ISAIAH 59:1 - Sumi Naga CL (Re-edited) Bible (BSI)

¹ Julo, Ampeu u ye ikholove no nongu xaluni keu tolumo ake kumoe, momu Pa kini ye ipove no nongu sütsa chilumo ake kumoe;

BAIBEL (BSI)

¹ AMPEU ye nongu xalunike ighono miqemilei momu nonguno kuphulepi kukeu chilunike akini ipovea kepi kumsu kevilo!

ISAIAH 59:1 Iomraidhean Croise

BOTHUBO 18:14

Ampeu ghengu ye kiuala ighono kushokütsüpu ani kea? Tokuu hipau ghuloki lo, piqhi püakeu do lono I no o lau ideighi nani, eno Sarah ye anu lakhi punu nani.”

LESHELE 94:9

Pa no akini mlasü tsüke, Pa ye chilu moveni keshea? Pa no anhethi mlasü tsüke, Pa ye ithulu moveni keshea?

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

ISAIAH 50:2

Kushiye I no ighi kelo timi lakhimu aghi move kea? Kushiye I no ku kelo milakhi nomu khochilemo kea? Nongu xachile lunike I u ye ikholo küghashi anio? Momu Ni ye xaphe lunike aküka küha keshea? Julo, I zakütsü lono I no azüghi qhaive tsü cheni, I no aghokiqo pesü asayeqha kughulhove cheni; tipaqo lo akha no azü kühave kehu münauve eno tüghüthi kelauno thive cheni.

ISAIAH 58:9

Tileno nongu no ighamku nani eno Ampeu no khochiletsü nani, nongu no ku nani eno Ampeu no pinani, “Ni hile ani.” Tsala nongu no kuokhasü nongu dolono ikhi süwuve aye, eno kütami nguku keu ngo kixikila tsa pikeu ikhive aye,

ISAIAH 6:10

Timi hipaqo mlo shikümka lo, panoqo kini kughupove tsü, eno anhethi kighicheve tsülo; tikumo aye panongu no ithulu, chilu eno vethalu no xaide püzü shipivi luve nosake.”

ISAIAH 63:1

Edom qhalo Bozrah lono chekeu, hughüike phimini pepusü chekeu ye khuu kea? Khuu pa no pepuche keu phimini lo ighono jukighilepu shi ani keno, Pa ye Pa kükakumto lono cheni, “Achipiu-mikucho lono pi akeu eno xalu nike akumtoshi akeu ye Ni ke.”

ISAIAH 65:24

Panongu no I kumphi lono I no khochile nani; panongu no pi aphi lono I no chiluve nani.

JEREMIYA 14:9

No ye kushiye timi lakhi no avehu izüveke toi, xamlani keu ghütomi toi ani kea? Ikeghi, O Ampeu, No ye ni gholo ani, nino O je ku anike ni qhivetsü kevilo.”

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

EZEKEL 8:18

Tighenguno Ni ye aloghu pepheniae. I nhethi ye panoqo juzüvemo nani, momu Ni ye amlosa qhiyi monani. Eno panongu no asütsa kuloghi lono I kini lo ighasü anamu, I no panoqo ghügha chilu tsümo nani.”

MICAH 2:7

Hitoi pi kepu keshea, O Jacob laghami? Ampeu ye kutuumla aya keshea? Hipaqo ye Pa kümla keshea? I tsapi ye müzüchoi cheche kemi lau akivi shilu chemo keshea?

AKIKIHI 11:23

Ampeu no khochile, “Ampeu u ye ikholove akeshea? I tsa ye o ghenguno kuchou shinani kemo keno nono ithi nani.”

MATTHEW 13:15

Kughengu timi hipaqo mlo ye kiumu shikalu moae, pano kini ye ini kushughivae, pano nhethi ye miyi luvae, tikumo aye pano nhethi no ithulu, pano kini no chilu, eno pano mlo no ithikuthulu no tsüghü ighi kelo I no panoqo shipivilu nosa kehue.”

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

SAMUEL ATUGHIU 4:3

Kughou timiqo no aghazü lo ighi keno, Israel lo layemiqo no pi, “Kushiye Ampeu ye ningu pelo Philistiami zülo tomlave pe ani kea? Ningu no Ampeuw Puloshoqhi Bohu Shiloh lono hile peighini nolo, tishiaye tipau no ningu gholo ighi no aghümi küka lono ni xalu nani.”

SAMUEL ATUGHIU 8:18

Eno tipa tsalani nongu kükau, khuu nongu no nongu ghenguno kishephe keno, pa ghenguno nongu no ighamku nani, ikemu tipa tsalani Ampeu no nongu khochile tsümo nani.”