, eno aküvü khe aye aküzüu ighike.

LESHELE 82:5

Panongu ye akighithi mu vethakulu mu kühae, panongu ye aküzü lo checheni; ayeghi boqha kümtsü süküghüthavae.

AHOLE 4:19

Kixikilami laghi ye aküzü kutho toi, pano ye kiu küpxalu ani keno ithi chemoe.

ISAIAH 5:30

Tipani ghi panoqo no azüghi ghügha toi Israel lo igha ighi nani. Julo, aghakhu lo aküzü ngo aveküsa likhi ithulu nani, eno khüngküsü no aküvü küzüluve nani.

ISAIAH 59:11

Ningu kümtsü ava toi mqhu ani; eno amiqhi toi igha auvae; ningu no achipiu xakütha laju kemu kühavae; ningu no xakulupu laju kemu ti ye ni launo putosüvae.

ISAIAH 59:14

Achipiu xakütha ye hapupovae, eno achipiu-mikucho ye putosüvae; kughengu kuchou ye alaghila lono küpxavae, eno amikucho ye tilehi iloghi mlavae.

ISAIAH 59:8

Panongu ye külakishi laghi mtha, eno achipiu xakütha ye pano laghi lo kühae; panongu laghi ye küsakügha; eno tipa laghi zü kemi khunomu külakishi mthae.

ISAIAH 8:21

Panongu no aveküsa eno akhüava shi itsü iqhoiqi nani; kughou müzüthi ipeghini keno panongu no axuideuve no pano kükau ngo pano lhou ghusho nani. Panongu no kunguu jupuku

ISAIAH 8:22

no ayeghi lo juqhi nani kemu aveküsa ngo aküzü, eno ime kelauno khümüi keu likhive nani; eno panongu ye aküzü kutho lo vesüve nani.

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

JEREMIYA 14:19

No ye qhoi Judah kheleve akeshea? O ngulho no Zion mithive akeshea? Ni shipivi mlave peniye No ye kushiye ningu hekulu kea? Nino aloino keu laju, ikemu akivi ighimoe; shikipivi do huqhe, ikemu akümsapu ithulue.

JEREMIYA 8:15

Ningu no aloino laju, ikemu akivi ighimoe; shikipivi laju, ikemu julo, akümsapu ighie.

AKUMLO 3:2

Pa no I hasü aküvü küha mithe keu küzü-a lo saighi;

AKUMLO 4:14

Panongu ye anhethi iche kemi toi alaghila lo itsü cheni; panongu ye aji no shikitiqeve akehu khunomu pano phimini bumlavae.

AMUS 8:9

“Tipa tsalani,” Ampeu Alhou no asheshu pi, “I no khetsünhe pelo puchou no ilovepe nani eno puchomghü lono ayeghi pesü aküzü shivetsü nani.

MICAH 1:12

Kughengu Maroth lo küxümi no tinhemgha ghenguno kütakihi ngokhe ani, kughengu Ampeu launo amhekiqi Jerusalem khagho lo ighivae.

HABAKUK 1:13

Ow tsüghükhüi keu nhethi ye alhoksa eno akumou shou jupukulu chemoke kushiye thekuchumi shou inaqhoi jupuku, eno küsaküghami no pa nguno amikuchomi munove kelo iqünhei ngove cheni kea?

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.