ISAIAH 59:19 - Sumi Naga CL (Re-edited) Bible (BSI)

¹⁹ Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

BAIBEL (BSI)

¹⁹ Kipelauno kulolau kutolo timi kumtsuno pa je eno pa kimthe kuka sumsa nani. Paye aghokino koha-ilu aketoi eno amlhu kumto toi ighi nani.

ISAIAH 59:19 Iomraidhean Croise

LESHELE 113:3

Khetsünhe ipeghi kelono ilo moke kutolo Ampeu je ye sheqhe kepue!

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 61:5

Kughengu, O Alhou, Nono I shoqhi chiluvae; Nono O je sümsa chekemi mheghi pesü I tsüvae.

ISAIAH 30:27

Julo, Ampeu ye axukighide no amchhi phochighi ghi cheni; aloghu no Pa kichi chhitoi eno Pa mili no pitimaha keu mi toi ani;

ISAIAH 30:28

Pa tuthu ye aghoki zü no akuo kutolo vesü ikughive ketoi ke. Pa no kütsakungo keu pesü shiyeqo ijoni ke sükuchoqhi cheni, eno panoqo sabide nike khurshi toi akichi lo ayi sütsü cheni.

ISAIAH 45:6

tishianguno kipelau no kulolau kutolo I nguno kütami ye khumu küha kepi timiqo pelo ithi peniye ke; Ni ye Ampeu, eno kütami ye khumu kühae.

ISAIAH 49:12

Julo, hipaqo ye aghacheu no ighi nani; ahuu eno kulolau no ighi nani; eno Syene yeghi lono ighi nani.”

ISAIAH 66:12

Ampeu no ishi piani: “Julo, I no aloino keu aghoki toi süghi tsüni, eno aghoki qotamo keu toi shiyeqo kinikülü nongu lau qoighipe nani; aza no anga tuchomjo akeshi li no khape eno li lukobo lo khape alokivi shi kilhe ketoi nongu tuchomjo nani.

ISAIAH 8:7

julo, Ampeu no Aghoki zü kümka eno züqozü toikeu, Assyria kükau ngo paw ghüshimi kümtsü, sasü panoqo lau cheni. Tino azülaki eno aghoki mkü vesü ikughive nani,

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

MICAH 7:17

panongu no apighi, ayeghi lo itikiche jeli toi ayeghimkhu mine nani; panongu no khokhoshi pano qogheki lono ipeghi nani; eno akümsa lono Ampeu ni Lhou lau tsüghü ighi no O sümsauve nani.

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

MATTHEW 8:11

I no nongu vilo piani, kutomo no kipelau eno kulolau no ighi no kungugha yekipe lo ilo Abraham, Isaac, eno Jacob gholo chunike iqa nani,

2 Thes. 2:8

Tishino ayezah heküxau pephe nani, ikemu Ampeu Jisü ipeghi kelono Pa kichi lo atuthu huno pa pithive nani eno pa ye kiumu kumove nani.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 12:10

Eno kungugha lono asütsa kuloghi lakhi I no chilu, “Itehi ni Lhou kükaqha, xakulupu, aküka, eno Paw Messiah kükagha ye ighivae, kughengu khuu no ni Lhou zülono putho pucho ni thiküzü chelimi nguku chekeno, akipimi kütsüu ye hape vepiqivae.