ISAIAH 54:10 - Sumi Naga CL (Re-edited) Bible (BSI)

¹⁰ Naghutoqo no ikauve namu eno atoghiqo no ipa ikiqive namu, Iw iqemokeu kikimiye ye o launo wuvemo nani, eno Iw külakishi puloshoqhi ye ikhivemo nani,” ipi Ampeu o shou kimiyekini achekeu no piani.

BAIBEL (BSI)

¹⁰ Naghuto ngo atoghiqono ipa ikiqiluvi, ikemu ino nongu kimiyekeuye khilemu ashekha shivemoke; iwu alokughunopu shoqhi niye alhokupujulo peche nani,” ipi nongu kimiyechekeu MPEU no pi ani.

ISAIAH 54:10 Iomraidhean Croise

SAMUEL AKINIU 23:5

“I kibo ye titoi Alhou gholo puthugho acheni kekumo? Kughengu Pa no I sasü lhokta puloshoqhi shivae, thokha kithikiyi eno mtotoivae. Kughengu Pa ye I kuphutsü eno I kimji shikupu tsümoni keshea?

LESHELE 102:26

Tipaqo ye hauve nani, ikemu No ye ache nani; tipaqo ye aphimini toi aqa shive nani. Nono tipaqo aphimini toi kilive nani, eno panoqo ye hauve nani.

LESHELE 46:2

Ikehu ayeghi sükinile namu ningu ye msamo nani, naghuto no azüghi lo ilove na,

LESHELE 46:3

azüghi no tukide igha ighi na, azüghi no qoighi keu no naghuto ithauve namu msamoe.

ISAIAH 49:10

panongu ye khilemu müzüthi tüghüthi monani, amülhü momu khetsünhe kushu no pano shipüsa monani, kughengu panoqo kimiye chekeu no pano sache nani, eno azüpuki phivi lono panongu sawu nani.

ISAIAH 49:15

“Aza lakhi ye li nga kughunu kümsümalu nani keshea? Li ye li no punu keu nga kimiye move nani keshea? Li no kümsümave namu, Ni ye khilemu o kümsüma monani.

ISAIAH 54:8

Atüqhüdo hami I no amlo kighide lono I gi o launo tsüghüsü wuve, ikemu lhokta kikimiye lono, I no o shou küpükini betsü nani. Ampeu o xakuluu no piani.

ISAIAH 55:12

“Kughengu nongu ye alokivi lono ipeve nani ke; eno aloino keu lono saipeve nani; naghutoqo ngo atoghi nongu zülo akeqo no vekipighi ale phenani, eno aluza lo asübo kümtsü no panongu u kukhu nanie.

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

ISAIAH 59:21

Ampeu no highi piani, “I ghengu ye, panongu sasü Iw puloshoqhi ye hike: I Ghungu khikhi nongu lolo ani keno, eno I kükütsütsa khikhi I no nongu kichi lo süvetsü akeno, tipaqo ye khilemu nongu eno no tianuli ngo atilimi launo wuvemo nani; eno ti ye ishi tsala lono alhokupuju kutolo ke.”

ISAIAH 61:8

Kughengu ni Ampeu ye achipiu xakütha kimiye; I no aküpka ngo akumou mithi ke; I no amikucho lono panongu asaxü tsü nani, eno I no panoqo sasü lhokta ghenguno puloshoqhi shi nani.

ISAIAH 63:7

Ampeuw iqemokeu kikimiye I no kümsüchile nani; Ampeu shekiqhe, Ampeu no ningu tsükeu kiqi lono, eno Israel lo shishe akivi tsükeu ghenguno, ti ye Pa no Paw kimiyeqhiyi keu eno iqemokeu kikimiye kupukuno shi akeu kiqi lonoke.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

JEREMIYA 31:36

“Akikithi hipau no I zülono hauve aye, Ampeu no sheshu, tithiu likhino Israel lagha ye alholo ghenguno shiye kumovae pilu nani.”

JEREMIYA 33:20

“Ampeu no ishi piani: I no tsüküvü ngo tsüküzü qhipüa keu puloshoqhi nono hephove no tishikeu lono tsüküvü ngo tsüküzü no ado kiqi lono ipeghi move aye,

EZEKEL 16:42

Ikehu I no o shou no I loghu ghapiqi nani, eno I mlo kishikumo ye o launo ikhive nani. Ni ye iqüghaive nani eno amloide keu shimove nani.

EZEKEL 34:25

“I no panoqo sasü külakishi puloshoqhi shi nani eno pano yeghi lono tüghashi hapupove nani, tishikeu lono panongu ye asayeqha lo sükushopu shi küghünalu eno aghasüqo lo zühulu nani.

MALAKI 2:5

Pa lau Iw puloshoqhi ye aküxüküa lakhi eno aloino keu, ti ye I no pa tsüe. Ti ye sükümsa puloshoqhi, pa no I sümsa eno I je gihu ghi puthughoe.

AKIKIHI 25:12

Tighenguno ishi pilo, ‘Julo, I no Iw aloino keu puloshoqhi pa tsü ani,

MATTHEW 16:18

I no o vilo piani, no ye Peter, eno atuqu hipau shou no I no I kukuhou shipukuni, eno Kithigha khagho ye tipau shou tomla nani.

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

MATTHEW 5:18

Kughengu mtsüqheino I no nongu vilo piani, atsütsü eno ayeghi no hauve moke kutolo, Ayezah lo kiyethi akulotiu, momu choküsü lakhimu shikupu khamoke kutolo hauvemo nani.

Rommi 11:29

Kughengu Alhou no tsükeu gho ngo Pa no kuluve keu huye ikhichilelu mlae.

Titus 3:5

Pa no ningu xalue, ti ye nino amikucho kümla shikeu lono kumoe, ikemu Paw kimiyekini vecheo Aghungu Kimthe no qhukimthe pe punu kithe eno akithe shitsüe,

IBRIMI 12:27

“Itaghi ghuthu lakhi,” ipikeu tsa ye süküghütha kulupu thime ye ikhive nanie pikeu kiqi, ti ye lhosü keu thime, tishianguno süküghütha mlakeu thime no acheuve peniye ke.

Piyeküsü 6:14

Atsütsü no kaku liküzü akeshi hauve, naghuto ngo züdoyeghi kümtsü pütüta-a lono kiqeve tsü.