ISAIAH 57:1 - Sumi Naga CL (Re-edited) Bible (BSI)

¹ Amikuchomi no thive keghi khumu amlo lo kümsüpu moe; khunomu vethamla no akelono amlo kütsümi sawuve ke. Kughengu achipiu-mikuchomi ye amhekiqipu lono sawuve;

BAIBEL (BSI)

¹ Amikuchomi thive cheni eno khunomu tipau amlolo kumsupu move cheni. Ikemu kughou panono thini keno shiluksa kitikhi kiunomu pano ghuzamlake.

ISAIAH 57:1 Iomraidhean Croise

KUKAMI ATUGHIU 14:13

Israelmi kümtsü no pa ghenguno mloqa no pa shiqho nani, kughengu Jeroboam lagha lo pa likhi no Israel Lhou Ampeu mlo piqilu kehu pa sükumo likhi no shiqholu nani.

KUKAMI AKINIU 22:20

Tighenguno julo, I no o puasüqo gholo o hekütsü nani, no ye aloinoqhiyi o kumo lo ilo nani, eno o nhethi ye I no a-a hipau shou kütsakungo süghini ye akeu ithulumo nani.’” Panongu no akükau lau atsa hipau pesü ighi.

YEKIKITHI AKINIU 32:33

Hezekiah ye pa puasüqo gholo zühuve eno panongu no David lagha kumokilive lashou pa shiqhove, Judah ngo Jerusalem lo küami kümtsü no pa kithi lo agigihu pa tsü. Eno pa nu Manasseh no pa thisü luve.

YEKIKITHI AKINIU 34:28

Ikehu julo, I no o puasüqo gholo o hekütsüve nani eno no ye aloino o kumo lo ilo nani, o nhethi ye I no a-a hipau shou kütsakungo süghi niye akeu ithulumo nani.’” Panongu no akükau lau atsa hipau pesü ideighi.

YEKIKITHI AKINIU 35:24

Ikehu pa qemi no khurkulu lono pa khapesü paw khurkulu akiniu lo süve no xapusü Jerusalem lo wuve. Tilauno pa ye thive eno pa puasüqo kumoki lo qhove. Judah ngo Jerusalem lo akemi kümtsü no Josiah ghenguno mloqa.

LESHELE 12:1

Xalulo, O Ampeu, kughengu Alhou ithi kemi kühavae; kughengu timi nuli dolo pükhükulumi hauvae.

LESHELE 37:37

Tukutiye küha kemi amichi shilo eno akümzümi ju püalo, kughengu külakishimi ghengu ye hithiu tsala kivi ani.

ISAIAH 42:25

Tighenguno Pa no Pa xukighide ngo aghükishi ghime pesü panongu shou lepukue; tino panongu homxape iqü, ikemu panongu ye vethamlae; tino panongu piti, ikemu panongu no alomsümoe.

ISAIAH 47:11

Ikemu alhoksa no o shou ikughi nani, no ye kishino tipau khonhaveni keno mtha nani; küsakusho no o shou ikughi nani, no ye tipau lochile mla nani; eno nono khilemu ithimo keu amhekiqi no paikhavi o shou ikughi nani.

ISAIAH 47:7

Nono pi, “Ni ye alhokupuju kükaliu shi anani,” ikehu no ye hipaqo amlo lo qhimoe momu ashekha lo kishive nani keno kümsü moe.

ISAIAH 57:11

Nongu ye khuu ju püzü msave keno, I lau miki, I kümsümave, eno amlo lo qhimove kea? I no ado kushuo inaqhoi kutuu pesü ngove keghi, nongu ye I msa mono anike kumo?

JEREMIYA 18:11

Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

JEREMIYA 22:10

Thive keu ghenguno qa kevi momu amlo iju kevilo, ikemu akughu lo wuve kemi ghenguno mloqa lo, kughengu pano ye ideighi no pano ghüna ithulumae.

EZEKEL 21:3

eno Israel yeghi vilo pilo, Ampeu no ishi piani: Julo, Ni ye nongu lachile ani eno asükhi lono I zütakikihi süjove no amikuchomi na kixikilami namu ghiqhive nani.

MICAH 7:2

Alhou pape chekemi ye ayeghi lono kühavae, eno timi gholo akümzümi ye khumu kühavae; panongu kümtsü no aji peleni ye ngokhe ani eno akhame pesü lakhino lakhi hakuqo ani.

MALAKI 2:2

Nongu no ini move aye, nongu no I je gihuni keu amlo lo qhimove aye, aqokitikhi Mpeu no pi, I no ghukusho nongu lau puwu nani eno I no nonguw kükümghaqo ghushove nani. Nongu no amlo lo hipau süpu moveke ghenguno mtsüqheino I no panoqo ghushovae.

AKIKIHI 23:10

Khuu no Jacob yeghimkhu kihilu momu kikije abidiu kihi luni kea? I pelo amikuchomi kithi thilu pelo, eno I shekuho ye pano toilu pelo!”