ISAIAH 52:7 - Sumi Naga CL (Re-edited) Bible (BSI)

⁷ Naghutoqo kathasü asütsa kivi pesü ighikeu pukhu ye kiutoi juvi kelae, pa no alakishi peighi ke, eno alokivi sütsa peighi ke, pa no Zion vilo ishi pi, “O Lhou no ayepe ani.”

BAIBEL (BSI)

⁷ Naghutoqo kathasu aghinikishimi ighikeuye kiutoi akumzapushi jukivipu kelae! Atsakiviu pecheni, alakishi sutsa kithe! Toluvekeu pano asheshu eno Zion vilo pi, “OLhou ye Akukauke!”

ISAIAH 52:7 Iomraidhean Croise

LESHELE 59:13

aloghu no panoqo küzüve lo; panongu no kühave moke kutolo khonha luvelo, tishikeu lono ayeghi shekichi kutolo panongu no Alhou ye Jacob shou ayepe cheni kepi ithi nani.

LESHELE 68:11

Ampeu no azah tsü; asütsa pesü sheshu kemi totimiqo ye aqokitikhi kije ke:

LESHELE 93:1

Ampeu no ayepe ani; Pa ye kükanguagha phi pepu ani; Ampeu ye chijeboike phi pepu ani; Pa ye akumto pesü Pa pokha shiluvae. Iyei, ayeghiqha ye iqhikumto püani; ti ye khilemu ithamoe.

LESHELE 96:10

Shiyeqo vilo pilo, “Ampeu no ayepe ani! Iyei, ayeghiqha ye mtotoi ani eno khilemu ithavemo nani; Pa no achipiu xakütha pesü timiqo shou küghatha nani.”

LESHELE 97:1

Ampeu no ayepe ani, ayeghiqha pelo alovi pelo; züdoyeghi kutomo akeqo pelo alokivishi pelo.

LESHELE 98:2

Ampeu no Paw xakulu ithiluve peke; Pa no shiyeqo zülono Pa chipiu mikucho pepheke.

LESHELE 98:3

Pa no Israel kibolomi shou Paw iqemokeu kikimiye eno pükhükulu kümsüchilelue. Ayeghiqha shekichi kümtsü lono ni Lhouw xakulu ithuluvae.

LESHELE 99:1

Ampeu no ayepe ani; timi kümtsü no khokhoshilo! Pa ye cherubim shou iqa ani; ayeghi pelo itha pelo!

ALE KIMCHI 2:8

I qhuu sütsa chilu anie! Julo, pa ye naghuto eno atoghi ilhechesü I lau cheni.

ISAIAH 24:23

Tishino aqhi no agi zümoive, khetsünhe no agi nhave nani, kughengu aqokitikhi MPEU no Zion Toghi eno Jerusalem lono ayepe no Paw timi sakiphemiqo zülo Pa juküvü pephe nani.

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

ISAIAH 40:9

O Zion, asütsa kivi shekushuu, naghuto kiqhe lo iqholo; O Jerusalem, asütsa kivi shekushuu, akumtoshi o sütsa süqhelo; vekipighi asheshulo, msa kevilo; Judah phughiqo vilo pilo, “Nongu Lhou julo!”

ISAIAH 41:27

Ni, Ampeu no atüghüushi Zion vilo, “Julo panongu hilau cheni” ipike! I no Jerusalem vilo asütsa kithe pi puwue.

ISAIAH 42:11

Asayeqha eno tile mishiphughiqo pelo asütsa süqhe pelo, Kedar no xüsüpe akeu phuqo, Sela lo küghüna akemi pelo alokivi le phe pelo, panongu pelo naghuto kütsüqa lono ighamku pelo.

MICAH 4:7

ala chemlave kemi pesü I no ghükulumi shive nani, eno hapupove kemi pesü akumto shiye shive nani; Ampeu no Zion lono hipa ghuloki lono alholo panoqo shou ayepe nani.

NAHUM 1:15

Khuu asütsa kivi pecheni eno külakishi sheshu cheni keno, naghuto lo chenike julo! Ow tiqhetiniqo pini lo, O Judah; o shoqhiqo shikupulo, kughengu amekükühami ye khilemu o leighi kithemae; pa ye qhoi kütsapinyivae.

NAHUM 2:1

O haleveni kemi ye ighivae. Aghukhe-a lo ngoluve lo; alaghi khekuto lo; aghü shinike aghili kutolulo; o kumto kümtsü pephelo.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

Mark 13:10

Atüghüshi atsakiviu pesü shiye kümtsü lau sheshu masae.

Mark 16:15

Pa no panongu vilo pi, “Ayeghiqha kümtsü lo wulo eno atsakiviu pesü pulhoküsü kümtsü lau sheshu lo.

Luke 2:10

Ikemu kungumi huno panongu vilo pi, “Msa kevilo, kughengu timi kümtsü no alokivi kije shilu kepu sütsa kivi I no nongu lau süghi ani.

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

Ephesiami 6:15

atsakiviu pikülha nike kutope akeu pukhu kuqho qhopulo.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 14:6

Tileno kungumi kütau lakhi no ayeghi lo küami, shiye eno ashiaye jeli, timi mqo eno atsa jeli kümtsü lau lhokta tsakiviu sheshuni ke atsütsü mta lo yecheghi keu I no ithulu.