ISAIAH 53:10 - Sumi Naga CL (Re-edited) Bible (BSI)

¹⁰ Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

BAIBEL (BSI)

¹⁰ AMPEU no pi, “Pano aghime shikeuye ipulou ke; pa kithiye peve tsukile keu sughinike aghashikeuke. Ikehu paye pa laghami ithulukha nani; paye akuxu kushuwa xu nani, eno pa vechewo ino kimji pesu akeu tokulupu shi nani.

ISAIAH 53:10 Iomraidhean Croise

LESHELE 110:3

O küka tsala lo ow timiqo no akimthe phimini pepusü lüthü kupulo lono pano küxü ikhiphe tsü nani, inaqhe tsüzü toi ow lhothemiqo no o lau ighi nani.

LESHELE 147:11

ikemu khunono Pa sümsa eno Paw iqemokeu kikimiye shou pükhü cheni keno Ampeu ye pano lau alokiqi acheni.

LESHELE 149:4

Kughengu Ampeu no Paw timi lau azüküvü acheni; Pa no xakulu pesü aqhokighemi nanu shitsü cheni.

LESHELE 21:4

Pa no O vilo aküxü khue; Nono tipau pesü pa tsü, alhokupuju axüpushu tsüe.

LESHELE 22:30

Tiqhelimi no Pa qe nani; Ampeu ghili ighini keu tiqhelimi vilo pi nani;

LESHELE 22:31

Panongu no ighi no Pa chipiu mikucho pesü timi punu niye akeqo vilo sheshu nani, kughengu Pa no hipau shive tsüae.

LESHELE 69:26

Kughengu panongu ye Nono ghüza püakeu pishipuju ke, eno Nono ghüza püa keqo ghime ghili kügha acheni.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

LESHELE 72:7

Pa ghuloki lono amikuchomi pelo ikowolu pelo, eno atsütsü lo aqhi kühave moke kutolo aloino apelo!

LESHELE 89:29

I no alhokupuju pa tikughuko süsü nani eno pa kükalakhü ye kungugha tsala toi shitsü nani.

LESHELE 89:36

Pa tikughuko ye alholo ache nani khetsünhe ake tivilo pa kükalakhü ye I zülo anani.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

ISAIAH 46:10

I no abothu lono ashekha vehu sheshue, mulho lono shikupu mphikeu tsa ishi piqhi püani, ‘I kimji kupulo ye mtotoi ani, eno I no I kukughu kümtsü shikupu nani.’

ISAIAH 49:4

Ikemu I no pi, “Ni ye adou lono aghimeshi mlaithavae; ni ye adou eno akiqi kühakeu lono I küka puwovae, ikeghi mtsüqheino I chipiu ye Ampeu gholo ani, eno I saxü ye I Mpeu gholo ani.”

ISAIAH 53:12

Ikehu I no kiqhe-kighemi gholo asaje kothape Pa tsü nani, eno pa ye akumtomi gholo asaje anani, ti ye pa no pa ngulho ikhiphe pesü akithi lo tsüve kehu eno axine shive kemi gholo Pa kihisüve kehue; pa no timi kutomo xine puluve tsüke, eno panoqo xine pevetsü penike inikhu ke.

ISAIAH 54:3

Kughengu no ye o u piyiu eno ajeu küdau ikowove nani; eno o polokiqi no shiyeqo qhasüve nani eno mishighüna kümsa akeqo shepichhive nani.

ISAIAH 61:9

Pano tikughuko ye shiyeqo gholo ajekipi shi nani; eno panoqo lagha ye timiqo gholo ajekipi shi nani; panoqo ithulu kemi kümtsü no panongu ikhilu nani, eno panongu ye Ampeu launo ighi kemi ipi nani.

ISAIAH 66:22

“Kughengu atsütsü kithe eno ayeghi kithe I no lhokeu no I nhethe lo acheke toi, nongu kughukomi eno nongu je ye ache nani.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 32:41

I no pano ghenguno akivi shitsü keu lo alovi nani, I mlo eno I ngulho kuchopu süno panongu pesü ayeghi hipau lo pükhükulu shi shosü nani.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

EZEKEL 37:25

I no I qeu Jacob tsükeu yeghi, khile nongu puasüqo no xüche keno nongu no tile küghüna nani. Panongu eno pano tianuli ngo atilimi no tilehi alholo küghüna acheuve nani, eno I qeu David no alholo panow kükapuu shive nani.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

AKIKIHI 7:15

akipti kümllagho ghenguno amshitsü, ambetsü, ampe lakhi mbetsü, lakhikhi;

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

Luke 1:33

eno pa no pülhapuju Jacob lagha shou ayepe nani, eno pa yekipe ye khilemu kishekhave monani.”

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

John 12:24

Kuchou no I no nongu vilo piani, athi no ayeghi lo ikiqi ilo no thivemo keloye tilikhi acheni; ikemu tino thive aye athi kutomo pithi cheni.

John 13:32

Pa vecheo Alhou jekipipu shiaghi aye, Alhou ghi Pa ampi pesü pa lau no ajekipipu shinani, eno paikhavi no pa jepipi tsü nani.

Rommi 6:9

Ningu no ithi anino Khristo ye akithi lono xüputhuve akeke khilemu thi kithemae; akithi ye Pa qhasü lumoae.

Rommi 8:32

Pa likhi Pa Nu ghi süchile mono ningu kümtsü ghenguno pephetsü püaghi aye, tipau gholono Pa ye itaghi thime kümtsü pesü kümsa lono ningu tsümoni keshea?

Rommi 8:8

Khunono ashi lono xücheni keno Alhou lopu shimla nani.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

Ephesiami 1:5

Pa no ningu pesü anuli shi saluve niye Pa kupulo kimji kiqi lono azünatha Jisü Khristo vecheo ningu kishelu,

Ephesiami 1:9

Paw tuqhou kukughu khikhi Khristo vecheo kimshitsü keno Pa no ningu lau kilethi tsüke.

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

2 Thes. 1:11

Hi ghenguno nino nongu ghenguno alhokuthu inikhu tsü cheni, tishianguno ni Lhou no nongu kulu keu ameküapu shitsü peni eno Pa küka lono aküpülü kümla kümtsü akivipu ghenguno shikupu tsüpeni,

IBRIMI 2:13

Itaghi, “I no Pa lau I küpkhü beni.” Eno itaghi, “Ni ye Alhou no atianuli I tsükeqo sasü hile anie.”

IBRIMI 7:27

Pa no ghuthu khavino kümtsü ghenguno pa ampi ikhiphe tsüve keke pa ye achinemi kütami toi atüghüshi pa xine ghenguno eno tithiu no timiqo ghenguno tsalakipe ghakishi shi akepu kühae.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

Piyeküsü 1:18

eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.