ISAIAH 59:15 - Sumi Naga CL (Re-edited) Bible (BSI)

¹⁵ Amikucho ye kühavae, timi khuu no alhoksa lono tsüghü wuveni keno, pa ye pa ampi pesü tsükuchupu lhoxü toi shivae. Ampeu no ti ithulu, eno achipiu xakütha kühakeu ithulu no Pa mlo qimove.

BAIBEL (BSI)

¹⁵ Amikuchoye shishe kitila shivekehu timi khuno alhoksa shimoveni keno paye kutami no tsaqhikepu shive aghi cheni.” AMPEU no hipau ithuluke eno kuchou xakutha kuhakeulo paye amlo shimove.

ISAIAH 59:15 Iomraidhean Croise

BOTHUBO 38:10

Pa no kiu shi keno ti ye Ampeu zülo kixikila shive, ikehu Ampeu no pa ghi pithive.

SAMUEL AKINIU 11:27

Eno akumlo do kishekhave kethiu David no pa kilo li saighivepe, eno li ye pa nipu shive no anu lakhi punu. Ikemu David no kiu shive keno tino Ampeu ye Pa loshipüsüve.

KUKAMI AKINIU 9:11

Kughou Jehu no pa mpeu qemi lau ipeghi keno, panongu no pa vilo pi, “Thokha achipi shi anima? Hi anikhau ye kushiye o lau ighi kea?” Pa no pi, “Nongu no timi eno pa tsapi ithi ani.”

YEKIKITHI AKINIU 21:7

Ikeghi Ampeu no David sasü puloshoqhi shipüake ghenguno, eno alholo akulu pesü David ngo pa nuli tsünike Pa no piqhi püake ghenguno David kükaqha kütsani shimove.

LESHELE 5:9

Kughengu panoqo kichi lo kuchou kühae; pano lolo shiküpsapu likhie; pano kughoki ye akumoki lhaphe püakeu ke; pano mili no akimki picheni.

ISAIAH 1:21

Pükhükulupu, kuchou xakütha no chhitoi keu phughi ye kishino kütüqhalimi ilhouve akelae! Ghuthu lakhi loye amikuchomi no tile ache ikemu itehi ye ghikiqhimi no auvae.

ISAIAH 10:2

Iw timi kumlhomi chipiu luvetsü, aghibiu lono küghatha tsümono chimemi ngo mighimi pükaqhi niye panongu no tishi cheni!

ISAIAH 29:21

alatsa pesü pimimo kemi kitime, küghaküthau laghi lo alichhe shi, akimki pesü achipiu tuchighive chekemi kümtsü kütsave nani.

ISAIAH 32:7

Amqükiniu ghengu ye, pa mqü ye alhoksae; pa ye kumlhomi no achipiu shi apülaghi akimki tsa pesü pa ghesüqhi niye kixikila mqü kuchughu cheni.

ISAIAH 46:12

“Nongu kuthovi keqo, achipiu mikucho lono putosüu akeqo, I tsa inilo:

ISAIAH 48:1

O Jacob laghami, hi inilo, nongu ye Israel je vecheo ku kemi eno Judah züghi lono ighi kemi ke, nongu no Ampeu je lono tushoqhi eno Israel Lhou je piphe cheni, ikemu kuchou eno achipi lono tishi chemoe.

ISAIAH 5:23

külügho ghenguno küqüve keu pheve no pimimo keu chipiu luvetsü kemi hasapue!

ISAIAH 59:4

Khunomu atsa kükügha lo achipiu lono wu chemoe, khunomu yepemi lau amikucho lono wu chemoe, panongu ye adou tsa shou pükhüpe acheni eno akimki tsa pi cheni, panongu no mqümgha shi cheni eno tileno shikipimi iqiphe cheni.

ISAIAH 65:12

I no nongu pesü azütakikihi tsüve nani, eno nongu kümtsü no hekiqhiu zülo pishiqho nani, kughengu I no nongu kukelo, nongu no khochile moe, I no nongu pütsa kelo, nongu no ini tsümoe, ikemu nongu no kiu no I nhethe lo axine keno ti shike eno I no pulomo keu kishelu ke.”

ISAIAH 66:4

Ni ghi panongu ghenguno aghimepu kishetsü nani; eno panongu no msa chekeu panongu shou pukutsü nani, kughengu khunomu I no kukeu lo khochile moe, I no pütsa kelo, panongu no ini tsümoe; ikemu kiu no I nhethe lo axine keno, panongu no ti shike, eno I no pulomo keu kishelu ke.”

JEREMIYA 29:26

‘Ampeu no o pelo Pa ki jukütsü tsü penike achineu Jehoiada theli lo o pesü achineu shivae, no ye tungkuptsa piche keu aghüzüu pesü kuokhayi pipe no khakütha bolo sülo.

JEREMIYA 7:28

Nono panongu vilo pi nani, ‘Shiye hipau ye pano MPEU Alhou gholu move, eno sakiyi keu ikhilutsü move; kuchou hu pühave; ti ye panongu mütsü lono ikhive.

AKUMLO 3:36

milakhi tsa kükügha süchighi keu ye Ampeu no pulomoe.

HOSIYA 9:7

Aghimepu tsalaqo ighivae; lokichile ghuloki ighivae; Israel no tipau ithi nani. Tungkupu huye mbomzüe; aghungu lo timi ye aghüzüe, ti ye nongu xine kije eno akimthi kije ghenguno ke.

AMUS 5:10

Panongu no khagho lo shikithetsü kemi mithi, eno kuchou tsa pi kemi jukuchhube cheni.

MICAH 7:2

Alhou pape chekemi ye ayeghi lono kühavae, eno timi gholo akümzümi ye khumu kühavae; panongu kümtsü no aji peleni ye ngokhe ani eno akhame pesü lakhino lakhi hakuqo ani.

Mark 3:21

Kughou Jisü kibolomi no ti chilu keno, panoqo no pa ghasüve niye wu, kughengu timiqo no pa ghili hitoi kügha ake, “Pa ye akükümsü kühavae.”

John 10:20

Panoqo gholo kutomo no, “Pa ye tüghami ani, eno izüuvae; kushiye pa tsa inini kea?” ipi ae.

John 8:52

Jewmi no pa vilo pi, “No ye tüghami o lolo anie pi itehi ye nino ithivae! Abraham ye thivae, eno tungkupmiqo ghi thivae, ikeghi nono, ‘khuu no I tsa peluni keno khilemu akithi michemo nani’ ipi ani.

Apostolmi 26:24

Pa no hipaqo pi ghi pa shokha ake lono, Festus no asütsa kuloghi lono pi, “Paul, no ye o kükümsü aphi ije amovae, o kighithi kighiche no o kükümsü o shiküghüzüvae.”

Apostolmi 9:1

Saul ye Ampeu papemi pithiveni pi shikichi ae, pa no achinetou lau wuno

Apostolmi 9:23

Atsala kutomo thiu Jewmi no Saul pithive nike kümqü,

Rommi 8:36

Ishi yepüake toi, “Atsala kupuju ningu ye o ghenguno akithipu sholu acheni; ambe ghiqhi niye akeu paphishi ningu kihi acheni.”

2 Kor. 5:13

Kughengu nino küghüzümi ghola shive aghi aye, ti ye Alhou ghenguno ke; ikemu ningu kükümsü achipilo aghi aye, ti ye nongu ghenguno ke.