ISAIAH 57:18 - Sumi Naga CL (Re-edited) Bible (BSI)

¹⁸ I no pa no kishi xü ani keno ithuluvae ikemu I no pa shipivi nani; I no pa saphe sawu nani eno pa eno pa gholo mloqa akemi lokughunotsü nani,

BAIBEL (BSI)

¹⁸ “Panonguno kishi xuchekeno ino ithuluvae ikemu ino panoqo shipivi nani. Ino panoqo saphe eno kuphuni eno panongu khunoqono qa mlo aghini keno ino alokughuno tsuni.

ISAIAH 57:18 Iomraidhean Croise

LESHELE 23:2

Pa no I pelo atsüni kümtsha lo ihozüpe. Pa no azü küghüqü phivilo I sawu.

LESHELE 51:12

Ow xakulu lokivi I tsüchile lo, eno pulopinyi keu ghungu pesü I choqhe tsülo.

LESHELE 94:19

Kughou I mlo kütakihi keu no kutomo shive keno, O loinokütsü no I ngulho lopivi tsüe.

YETSAPIU 9:4

Ikemu khuu no küxümi gholo ani keno pa ye lajupu ani, atsü xü akeu no abongshuu thive keu nguno akiviue.

ISAIAH 1:18

Ampeu no pi, “Ighilo, ningu itehi no kiqikuto juni: nongu xine no hughüi aghi namu, tipaqo pesü mürasü toi metsüghoive tsüni; akuhuphi toi huchuyi aghi namu, asüpha toi metsüghoive tsüni.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 19:22

Ampeu no Egypt ghime nani kemu panoqo shipivi nani, panongu no Pa lau ideighi no kimiyeqhiyi penike qhüiniju kelo Pa no chilu tsüno panongu shipivi nani.

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 30:26

Itaghi, kughou Ampeu no Paw timi ghime kelono azaku pipekeu khavetsü eno shipivini keno, tipa tsala lono aqhi küvü no khetsünhe küvü toive eno khetsünhe küvü huno ghulo tsüni küvü peküqha keshi ghuthu tsüni piqi alaushi vüqaive nani.

ISAIAH 49:10

panongu ye khilemu müzüthi tüghüthi monani, amülhü momu khetsünhe kushu no pano shipüsa monani, kughengu panoqo kimiye chekeu no pano sache nani, eno azüpuki phivi lono panongu sawu nani.

ISAIAH 51:12

“O lopiqitsü chekeu ye Ni ampi noke; nongu ye kushiye thiveni keu timi msa ani kea? Timi nu ye atsüni hutoi mla püani,

ISAIAH 52:12

Kughengu nongu ye mighimghai ipemo nani, eno nongu ye posü womo nani, kughengu Ampeu no nongu züu shino wunani, eno Israel Lhou no nongu thiuno khesasü wunani.

ISAIAH 53:5

Ikemu ni xineqo ghenguno Pa ghüzaveke, niw shikipimi ghenguno Pa ye heqhive; pa shou aghime puku keu huno ni lau aloino keu süghi, eno Pa shou hepuku keu zaku no ni lau shikipivi süghie.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 58:11

Eno Ampeu no tamono nongu mijetsü nani, eno küsakusho lo ghi nongu pulou shitsü nani, nongu saghi shikumtotsü nani; eno nongu ye azü no pütsüve keu ghutu toi nani, eno azü hauvemo keu ghoki toi nani.

JEREMIYA 13:17

Ikemu nono inimo aye, o qheküza ghenguno I ngulho no tuqhou no qa nani; I nhethi lono kukhukimji shi anhezü ipeghi qa nani, kughengu AMPEUw timi loji ye akughu lo sawuveni ake.

JEREMIYA 3:22

“Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

JEREMIYA 30:17

I no o shiaji puthotsü nani, eno o ghüzaku shipivi tsünani, ipi Ampeu no sheshu, kughengu panongu no no ye hapheve kemi ipi ku: ‘Hi ye khunomu tucho chemo keu Zion ke!’

JEREMIYA 31:3

Ampeu no putou no ni lau ipeghi piye. I no lhokta kikimiye pesü o kimiye; tighenguno I no ishokibe o lau pükhükulu shike.

JEREMIYA 33:6

Julo, I no ashiaji kivi eno shikipivi süghi nani, eno I no panongu shipivi no kupukuno küakini eno sükusho pephe piye nani.

ZEKHARIA 1:13

Eno Ampeu no kimiyeqhiyi eno amlo vepiqi tsükeu tsa lono kungumi khuu I pütsa akeno khochileve.

Luke 15:20

Pa no ithu papu lau idewo. Ikemu pa no putou chephi lono papu no ithuluve no pa mlo saqhiyive, eno pa no anu lau posü wuno pa khadape müma.

Rommi 5:20

Ayezah ye akipimi kighisheni ke iloghi, ikemu khile axine kighishe keno küpükiniu no alau pofushi kithe,

Piyeküsü 7:17

Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”