ISAIAH 55:1 - Sumi Naga CL (Re-edited) Bible (BSI)

¹ “Khunono tüghüthi ani keno ighilo, azü hilau ani; khuu no pisa küha keno, ighilo, qhüchulo! Ighilo, ame sümono atsaizü ngo akichhizü qhülo.

BAIBEL (BSI)

¹ AMPEU no pi, “Khunoqono tughuthi anikeno, ighilo, Azu hilau anike! Ighilo, nongu pisa kuhakeqo, athi qhupesu chulo! Ighilo! atsayi ji ngo akichhizu qhululo, noye ame kiumu tsumo nanike!

ISAIAH 55:1 Iomraidhean Croise

LESHELE 143:6

I no O lau I u sükho ke; qhaike yeghi toi I ngulho no tüghüthi O phu cheni.

LESHELE 63:1

O Alhou, No ye I Lhou ke; I no puloniqhiyi O phucheni; I ngulho no tüghüthi O laju ani; qhai eno aghime yeghi khile azü küha keno tile akeshi I phi-ashi no thiqhi O laju ani.

AHOLE 8:4

“O nongu timiqo, ni ye nongu lau ighamku ani, I sütsa ye kümtsü ghenguno ke.

AHOLE 9:1

Alokütsü no li ki shiqhe; li no atsükucho tsüni mlae.

AHOLE 9:5

“Ighilo, I no kuto püakeu libe chu eno I tsaizü sholo.

ALE KIMCHI 1:2

O kichi pesü I müma lo! Kughengu o kikimiye ye atsaizü nguno akiviu ke;

ALE KIMCHI 1:4

I sasü o gholo wuvelo; nikujo mtazü wuvenie. Akükau no I sasü pa chebo lo wue. Ningu no o gholono shishe alovi küqhani; ningu no atsaizü nguno alau o kikimiye lo alovini; ilimiqo no o kimiye chekeu ye achipiloe.

ALE KIMCHI 5:1

I chepu, Iw külaliu, ni ye I ghutu lo ighivae, jumghaikeu mukhu ngo müsüghüta pekütsüvae, akhi kütsü gholono akhingozü chuvae, atsaizü ngo akichhizü yevae. Aküsamiqo, chusho lo eno kikimiye shomzü alo!

ISAIAH 1:19

Nongu no pulo eno agholu aye ayeghi lo thime kivi chulu nani;

ISAIAH 44:3

Kughengu I no tüghüthi akeu yeghi lo azü leqhitsü nani, eno qhaike yeghi shou azüpuki qopipe tsü nani; o tianuliqo shou I no I ghungu lepuku nani eno o lagha shou Iw kükümgha puku tsü nani.

ISAIAH 52:3

Kughengu Ampeu no ishi piani: “Nongu ye kümsa no jepuwu püani eno nongu ye pisa sümono qhüchile nani.”

AKUMLO 5:4

Ningu ye nino yekepu zü qhü masavae; nino asü ithulu akeu ye qhü masavae.

EZEKEL 47:1

Tishino pa no achineki hukikha lo I sachile iloghi, eno julo, achineki hukikha lono kipela küdau azü qowu ae (kughengu achineki ye kipelau küdau juake). Azü ye achineki apeu aqhou no qoiqi ae, ti ye akiptia apeu küdau ke.

EZEKEL 47:9

Aghoki no khila qowuni keno, itikiche lhoxüqo no tile xüuve nani, eno tile akha ye ighono kutomo auve nani. Kughengu azü hipau no qowu akeu ye azüghi zü pelo tsüghükhüive peniye ke; tishikeu lono aghoki no qowuke-a lo thokha kümtsü xülu peniye ke.

HOSIYA 14:4

Panongu no pheve keu küpülü I no shipivi tsü nani; I no kümsano kimiye nani, kughengu panoqo launo I mlokighide iqüve ake.

JOYIL 3:18

“Eno tipa ghuloki lo naghutoqo no atsaiji kungo kighijiqhi nani, atoghi lono akichhizü qo nani, Judah lo aghoki kümtsü lono azü qowu nani; azüpuki lakhi Ampeu ki lono qoipeghi no Shittim Khila vapütsü nani.

ZEKHARIA 10:7

Tishino Ephraim ye aghütomi toive nani, atsaiji shove keshi panongu mlo ye alokiqi shi nani. Pano tianuliqo no ti ithulupe alovi nani; pano mlo no Ampeu lau alovi nani.

ZEKHARIA 2:6

Ithulo! Ithulo! Ahuu yeghi lono povelo, Ampeu no asheshu. Kughengu I no atsütsü lo ako bidi mülhü toi nongu apanagha haleve ke, Ampeu no asheshu.

ZEKHARIA 9:15

Aqokitikhi Mpeu no panoqo süsho nani, panongu no kütsale eno akighi lono atu kihi chekemi theqhive nani, panongu no atsaiji sho nani eno shomzü akeshi igha nani, akiptia chekuqo pütsüni ye akhu chhitoi akeshi nani.

MATTHEW 10:8

Küsükinimi shipivi lo, kithimi xüputhu lo, apüghami shikimthe lo, tüghami haphelo. Ame tsümono nongu no ithulu kehu ame lumono tsülo.

MATTHEW 13:44

“Kungugha yekipe ye alu lo akinikhuki küsü püake toike. Timi lakhi no tipau chhuphelu püzü itaghi jonhave no pa lokivi lono idewo pa no aghikeu qhoi jekütsüpe alu tipau qhüluve.

MATTHEW 26:29

I no nongu vilo piani, I Pu yekipe lono nongu sasü anileshi shomoke tsala kutolo, ni ye hipa tsaibo lo pekighi zü shomoae.”

MATTHEW 5:6

“Achipiu mikucho ghenguno khunono müzü tüghü cheni keno akümghapue, kughengu panongu ye aghaqi qhiyilu nani.

Apostolmi 8:20

Ikemu Peter no pi, “Ow ghükayi ye o gholono pühave peniu, kughengu no ye pisa pesü Alhouw kümsagho qhülu nanie pi kümsü anie!

Rommi 3:24

ikemu Paw küpükini no kümsagho shi Khristo Jisü gholo xachilekulupu akeu vecheo achipikalu peke.

1 Kor. 3:2

I no achuqupu kumto kumono akichhizü pesü nongu loji, kughengu nongu ye achuqupu kumto chukümlapu shiae, eno itehimu nongu ye chukulupu shimphi,

1 Peter 2:2

Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

Piyeküsü 3:18

I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.

RUTH 4:1

Tithiu Boaz ye khagho lo iqhove no tile iqave. Eno julo, xachilekuluu khuu ghili Boaz no pi akeno, pa ighive. Ikehu Boaz no pi, “Tsüghü ighilo, aküsau; hile iqalo.” Pa no tsüghü ighi no iqave.