ISAIAH 59:17 - Sumi Naga CL (Re-edited) Bible (BSI)

¹⁷ Pa ye achipiu-mikucho no pa mlaküxa shike, eno tino paw xakulupu yikütsükuqho shike; eno pa no amkhükulu no pa phimini shike, eno minemighei keu no aphi toi pa küzüpu ke.

BAIBEL (BSI)

¹⁷ Pano aghunanu phimini pepu akeshi kuchou xakutha pepu eno tokulu pesu ayikutsuqho toi pepu nani. Thime achipishi apenike eno timi akumou lono aghime shichekeu amkhu lutsuni eno shikighime nike pano muqhumuzaike.

ISAIAH 59:17 Iomraidhean Croise

JOB 29:14

I no amikucho phimini pepuche, kuchou xakütha no chijeboike phi eno akütsükükha ke.

LESHELE 69:9

Kughengu O ki ghenguno müamzü keu no I pitipüza, O thogha kemiw thokügha no I shou ikughivae.

LESHELE 94:1

O Ampeu, amkhükulu Lhou; O amkhükulu Lhou, yepüvü tsü lo!

ISAIAH 11:5

Achipiu-mikucho no pa pokha shino pükhükulu no paw chighichepu shinani.

ISAIAH 26:11

O Ampeu, Nono O u peqhepe ani, ikemu panongu ye ithulu amoe. Ow timi ghenguno Nono müamzü keu panongu pelo ithulu no kujove pelo. O ghümi ghenguno ami akeu pesü panongu pitilo.

ISAIAH 37:32

Kughengu Jerusalem ngo Zion Toghi lono ghükulumi, aküxü aghi kemi loji ipeghi nani. Aqokitikhi MPEU kupulo lono hipau shinani.

ISAIAH 42:13

Ampeu no aghütomi lakhi toi chewu; Pa no aghütomi toi khekulhoshi kutope ngoke; Pa no aghüle ku, eno aghüshi ghügha ighae; eno Pa ghümi shou Pa kükakumto pephe.

ISAIAH 51:9

Ithulo, ithulo, ni shikumto tsülo, O Ampeu küka; khaghilo toi eno wovekeu tiqheli lo toi ithulo. Rahab aleqhishi ghithave keu eno dragon jipilive keu ye Noke kumo keshea?

ISAIAH 63:15

Kungugha lono pishipiqi ju tsülo, O kimthe eno jukivipu-a lono jutsü lo, O lokümsü ngo O küka khile ani kea? O mlo ighiqhiyi keu eno O kikimiye ni launo süchilevae.

ISAIAH 63:2

Kushiye o phimini ye huchuyi kea? Hi ye atsaithi kütsüghümi phimini toi anie.

ISAIAH 63:3

“I likhi I no atsaithi tsüghüve ake, eno timiqo khunomu I gholo ighimoe; I no I loghu kighide lono panongu qodaqhi eno I xukighide lono panoqo nedaqhi; panoqo gi lo aji no I phimini lo hedaveke.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

EZEKEL 5:13

“Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

ZEKHARIA 1:14

Ikehu kungumi khuu I pütsa akeno pa no I vilo pi, ‘Ighamku lo, aqokitikhi Mpeu no piani: Ni ye Jerusalem eno Zion ghenguno shishe anheshu ani.

John 2:17

Pa khopemi no ishi yepüa keu kümsülu: “O ki ghenguno alokümsü shikeu no I pitipüza nani.”

2 Kor. 6:7

kuchou tsapi eno Alhou küka lono; au ajeu ngo piyiu amikucho ghünanu pesü;

Ephesiami 6:14

Ikehu mtotoi puthugho lo, kuchou pesü apokha shilo, achipiu mikucho pesü amlaküxa shipulo,

Ephesiami 6:17

xakulupu kütsükuqho qhopulo, eno Aghungu lo zütakikihi ikhilu lo, ti ye Alhou tsake.

1 Thes. 5:8

Ikemu ningu ye tsüküvü laumi kehu, tsükhütsüvai shini, aküpülü eno kikimiye pesü amla küküzüpu shini, eno xakulupu lajupu no akütsükuqho shini.

2 Thes. 1:8

Pa no amiküqü pesü Alhou mtha kemi eno ni Mpeu Jisü tsakiviu gholumo kemi shou amkhülu nani.

IBRIMI 10:30

Kughengu khuu no, “I no amkhülu nani; I no lochile nani,” eno itaghi, “Ampeu no Paw timi shou küghatha nani,” ipi keno, ningu no Pa ithi ani.

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.