ISAIAH 55:13 - Sumi Naga CL (Re-edited) Bible (BSI)

¹³ Asahuqo züqhulo cypressbo ipeghive nani; eno asahubo lono myrtlebo ipeghive nani; eno tino Ampeu je shitsü nani eno alhokupuju lo acheni keu michipu shi nani.”

BAIBEL (BSI)

¹³ Itehi khile ashuyesahu ani keno Kuprasubo thu ipeghi nani; asahubo akeu-alo martil subo ipeghi nani. Hipau michipuno alhokupujulo ache nani, ni, AMPEU no kiu shikeno tipau kumsuchilelu apeniyeke.”

ISAIAH 55:13 Iomraidhean Croise

LESHELE 96:12

aluza eno tile akeqo pelo alovi igha pelo! Aghasa lo asübo kümtsü no alokivishi

ISAIAH 19:20

Tino Egypt lo aqokitikhi MPEU akeu michipu shi nani. Kughou nedaqoda ke ghenguno panoqo no Ampeu lau ighamkuni keno, Pa no xakuluu eno sükushou puwu no panoqo xaphelu nani.

ISAIAH 32:13

iyei, Iw timiqo yeghi lo asahu ngo aghüsahu no ghüsüve keu, eno ahukülü phughi lo alokivi kiqo kümtsü ghenguno mloqa lo.

ISAIAH 35:1

Yenguyi eno qhaike yeghi no alovi nani eno axamunu toi pule nani;

ISAIAH 35:2

asayeqha no amlokiqi shi ale phe eno axamunu kupu toi juvi nani. Tino Lebanon eno Carmel ngo Sharon nguno alau juvive nani. Timiqo no Ampeu juküvü eno ni Lhou kükanguagha ithulu nani.

ISAIAH 41:19

I no asayeqha lo cedar sübo, acacia sübo, myrtle sübo eno olive sübo ipeghipe nani. I no asayeqha lo cypress sübo, chenabo, plane sübo ngo asahubo kümtsa ipeghipe nani,

ISAIAH 43:21

Timi tipaqo ye I no I sala shi lhophe keqo, tishianguno panongu pelo I sheqhe shipili peniye ke.”

ISAIAH 5:6

I no tipau pesü asüligha shiveni; ti ye kixiphemo momu hokide moae ikemu aghüsahu ngo alupi no itsüve peni; I no khüngküsü ghi azah tsüno tile ghuqhi pemoni.

ISAIAH 54:10

Naghutoqo no ikauve namu eno atoghiqo no ipa ikiqive namu, Iw iqemokeu kikimiye ye o launo wuvemo nani, eno Iw külakishi puloshoqhi ye ikhivemo nani,” ipi Ampeu o shou kimiyekini achekeu no piani.

ISAIAH 56:5

I no I kilo eno I kupuwu nguno alou, o je lono athigho qhitsü nani eno apu-anga akeqo nguno ajekipi shitsü nani; I no shekhaha je pesü panongu tsü nani ti ye khilemu kühave monani.

ISAIAH 60:13

Lebanon jekipi no nongu lau ighi nani, ti ye Cypress süboqo, asahubo eno asübo kütauqo pesü I kümlla khache jukighilepu shitsüni ke ighi nani, eno I kungo-a ighono ajuküvü shitsü nani.

ISAIAH 60:17

I no alazayi züqhulo ameshoyi süghi nani, ayi theli lo ghükayi süghi nani, asü theli lo alazayi süghi nani, atu theli lo ayi süghi nani, nongu yepemi ye akümtshami shi nani eno nongu shou jukükütsümi ye achipiu shiche kemi shi nani.

ISAIAH 60:21

Now timi kümtsü no achipiu shi nani, eno alhokupuju lo ayeghi pesü amheghi shiluve nani, panongu ye I no shosükeu lokaqo eno I u lo kümla ke, tishikeu lono I juküvü shiniye ke.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

ISAIAH 63:12

Pa no Moses u ajeu Pa kükakumto tsüve, Pa likhi Pa je shekhaha ghenguno ache penike panongu zülono azüghi kijethave tsüke.

ISAIAH 63:14

Pichepighi lhoxüqo no akhila lo iqiche keshi, Ampeu Ghungu no panoqo kulhoqhi tsüe. Ikehu no ye ow timiqo saphe, eno O likhi O juküvü ghenguno tishike.

ISAIAH 7:11

“Ampeu o Lhou vilo amchipu, Kithigha kuthoku qhemi na atsütsü kiqhe qhemi namu, lakhi khulo.”

ISAIAH 7:19

Panongu no tasüwo atuxu, anhepho lo atuki, asahuli, eno achu kümza-a kümtsü lo ngoluve nani.

ISAIAH 7:24

Ayeghi kümtsü agha itsüve kehu timiqo no asüzü ngo apiji pesü tilau ashi hawu nani.

JEREMIYA 13:11

Chighichephi pesü timi polo khapu ketoi, I no Israel ngo Judah kibo kuchopu pesü I khada peke, ipi Ampeu no asheshu, tishianguno panongu pelo Iw timi shilu, I jeku, shekiqhe eno agigihu tsü peniye ke, ikemu panongu no initsü moe.

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

JEREMIYA 50:5

Panongu no Zion küdau wukeu la ighiju püzü tilau wu nani. Panongu no pi nani, ‘Ighilo, ningu Ampeu sasü khilemu kümsümave moni keu lhokta puloshoqhi shini.’

EZEKEL 28:24

“Eno Israel kibolomi ghengu ye pano kisüghümi khunoqo no küthaküghapu shi pano peitha cheni keno panongu ye ayemhi no qhukepu momu asahu no ghüza kepu kühave nani. Tileno panongu no Ni ye Ampeu Alhou kepi ithi nani.

MICAH 7:4

Pano dolo akiviu no asahu toi, eno shishe akümzüu no asahu ghutu lakhi toike. Nongu hikuju eno ghimeni keu tsala ye ighivae; panoqo no kübangüni keu ye itehi au lo auvae.

ZEKHARIA 1:8

“Julo, timi lakhi khurshi huchuyi sacheghi keu I no putho lono ithulue! Pa ye atuxu lo axokütsüngü boqo dolo puthugho ae, eno pa thiu huchuyi, hughai eno metsüghoi keu khurshiqo ae.

Luke 2:14

“Kungugha akiqheu lono Alhou sheqhelo, eno ayeghi lo Pa mlo chulu chekeqo gholo aloino keu alo!”

John 15:8

Nongu no axathi kutomo pithi keu lono I khopemi kepi pephe piyekeu no I Pu jekipipu shitsü cheni.

Rommi 6:19

Nonguw vethakulu no mikhelo kehu ni ye tipau gholau no pi anike. Ghuthu lakhi lo nongu no niqhinilai keu eno Ayezah kiphikumo küdau nongu phiau pesü aqüaxemi shi tsükelo tiuno alau Ayezah kiphikumo lo sailove cheke toi, itehi ye nongu phiau shikimthe pe akimthepu lo peithalu kepushi Alhou chipiu qüaxemi shi ikhiphe tsülo.

2 Kor. 5:17

Tighenguno khukhumu Khristo gholo xükime luve aye, pa ye lhoxü kithe shivae. Aqau ye wovae; julo, akitheu ighivae.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.