ISAIAH 57:11 - Sumi Naga CL (Re-edited) Bible (BSI)

¹¹ Nongu ye khuu ju püzü msave keno, I lau miki, I kümsümave, eno amlo lo qhimove kea? I no ado kushuo inaqhoi kutuu pesü ngove keghi, nongu ye I msa mono anike kumo?

BAIBEL (BSI)

¹¹ AMPEU no pi, “Nongu pelo musave chepekeu lhou hipaqoye khunoqo keno nonguye ivilo akimki tsa picheni eno qhoyi ikumsumave cheni kya? Ino ado kushuwa inaqhoi auveke ghenguno nonguye igihumono ngove kesha?

ISAIAH 57:11 Iomraidhean Croise

LESHELE 50:21

No ye thime hipaqo shivae, ikeghi Ni ye inaqhoi ighivae; nono kümsü keu no nighi o toi kemi küghashi ani. Ikemu itehi I no o lomipi ani eno ngukube keu o zülo süghi ani.

LESHELE 78:36

Ikemu pano tsapi ye akimki likhi; panongu no pikeu lakhimu kuchou shimoe.

AHOLE 29:25

Timi jupe msa chekemi ye pa sala alichhe mla ani, ikemu Ampeu shou pükhübe kemi ye sükusho ani.

YETSAPIU 8:11

Küsakügha kümla shou ke-i xakütha tsümoke ghenguno timi mlo lono alhoksa shinike kughuuve cheni.

ISAIAH 26:10

Kixikilami saphuuve aye, pa ye achipiu mikucho ghili ithimoae; akümzümi yeghi lo thotsü pa ye akumou shinani, eno Ampeu kükanguagha ithulumo nani.

ISAIAH 30:9

Kughengu panongu ye Ampeu kükütsütsa ininishi chemo kemi, hekibidemi eno kimkimi;

ISAIAH 42:14

“Ado kushuo lono Ni ye inaqhoi ngovae; Ni ye inaqhoi I likhi Ni süchile pesü ngovae; itehi ye totimi no apunu küsü lo igha aketoi I no igha nani; I no atuthu shekukuno muqhu nani.

ISAIAH 44:20

Pa ye ayevu chu auvae; aghüzünikha no pa saküghüzü auvae eno pa ampi xaphemla momu ishi pimlae, “I u ajeu akimki kühave akeshea?”

ISAIAH 47:7

Nono pi, “Ni ye alhokupuju kükaliu shi anani,” ikehu no ye hipaqo amlo lo qhimoe momu ashekha lo kishive nani keno kümsü moe.

JEREMIYA 2:32

Amikucho ilimi lakhi ye li chila kümsümave nanio, momu külaliu ye li phimini kümsümave nani keshea? Ikemu Iw timiqo no atsala kihimla kepushi I kümsümavae.

JEREMIYA 3:21

Asa itsümo keu toghi lono asütsa lakhi chilue, Israel tianuli no mloqa qhüiniju ani kughengu panongu ye pano laghi pheve, pano Lhou Ampeu kümsümave ke.

JEREMIYA 38:19

Akükau Zedekiah no Jeremiah vilo pi, “Ni ye Jewmi Chaldeami lau wuve keqo msa ani, panongu no I pesü Chaldeami u lo süve tsüno I kijipüsa nosae.”

JEREMIYA 41:18

kughengu panongu ye Chaldeami msave, ti ye Babylon kükau no angh shi penike süsü keu Ahikam nu Gedaliah, Ishmael no ghiqhive kehue.

JEREMIYA 42:20

nongu ye no küxü pesü ala ghüzü qhüluvae. Kughengu nongu no Ampeu no Lhou lau I puwu no ishi pitsülo pike, ‘Ampeu ni Lhou lau ni ghenguno inikhu tsülo, eno Pa no kiukiu pinamu ni vilo pitsülo, ningu no tishini.’

EZEKEL 13:22

I no amikuchomi püqapunu mo keghi nongu no akumou lono amikuchou ghüthi püsüve tsü, eno kixikilami shikumto no pa pelo kixikila laghi lono tsüghü idelu no pa küxü xalu pemoke ghenguno

HOSIYA 11:12

Ephraim no akimki pesü I süho, eno Israel lagha no pishikiqhi pesü I boluvae, ikemu Judah ye Alhou gholo chechephi eno Akimtheu lau pükhükulupu shi anie.

MATTHEW 25:25

ikehu ni ye msave püzü wuno ow pisa ayeghi lo küsüve ke hi anie.’

Apostolmi 5:3

Ikemu Peter no pi, “Ananias, kushiye Aghungu Kimthe pishiqhi niye Satan no o mlo lo iloghive no ayeghi jekulu pisa hami o sala qhiluve kea?

2 Thes. 2:9

Ayezah heküxau ikighi ye Satan kümla lono ke, pa no aküka, eno kichile michipu ngo akichiqhipu kümla peitha nani,

1 Tim. 4:2

Hi ye kimkimi khuno kükümsü piti kushughipe tsaqüimo keno, pano vecheo ighi nani.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.