ISAIAH 58:7 - Sumi Naga CL (Re-edited) Bible (BSI)

⁷ Kümvü keu ye müzüthi aghi kemi sasü nongu chuqupu küsajeni keu, eno aki küha kemi nongu ki lo sasüni keu, aphimini küha kemi aphimini tsüni keu, eno alimi launo itshü wuve moni keu noke kumo keshea?

BAIBEL (BSI)

⁷ Muzuthi aghikemi sasu nongu chuqupu kusajelo eno akialu kuhakemi kumlhomi nongu kilo sasulo. Kiumu unimi kepu kuhakemi aphimini tsulo eno nosholokumi kuphukileni keu kughuchove kevilo.

ISAIAH 58:7 Iomraidhean Croise

BOTHUBO 19:14

Ikehu Lot no ipe püzü pa makishimi, pa nongaqo sasü akibo shiniye akemi vilo pi, “Ithulo! Hipa-a lono ipevelo, kughengu Ampeu no mishighüna hipau kütsave niye shivae.” Ikemu amalimi no pa ye ghava shi ani küghashi kümsüve.

BOTHUBO 19:2

eno pi, “I mpeu, kimiyeno o qeu kilo ighi no putho ye hila ngovelo eno nokujo pukhu qhulo. Tishino nokujo no itheno ithu nokujo la lo wu penie.” Pama no pi, “Moe; nikujo ye putho ye aphughi laghila lo ngovenie.”

YEKIKITHI AKINIU 28:15

Timi khunoqo je kuphe keno, tipaqo no ithu no anhemgha lepughi keu lono aphimini pesü akughumi aphikümsa shi akeqo pipeve. Panongu no tipaqo aphimini eno apukhuqho pipe, chuqu-kusho tsüve, eno nukisheve. Tishino khurhaqo lono panongu ngaqo kümtsü xapusü Jericho lo amsabo mishighüna lo pano bolomi lau saghitsü. Eno panongu ye Samaria lo idewove.

NEHEMIA 5:5

Ni phimpi ghi ni thiküzümi phimpi toi, ni tianuli ghi pano tianuli toi, ikeghi ningu ye ni tianuli pelo aqüaxe shive anipe eno ningu ngaqo khami ye aqü-axe lo jesüvae. Ikemu ningu ye tipaqo mjochileni keu küka kühavae, kughengu ningu lu eno atsailu kümtsü timi kütami no lukhavae.”

JOB 22:7

No ye azü pesü tüghüthi cheghi kemi piye chemo, müzüthi akemi launo achuqupu süchile luve cheni.

LESHELE 112:9

Pa no ame lumono kümsano kijetsü cheni; pa no kumlhomi tsüke; pa chipiu mikucho ye alhokuthu acheni; pa kibo ye agigihu lono süqhe cheni.

AHOLE 11:17

Timi khuu no ivünhei keno pa likhi pa la shilu cheni, ikemu ayiküsa shikeu ye pau ghüzave cheni.

AHOLE 22:9

Tsü-jekini mlo ache kemi ye kumlhomi sasü achuqupu kijechu chenike ghenguno kümghatsü nani.

AHOLE 24:11

Khuana akumou lono pithiveni ye sawu cheghi aye xaphelo, pa sasü ghikiqhi-a lo sawu chekemi hakhalo.

AHOLE 25:21

O ghümi no müzüthi aghi aye pa kughulhu lo, pa no tüghüthi aghi aye azü piyelo,

AHOLE 28:27

Kumlhomi tsü chekemi ye püqüve mo nani ikemu anhethi miyi luve chekemi ye timi kutomo no ghusho nani.

ISAIAH 58:10

tsala nongu no müzüthi kemi achuqupu tsü aye eno ichheime akemi mlo vepiqitsü aye, nongu küvü ye aküzü shou yepüvüve nani, eno nongu küzü ye puchomghü toive nani.

JEREMIYA 22:3

Ampeu no ishi piani: Kuchou xakütha eno achipiu mikucho shilo, eno püka luve tsüno itaghi aküpkau no qhasüpe akeu xaphe lulo. Inaghami, mighimi, eno chimemi lau anguka eno akumou shi kevilo, a-a hipau lo pimihami ji pele kevilo.

EZEKEL 18:16

khumu shikughujumo, aküna shoqhi lumo, kiumu pükamo, ikemu müzüthi akemi lau pa sho tsü eno akuuphi pesü aphikümsa shi akemi pipe,

EZEKEL 18:7

khumu shikughujumo, ikemu apiagha kupumiw aküna shoqhi tsüchileve, kiumu pükamo, pa sho pesü müzüthi akemi tsü eno aphimini pesü aphikümsa shi akemi pipe,

DANIEL 4:27

Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”

Luke 11:41

Ikemu alou no ipeghi püzü kumlhomi tsülo, eno julo, nongu ghenguno thokha mithe ani.

Luke 19:8

Zacchaeus no müzüchoi ngove no Ampeu vilo pi, “Julo, Ampeu, I no akeu küakini tüxa ye kumlhomi tsüve niae. Eno I no kiuala pesü khuana pishiqhi püaghi aye, ghuthu bidi no küghüsüpe athoputho tsüni.”

Luke 3:11

Pa no khochile, “Khukhumu aphiküzü kini akeu no küha kemi sasü küsaje lo, titoi achuqupu akeu no tishilo.”

Apostolmi 16:15

Kughou li no abolomi sasü baptiz shiluve keno, li no ningu kusü no pi, “Nongu no ni ye Ampeu pükhükulupu shivae pi xathalu aghi aye, ighi no I kilo ngolo.” Li no ningu pütsaqhi luve.

Apostolmi 16:34

Tishino pa no pama sasü pa kilo wuno kuchu-kusho kutope tsü. Eno Alhou pülü luveke ghenguno pa no akibolomi kümtsü sasü alovi.

Rommi 12:13

Küpülümi vehupu lo qhasü tsülo eno pütüta ki lo shoinami sasükinimi shilo.

ZAKINIU 22:1

“No ye o thiküzüu mishitsü momu ambe ala kütau pocheghi keu ithulu pülaghi jukümghale moni. Pa lau tipau saideghive tsüni.

1 Tim. 5:10

li ye akümla kivi hitoike ghenguno ajuaje kivi aghi masa: atianuli akivishi saputhu kemi, inami sasü kinimi, Alhou qemi pukhu qhutsü kemi, shiluküsami kuphu kemi, eno thokha lo akümla kivi shi kemi.

Philemon 1:7

I thiküzüu, ni ye o kikimiye lono alokivi eno alokughuno shishe ithuluvae kughengu o vecheo küpülümi ghüthi püxü tsüke.

XAKUTHAMI 9:2

“Shechem lo sakiphemi kümtsü vilo pilo, ‘Nongu ghenguno khikhiu pavi ani kea, Jerubbaal nuli pano 70 kümtsü no nongu shou ayepe peni keo, milakhi no pepeni kea?’ Ni ghi nongu ji lo kiyighi kepi kümsülu lo.”