ISAIAH 54:7 - Sumi Naga CL (Re-edited) Bible (BSI)

⁷ Atüqhüdo hami I no o qhiveke; ikemu shishe kimiyekini lono I no o sachilelu nani.

BAIBEL (BSI)

⁷ “Atuqhudo lakhi ghenguye ino oqhive ke; thonhei kimiyekeu pesu ino osachileu nani.

ISAIAH 54:7 Iomraidhean Croise

LESHELE 106:47

Ni xalulo, O Ampeu ni Lhou, eno shiyeqo dolono ningu hekütsü tsülo, tishiaye ningu ye O kimthe je lono shikimthi keu tsülu nani eno O sheqhe keu lono ajuküvü shilu nani.

LESHELE 107:3

akuaqha kütüta, kipelau eno kulolau, ahuu eno apeu no hekütsü saghi kemi no pilo.

LESHELE 30:5

Kughengu Pa loghu ye ado ikhonhei ghenguno, eno Pa mlokiqi ye aküxü tivilo ke. Putho lo anhezü piji aghiluvi, ikemu inaqhe no alokivi ighi cheni.

LESHELE 30:6

I no kinikülüshi akelo ishi pi, “Ni ye khilemu ithamo nani.”

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 11:12

Pa no amchipu süqhepe shiyeqo kütüghü nani eno Israel ngo Judah lono haküghütsüve kemi ayeghi kobidi lono hekütsü saghi nani.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 14:1

Ampeu no Jacob lagha kimiyeve no itaghi Israel kisheluve nani, eno pano yeghi lo sawo qhive nani, inaghami no Jacob laghami gholo xüküqhauve nani.

ISAIAH 26:20

Ighilo, Iw timiqo, nongu chebo lo ilove no ahukikha khavelo; Aloghu no hechesü wuve moke kutolo ado hami itshü aghilo.

ISAIAH 27:12

Tipa tsala lo Ampeu no Euphrates ghoki lono Egypt ghokiti kutolo athi qhisü no amuu fule nani, eno lakhikhi no nongu Israelmi hekütsü kumqo nani.

ISAIAH 27:8

Nono mighiju no akughukishi pesü pano ghimepu shitsüe; Kipela mülhü toi Pa yiküsa tuthu no panoqo fusawuvepe.

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

ISAIAH 49:13

O atsütsü, alovi ale phelo, O ayeghi, ighalo; O naghutoqo, alokivi le phelo! Kughengu Ampeu no Paw timi lopiqive tsüae eno aghime lo akemi shou Pa kikimiye puku tsüke.

ISAIAH 49:18

Nongu nhethi tsükhope julo; panongu kümtsü kumqo ani eno nongu lau cheni. Ampeu no piani, ‘I no xüake toi, nongu no hupaqo kümtsü tünatunu pu akeshi pepu nani; külaliu no li chila tshüpu keshi nongu no tshüpu nani.

ISAIAH 49:21

Tileno nongu mlo lono pinani: ‘Khuu no ni ghenguno atianuli hijehi lhotsü kea? Ni ye amlo kighishi lo ache eno anuhami shiche, ni ye haphe sawuve kemi; ikemu khuu no hipaqo süghi kea? Julo, ni ye I likhi ake khilano hipaqo ighi kea?’”

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

ISAIAH 56:8

Ampeu Alhou Khuu no Israelmi hapiyepighive keu hekütsü keno, Pa no pi ani, “Ti hekütsüpe qhive keqo nguno alau, itaghi I no kütami ghi panongu gholo hekütsü nani.”

ISAIAH 60:10

Inaghami no nongu liwoqo shiqhekithe nani, eno panow kükamiqo no nongu huthu nani; kughengu I xukighide lono I no nongu ghimeqhi, ikemu Iw küpükini lono I no nongu kipimi qhitsüke.

ISAIAH 60:4

Nongu nhethi no pishipuwo julo; panongu kümtsü hekütsü no nongu lau cheni; no nuliqo ye putou no ighi nani; eno nongaqo ye xapu ighi nani.

ISAIAH 62:4

Hinguno hilau no ye Pheve kemi ipi kumo nani, eno nongu ghakhu ye khilemu Pighive keu ipi kumae, ikemu o pesü ishi pinani, I züküvü ye li shou ani, eno o ghakhu ye külakupu shiluvae; kughengu Ampeu no o lau amloqi ani, eno Pa no o ghakhu ye külauvepe nani.

ISAIAH 63:7

Ampeuw iqemokeu kikimiye I no kümsüchile nani; Ampeu shekiqhe, Ampeu no ningu tsükeu kiqi lono, eno Israel lo shishe akivi tsükeu ghenguno, ti ye Pa no Paw kimiyeqhiyi keu eno iqemokeu kikimiye kupukuno shi akeu kiqi lonoke.

ISAIAH 66:18

“Kughengu I no panoqo kümla ngo kükümsü ithi ani eno shiye kümtsü hekütsü nikeu, ado kupunu wochea. Panongu no ighi no I juküvü ithulu nanie.

JEREMIYA 51:5

Kughengu Alhou, aqokitikhi MPEU ye Israel ngo Judah pheve mphie, ikemu Chaldeami ghakhu ye Israelmiw Akimtheu zülo akipimi likhi ani.

AKUMLO 3:31

Kughengu Ampeu ye pülhapuju milivemo nani,

AKUMLO 3:32

Pa no amloksa süghi namu Paw iqemokeu kikimiye kupukuno shi akeu kiqi lono Pa ye kimiyeqhiyi nani;

EZEKEL 36:24

I no shiyeqo launo nongu salu nani eno aghakhu kümtsü lono nongu hekütsü no nongu yeghi lo saighi nani.

MICAH 4:6

Tipa tsalani, Ampeu no sheshu, I no ala chemlave kemi hekütsü nani, I no khunoqo hapupove eno ghimeve keno kukumqo nani;

MATTHEW 23:37

“O Jerusalem, Jerusalem, tungkupmi pithive tsü chekeu eno aghinimi khunoqo puwuni keno atu pesü veqhive tsü chekeu phughi! Awu aza no achishibo qholo atiqo hekütsü no vape ketoi ni ghi ghuthu khijeta o tianuli hekütsü kumqoni shi chekela, ikemu nono pulomoe!

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

Ephesiami 1:10

Ti ye ado achipi lono kungugha eno ayeghi lo Pa no pulhosü keu kümtsü pesü Khristo lau kütshükime tsünike kughu püakeu ke.

ZAKINIU 30:3

tileno Ampeu nongu Lhou no angukümgha nongu tsüchile nani, eno Pa no apanagha shiyeqo dolo nongu hapuwuve keu amlo ighiqhiyive no sachile ighi nani.

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”

2 Peter 3:8

Ikemu kimiye chekeqo, kuchou vehu lakhi hi juzüve kevilo, Ampeu zülo atsala lakhi ye ampe qhethonhe paphi, eno ampe qhethonhe ye atsala lakhi paphie.