ISAIAH 53:12 - Sumi Naga CL (Re-edited) Bible (BSI)

¹² Ikehu I no kiqhe-kighemi gholo asaje kothape Pa tsü nani, eno pa ye akumtomi gholo asaje anani, ti ye pa no pa ngulho ikhiphe pesü akithi lo tsüve kehu eno axine shive kemi gholo Pa kihisüve kehue; pa no timi kutomo xine puluve tsüke, eno panoqo xine pevetsü penike inikhu ke.

BAIBEL (BSI)

¹² Ikehu ino agigihupu-a lakhi pesu pa tsuni, kijemi ngo kushumi gholo a-a lakhi tsunike. Pano puloniqhiyi pa kuxu tsuve eno alhoksami kishi akuxu shekha shivecheni keno tipau kusajeke. Pano axinemi kutomo alo ngoluvetsu eno panoqo xine pevetsu penikeu shi inikhuke.”

ISAIAH 53:12 Iomraidhean Croise

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

JOB 30:16

“Itehi I lolo aküxüpu akeu ye puquleve keshivae; shiluküsa tsala no I tsüqü luvae.

LESHELE 2:8

I vilo khulo, eno I no shiyeqo pesü o mheghi shitsüni, ayeghi shekichi pesü o mheghi shitsüni.

LESHELE 22:14

Azü toi ni ye ayeghi lo leqhivae eno I ghi kümtsü süküqüpe ani; I mlo ye aghügha toivae; I mla dolono mlaghubeivae;

IPEKULU 15:9

Aghümi no pi, ‘I no hawuni, I no züthaveni, I no hakhokulu kijeveni, I no kümsü akeqo luveni. I no I zütakikihi süjopheni; I u no panoqo kütsaveni.’

ISAIAH 49:4

Ikemu I no pi, “Ni ye adou lono aghimeshi mlaithavae; ni ye adou eno akiqi kühakeu lono I küka puwovae, ikeghi mtsüqheino I chipiu ye Ampeu gholo ani, eno I saxü ye I Mpeu gholo ani.”

ISAIAH 52:13

Julo, I qeu ye alokütsü lono mlaitha nani; pa ye akiqheu lono pa süqhe nani, eno pa sheqhe nani.

ISAIAH 52:15

ikemu itehi ye Pa no shiye kutomo süküthü nani. Pa jupe kükami no pano kichi kujukha luve nani; kughengu panongu vilo khilemu piphemo keu ithulu ani, eno khikhi panongu no chimla aphi keno ti vethalu ani.

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

ISAIAH 53:8

Nedaqoda eno küghakütha vecheo Pa sasü wuve; eno paw tiqhelimi dolo khuu no pa ye timiqo xine ghenguno küxümi yeghi lono pithive kepi kümsü kea?

DANIEL 2:45

ti ye atu khikhi timi u no chhuthamo keu naghuto lono ipeghi keu nono ithulu, eno tino ayi, alazayi, aghani, ghükayi eno ameshoyi kubovetsü keno, tihu toike. Hipa thiu kiu shiniye ani keno akiqheu Lhou no akükau pelo ithivepe ani. Asamo huye thebei, eno tipau hekupho ye mtsüqhei ke.”

MATTHEW 26:42

Itaghi, ghuthu akiniu Jisü no wuno ishi inikhu, “I Pu, ajukhu hipau I no shomo kelo ikhiluve tsümla aye, o pulou shilo.”

Mark 15:27

Jisü gholo panongu no küpkami kini, lakhino pa u ajeu eno lakhiu no pa u piyiu yedave.

Mark 15:28

(Tishikeu lono Kuchoyesü lo yepüa keu shikupuve, “Pa ye alhoksami gholono pithive.”)

Luke 22:37

Kughengu I no nongu vilo pi anike Kuchoyesü ye I lau no shikupu masae: ‘Pa ye axinemi gholo kihisüve.’ Kughengu I ghili kiu yepüani keno, ti ye shikupu niye ani.”

Luke 23:25

Pa no timi khuu hekibide eno ghikiqhi ghenguno akughu shipüa keno, timiqo no khu ketoi pa kuqhopheve no Jisü pesü panoqo pulou shivetsü.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Rommi 8:34

Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

Kolosiami 2:15

Pa no yepemi ngo aküka jeli liluve tsüno panongu shou toluve keu vecheo ikhikiphe shi panongu shikujove.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

IBRIMI 9:24

Kughengu Khristo ye au no shikeu, kuchou kimihi, akimthe-a lo iloke kumoe, ikemu itehi Alhou zülo ni züqhushi ipeghini ye kungugha lo iloke.

IBRIMI 9:26

tishike aye ayeghi lhopheke pa ye ghuthu kutomo imeve aghini cheke. Ikemu tiqheli shekuho lono pa no ghuthu khavino kümtsü ghenguno pa ampi pesü aghashive keu vecheo axine peve tsüniye ipeghike.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

1 John 2:1

I tianuliqo, I no nongu lau hipaqo yepuwu akeu ye nongu pelo axine shi pemo niye ke. Ikemu khuana no axine shi aye, ningu ye Apu zülo ni ngulau Jisü Khristo amikuchou hu anike.

1 John 2:12

Anuliqo, ni ye nongu lau ye ani, kughengu Khristo je lono nongu xine ye qhive tsüae.