ISAIAH 56:7 - Sumi Naga CL (Re-edited) Bible (BSI)

⁷ tipaqo ye I no I kimthe toghi lo saighi nani, eno I kighini ki lono alokivi nongu tsü nani eno nongu no akümlla-khache lo, akipti kümllagho ngo aghakishi kümllagho tsükeu ikhilutsü nani; Kughengu I ki ye ashiaye kümtsü ghenguno akighini ki ipi ku nani.”

BAIBEL (BSI)

⁷ “Ino nongu sasu ikimthe toghi, Zion lo saghi nani, ikighini kilo alokivi nongu tsu nani eno nonguno akipti khachelo aghashi keu ikhilutsu nani. Ichinekiye ashiayeh kumtsulo timiqo ghenguno akighiniki lakhikepi kunani.”

ISAIAH 56:7 Iomraidhean Croise

KUKAMI ATUGHIU 8:41

“Titoi inami ow timi Israelmi kumo kemu aghakhu kushuo lono O je ghenguno ighi kelo,

LESHELE 2:6

“I kimthe toghi Zion lo I no I ghenguno Akükau süsüvae.”

IPEKULU 28:38

Ti ye Aaron kishe lo akütsü küzüphi lo dapuni, eno Israelmi no akimthe gho shi pephe tsükeu lo kiukiu kipimi aghimu Aaron no puveni. Pa ye alhokuthu pa kishe lo tipau xapuni, tishianguno Ampeu zülo ikhikulupu shi nani.

ISAIAH 11:9

Iw akimthe toghi lo ghüzaghügha momu kütsakungo keu shimo nani; kughengu azü no azüghi nhape akeshi Ampeu kighithi no ayeghi chhitoi nani.

ISAIAH 19:19

Tipa tsala lo Egypt yeghi mta lono akiptia lakhi, eno alughi lono atu tsükucho lakhi, Ampeu lau mlatsü keu anani.

ISAIAH 19:21

Ampeu ampi no Egyptmi lau pephe piye nani, tipa ghuloki lono panongu no Pa ithi no aghakishi ngo akümllagho pesü mlla nani, eno Pa lau ashoqhi shino ti pape nani.

ISAIAH 25:6

Aqokitikhi MPEU no naghuto hipau lono ashiaye kümtsü sala kinikülü chuqupu atsaizü akiviu ghulhu kutotsü nani.

ISAIAH 56:5

I no I kilo eno I kupuwu nguno alou, o je lono athigho qhitsü nani eno apu-anga akeqo nguno ajekipi shitsü nani; I no shekhaha je pesü panongu tsü nani ti ye khilemu kühave monani.

ISAIAH 57:13

Kughou nongu no ighamkuni keno, nongu no ajulho kütsüpe püakeqo pelo nongu xaphetsü pelo! Amülhü no tipaqo fupesü wuve nani, atuthu no tipaqo fupesü wuve nani. Ikemu khunono I pükhü cheni keno ayeghi lo xülu nani eno I kimthe naghuto ighilu nani.

ISAIAH 60:11

Now khaghoqo ye khaqhipe anani, eno putho pucho khilemu khavemo nani, tishianguno timiqo no nongu lau shiye kütami kini süghi nani.

ISAIAH 60:7

Kedar lo lhoxü loji kümtsü nongu lau süghive nani; Nebaioth lo ambetsüqo ye akümllagho shi nongu lau süghi nani; tipaqo no aghokulu shi I kümlla khache lo ikughi nani, eno I no I chineki jukighilepu shi qhi nani.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 65:11

Ikemu nongu khunoqo Ampeu qhive keno, khunono I kimthe naghuto kümsümave keno, Angukümgha ithulu niye achuqupu pesü mlla chekeqo, eno Kükümgha ithulu niye atsaiji jeli kitekungo chekeqo,

ISAIAH 65:25

Atine ngo ambe no kümtsa chu nani; abongshuu no amishi toi aghijini chu nani; eno ayeghimkhu no apighi chuqupu shi nani. Iw akimthe toghi lo panongu ye ghüza kile momu kütsakile monani,” ipi Ampeu no piani.

JEREMIYA 7:11

I je lono kukeu ki hipau ye nongu nhethe lo küpkami küghütshü-a shiveni keo? Julo, Ni ampi no hi ithuluvae pi Ampeu no asheshu.

EZEKEL 20:40

“Ampeu Alhou no asheshu, kughengu Iw akimthe naghuto, Israel naghuto kiqhe shou no Israel kibolomi kümtsü, panoqo kümtsü, tilau ayeghi hipau lono I qe nani. Tilau no I no panoqo ikhilu nani, eno tilau no I no nongu süqha-süli eno akighiche gho gholono now akimthe kümllagho kümtsü avehupu shi nani.

EZEKEL 47:22

Nongu dolo eno inaghami nongu gholo auve no atianuli shive kemi sasü amheghi shi kijetha tsülo. Panongu ye Israelmi tianuli aghakütsami kiqi lono kihini, eno nongu Israel shiaye gholono amheghi kothape tsüni.

JOYIL 3:17

“Tileno nongu no Ni ye Ampeu no Lhou, I kimthe toghi Zion lo achekeu pi ithi nani. Jerusalem ye akimthe shinani, eno inaghami ye khilemu itaghi tipau le kithemo nani.

ZEKHARIA 8:3

Ikehu Ampeu no piani: Ni ye Zion lo ideighivae eno Jerusalem lo ngouve nani, Jerusalem ye pükhükulupu mishighüna, eno aqokitikhi MPEUw naghuto, akimthe naghuto ipi ku nani.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

MATTHEW 21:13

Tipaqo vilo pa no pi, “Ishi yepüani, ‘I ki ye akighini ki ipi ku nani,’ ikemu nongu no hipau pesü küpkami küghütshü-a shive tsüae.”

Mark 11:17

Pa no timiqo kütsüshika akelo panoqo vilo pi, “‘I ki ye shiye kümtsü ghenguno akighini ki ipi ku nani’ ipi yepüani ke kumo? Ikemu nongu no tipau pesü süxakuchumi küghütshü-a shive tsüae.”

Luke 19:46

eno panongu vilo pi, “Ishi yepüani, ‘I ki ye akighini ki ipi kunani,’ ikemu nongu no ti pesü küpkami küghütshü-a shive tsüae.”

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

1 Tim. 2:8

Ikehu, ni ye kiptimi pelo axuide eno kütsala mono aqha kümtsü lo pano u kimthe peqhepe akighini shipeni shi;

IBRIMI 12:22

Ikemu nongu ye Zion Toghi, aküxüpu Lhou phughi kungugha lo Jerusalem akeu lo, eno kungumi kihikhakümla no alovi kuho akeu lo ighivae.

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.