ISAIAH 55:8 - Sumi Naga CL (Re-edited) Bible (BSI)

⁸ Kughengu I kükümsü ye nongu kükümsü toimoe, eno nongu laghi ye I laghi kumoe ipi Ampeu no pi.

BAIBEL (BSI)

⁸ AMPEU no pi, “Ikukumsuye nongu kukumsu toi moke eno ilaghiye nongu laghi nguno kututake.

ISAIAH 55:8 Iomraidhean Croise

SAMUEL AKINIU 7:19

Ikeghi O nhethe lo hi ye aghuloe, O Ampeu Alhou. Nono O qeu lagha ghenguno ighini keu kutolo piqhive tsüae, eno hi ye timi kümtsü ghenguno akükütsütsa ke, O Ampeu Alhou!

KUKAMI AKINIU 5:11

Ikemu Naaman ye amlo idesü wuve no pi, “Julo, I no kümsü keu ye, pa ye vejoi I lau ipeghi no puthughope pa MPEU Alhou je ku püzü, pa u pesü apügha shou kihi tsüno shipivi tsü nani küghashi athono.

JOB 35:5

Atsütsü lo khüngküsü khikhi o nguno qhemghai ani keno julo.

LESHELE 25:10

Ampeuw puloshoqhi eno Pa shepe papelu kemi laghi ye iqemokeu kikimiye eno pükhükulu ke.

LESHELE 33:11

Ampeuw kichekütsü ye alhokupuju acheni, Pa kukughu ye tiqheli kümtsü lo acheni.

LESHELE 40:5

O Ampeu I Lhou, Nono ni lau Ow akümzapu kümla eno O kükümsü kutho kutomo shitsü; khunomu O sasü kimghi mlae! I no asheshuni eno tipaqo pini, ikemu ti ye pikhaluni chemoe.

LESHELE 92:5

O Ampeu, O kümla ye kiutoi kije kea! O kükümsü ye shishe thonhei ke!

AHOLE 21:8

Pimive kemi laghi ye ihoghülaie, ikemu amlo tsüghükhüi kemi küxü ye müzüchoi ke.

AHOLE 25:3

Atsütsü kuchuqu eno azüghi kutho toi akükau mlo ye lhemlae.

ISAIAH 14:24

Aqokitikhi MPEU no ashoqhi shivae: “I no kughu püake toi eno I no miji püake toi tishi nani,

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

ISAIAH 58:13

“Tsala nongu no Sabbath tsala lo nongu pukhu süchile aye, eno I kimthe tsala lo nongu shi pulou shinikeu lono süchile eno Sabbath tsala ye azüküvüpu tsala kepi aye, eno Ampeuw akimthe tsala ye gihuküzüpu kepi aye; tsala nongu no pulou laghi zümono, momu akümla shimo eno adou tsa küghamo no atsala tipau ikhilu aye,

ISAIAH 65:2

Hekibidemi salu nike atsala kupuju I u sükhope kheke, panoqo ye alaghi lhoksa lo cheni, eno pano mqü lhoksa papeke;

ISAIAH 66:18

“Kughengu I no panoqo kümla ngo kükümsü ithi ani eno shiye kümtsü hekütsü nikeu, ado kupunu wochea. Panongu no ighi no I juküvü ithulu nanie.

JEREMIYA 3:1

“Milakhi no pa nipu pheve no li no kütami nipu shive aye pa ye li lau idewulu nani keshea? Ayeghi tipau ye kümzapu shi shipuqove nanike kumo? No ye alojipumi kutomo sasü kütüqhave eno I lau ideighini keshea? Ampeu no asheshu.

EZEKEL 18:29

Ikeghi Israel laghami no pi, ‘Ampeu laghi ye achipi kumoe.’ O Israel laghami, I laghiqo ye achipikumo keshea? Nongu laghiqo no achipikumo ke kumo?

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

HOSIYA 14:9

Khukhumu alokütsüu no hipaqo vethalulo; Khuu no kimchilu cheni keno, pa no ithilo; kughengu Ampeu laghi ye achipi ke, eno müzüchoi xüche kemi no tipau laghi püla cheni, ikemu axinemi ye tipaqo lono küpxalu chenie.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”