ISAIAH 56:6 - Sumi Naga CL (Re-edited) Bible (BSI)

⁶ “Inaghami khunono Ampeu gholo xükime luve akeno, Pa huthu eno kimiye, eno Pa qemi shi acheni keno, khunono Sabbath ikhilu cheni, ti shipütha chemo eno Iw puloshoqhi mtotoi pecheni keno,

BAIBEL (BSI)

⁶ Eno AMPEU no inaghami khunoqono pawu timiqo gholo lakhi shiluvea, khunoqono pa kimiyekupu eno pa qe cheni, khunoqono Sabat pinyi cheni eno pawu puloshoqhi pukhube kulushi pelu cheni keno tipaqo vilo hi piani:

ISAIAH 56:6 Iomraidhean Croise

KUKAMI ATUGHIU 8:41

“Titoi inami ow timi Israelmi kumo kemu aghakhu kushuo lono O je ghenguno ighi kelo,

ISAIAH 14:1

Ampeu no Jacob lagha kimiyeve no itaghi Israel kisheluve nani, eno pano yeghi lo sawo qhive nani, inaghami no Jacob laghami gholo xüküqhauve nani.

ISAIAH 44:5

Timi hipau no pinani, ‘Ni ye Ampeuw ke,’ milakhiu no Jacob lau ighamku nani, lakhiu no pa u lo ‘Ampeuw’ ipi yepuku nani, eno pa je Israel ipi ku nani.”

ISAIAH 58:13

“Tsala nongu no Sabbath tsala lo nongu pukhu süchile aye, eno I kimthe tsala lo nongu shi pulou shinikeu lono süchile eno Sabbath tsala ye azüküvüpu tsala kepi aye, eno Ampeuw akimthe tsala ye gihuküzüpu kepi aye; tsala nongu no pulou laghi zümono, momu akümla shimo eno adou tsa küghamo no atsala tipau ikhilu aye,

ISAIAH 60:10

Inaghami no nongu liwoqo shiqhekithe nani, eno panow kükamiqo no nongu huthu nani; kughengu I xukighide lono I no nongu ghimeqhi, ikemu Iw küpükini lono I no nongu kipimi qhitsüke.

ISAIAH 61:5

Tüsümi no puthughope, nonguw lhoxü lojiqo tucho nani; inaghami no nonguw alu kichimi eno atsailu chitsü nani;

ISAIAH 61:6

Nongu ye Ampeu chinemi kepi ku nani, panongu no nongu ye Ni Lhou qemiqo kepi ku nani; nongu no shiye kütamiw kinikülü peitha nani, eno panongu jekipi shou no, nongu no akijivile nani.

JEREMIYA 50:5

Panongu no Zion küdau wukeu la ighiju püzü tilau wu nani. Panongu no pi nani, ‘Ighilo, ningu Ampeu sasü khilemu kümsümave moni keu lhokta puloshoqhi shini.’

EZEKEL 20:13

Ikemu Israel kibolomi no asayeqha lono I hebide ke. Panongu no I khuayeqo pemove eno Iw pimheyeqo milive ke, tsala milakhi no tipaqo pape aye, pa ye xülu nani; eno panongu no Iw Sabbath shishe shikitiqeve ke. “Tileno I no pi, Ni ye asayeqha lono I loghu panoqo shou lepukuni, eno kümtsü kishekhave tsüni.

EZEKEL 47:22

Nongu dolo eno inaghami nongu gholo auve no atianuli shive kemi sasü amheghi shi kijetha tsülo. Panongu ye Israelmi tianuli aghakütsami kiqi lono kihini, eno nongu Israel shiaye gholono amheghi kothape tsüni.

ZEKHARIA 6:15

“Khunoqo putou acheni keno panongu no ighi no Ampeu chineki shiqhe nike kuphu nani. Aqokitikhi Mpeu no nongu lau I puwu kepi nongu no ithi nani. Eno nongu no amlo tsüqhiyi Ampeu no Lhou tsa gholu aye, hi ye shikupu nani.”

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 2:41

Ikehu khunoqo pa tsa ikhilu keno tipaqo baptiz shivetsü, eno tipani timi 3,000 kutolo panongu gholo kihisü luve.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

1 Kor. 16:22

Timi khuu no Ampeu kimiye keu küha keno, pa ye angusüpu shipeni. Ighilo, ni Mpeu!

2 Kor. 8:5

ike hi ye nino kümsümo mithekeu, ikemu panongu no pano ampi pesü Ampeu tsüve paghi ke, tishino Alhou pulou lono ningu lau tsüe.

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

Ephesiami 6:24

Shipüsa mlakeu kikimiye pesü ni Mpeu Jisü Khristo kimiye chekemi kümtsü lau Alhouw küpükini apeniu.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

Piyeküsü 1:10

Ampeu Tsalani I no Aghungu lono kuposhu akeloye I thiu afuko toi asütsa lakhi no vekipighi pikeu chilu,