ISAIAH 53:6 - Sumi Naga CL (Re-edited) Bible (BSI)

⁶ Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

BAIBEL (BSI)

⁶ Ningu kumtsu bheri puhavekeqo toikhave, ningu milakhi khino pututa lalo wukhave. Ikemu AMPEU no pa shou ghichhe ghime betsu, nino ithukulupu shiakeu ghichhe ghimeke.”

ISAIAH 53:6 Iomraidhean Croise

BOTHUBO 22:6

Abraham no akipti kümllagho ghenguno asü pesü pa nu Isaac xapipeve. Eno pa no ami ngo azüta pa u lo peluve. Tishino pama ye kümtsa wuve.

LESHELE 119:176

Pühave keu mbe toi ni ye ala vepimivae; O qeu phu tsülo, kughengu ni ye O zakütsüqo kümsümave moke.

LESHELE 69:4

Kütsazü shi I mithi chekemi no I kütsüsa nguno akichiu ani; akimki lono I ghüzani ye akemi, I kütsani ye akemi ye akumtomi ke. I no püka lumomu ni ye itehi ti lochileve masa keshea?

ISAIAH 40:2

Mükhano Jerusalem pütsalo, li ghime ye kishekhave no li kipimi peve tsüae, Ampeu no li xine jume küghüsü kini shino tsüve keu huno lukümkha shivae pi li vilo sheshulo.

ISAIAH 53:10

Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

ISAIAH 53:12

Ikehu I no kiqhe-kighemi gholo asaje kothape Pa tsü nani, eno pa ye akumtomi gholo asaje anani, ti ye pa no pa ngulho ikhiphe pesü akithi lo tsüve kehu eno axine shive kemi gholo Pa kihisüve kehue; pa no timi kutomo xine puluve tsüke, eno panoqo xine pevetsü penike inikhu ke.

ISAIAH 53:5

Ikemu ni xineqo ghenguno Pa ghüzaveke, niw shikipimi ghenguno Pa ye heqhive; pa shou aghime puku keu huno ni lau aloino keu süghi, eno Pa shou hepuku keu zaku no ni lau shikipivi süghie.

ISAIAH 53:7

Pa nedaqoda eno ghimeqhi ke, ikeghi pa ye atsa lakhimu piqhimoe; ambeti lakhi hekiqhiki lo sawu cheke toi, eno ambe no pa mhi ghoche kemi zülo inaqhoi ngo ketoi Pa ye atsa lakhimu piqhimoe.

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

ISAIAH 55:8

Kughengu I kükümsü ye nongu kükümsü toimoe, eno nongu laghi ye I laghi kumoe ipi Ampeu no pi.

ISAIAH 56:11

Atsüqo ye khije khijemu chuluve nani; eno khilemu lukümkha shi chemoe. Ikemu sakiphemi ye ambe khemi vethakulu küha keqo ke; panongu kümtsü pütüta pulou küdau wu khavae, eno kümtsü pütüta no ala shiluni keu phucheni.

ISAIAH 6:7

Pa no I mütsü ditsü no pi, “Hi no o mütsü dive tsüae; o kipimi süwuve tsüae eno o xine peve tsüae.”

ISAIAH 66:3

“Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

JEREMIYA 50:6

“Iw timiqo ye pühave keu mbeqo toivae. Pano khemi no pano saküghüzüvae eno naghutoqo lo pühave peke. Naghuto lono atoghi lo itsüsü wuve, eno panongu ye pano loji kümsümavae.

EZEKEL 3:18

Tsala I no kixikilau vilo, ‘No ye mtsüqheino thive niae,’ ipini eno nono pa kütüghü move momu pa küxü xalu tsüniye paw kixikila laghi lo ideighi penike kütüghü move aye, pa ye pa xine ghenguno thive nani, ikemu pa ji ghenguno nono kihikülai tsü masa nani.

DANIEL 9:5

ningu no axine shivae, pimivae, kixikila kümla shivae eno hebidevae, O yezah eno O khuaye lono tsüghüvae.

Rommi 4:25

Alhou no ni xine ghenguno Jisü pesü akithipu lo ikhiphetsü püzü ningu pelo achipikalu penike xüputhuve ke.

James 5:20

khuu no ala kumo lono axinemi sachile ighi keno, pa ye akithi lono axinemi ngulho xalu ani, eno axine kütsasa pevetsü kulupu shi anie pi ithi pelo.

1 Peter 2:25

Kughengu nongu ye ala vepimi wuvekeu mbe toi cheke, ikemu itehi ye nongu ngulho Kheu eno Jukükütsüu lau idechile ighivae.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

XAKUTHAMI 21:25

Tipau ghuloki lo Israel lo akükau kühano ache. Kümtsü no pütüta chipiu gholau no aghoshi xüche.