ISAIAH 52:11 - Sumi Naga CL (Re-edited) Bible (BSI)

¹¹ Nongu Ampeuw akimthe bohu xapuche keqo, wuvelo, wuvelo, tilehi no ipevelo, mithekumo nhemgha bu kevilo, tipa-a mta lono ipeve lo eno nongu ampi shikimthevelo.

BAIBEL (BSI)

¹¹ Nongu achineki nhemgha xapuche kemiqo, nonguye mutsuqheino Babilon qhivelo! Chinikepu nhemgha kiumu bukevilo; nonguye akimtheshi apuzu chevelo.

ISAIAH 52:11 Iomraidhean Croise

YEKIKITHI ATUGHIU 15:12

no panoqo vilo pi, “Nongu ye Levi lagha lo alimi sakiphemi ake, tighenguno nongu ampi eno no thiküzümi kishekimthe lo, eno Israel Lhou Ampeuw Puloshoqhi Bohu pewo I no kuto püake-a lo qhikepu shilo.

IPEKULU 30:19

Aaron ngo pa nuliqo no tipau lono apukhu ngo au qhuni.

ISAIAH 1:16

Nongu ampi qhuve eno shikimthe lulo; I nhethe lono nongu kümla lhoksa pevelo; alhoksa kümla tavelo,

ISAIAH 48:20

Babylon lono ipevelo, Chaldea lono povelo, alokivi lono hipau sheshulo; ayeghi shekha kutolo ishi pilo, “Ampeu no Pa qeu Jacob xaluvae!”

ISAIAH 66:20

Panongu no aghakhu kümtsü lono nongu thiküzümi akümllagho Ampeu tsükeu shi ghi sasü ideighi nani. Panongu no tipaqo sasü I kimthe toghi Jerusalem lo ighi nani. Eno Israelmi no athi kümllagho bohu kimthe lono Ampeu kilo pesü ighike toi, timi hipaqo ye khami no khurshi shouno, khami no khurkulu shouno, khami no tinhemgha puche keu shouno, khami no khurgha shouno, khami no sayeshi shouno ishi xapusü ighi nani, ipi Ampeu no piani.

JEREMIYA 31:21

“Ala lo amchipu shipe qhilo; o ghenguno kichekütsü mlalo; nono khipa la lono wuve keno alaghila jukimchi pe qhivelo. Ideighilo, O amikuchou Israel, ow mishighünaqo lo ideighilo.

JEREMIYA 50:8

“Babylon lono povelo, Chaldeami ghakhu lono ipevelo, eno anetsü no aloji zülo ngoke toi shilo.

JEREMIYA 51:45

“Iw timiqo, tileno ipeve lo! Ampeu loghu lono kümtsü no pütüta küxü xalulo!

JEREMIYA 51:6

“Babylon lono povelo; pütüta küxü ghenguno polulo! Babylon xine ghenguno nongu pithive ape kevilo, kughengu hi ye Ampeu mkhükulu süchedo, eno Pa no li lochile anike.

EZEKEL 44:23

Panongu no Iw timiqo lau akimthe ngo balha dolo kiyeqü keu shika nani, eno kishino akimthe ngo mithekumo dolo kishe kütüta shilu nani keno piyetsü nani.

ACHINE 10:3

Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

ACHINE 11:45

Ni ye khuu Egypt yeghi lono nongu saipeghi keno, Ampeu nongu Lhou huke. Tighenguno nongu ye akimthe shilo, kughengu Ni ye akimthe ke.”

ACHINE 11:47

ti ye mithekumo ngo mqhamqhi keu dolo, aküxüküa lhoxü chuluni keu ngo chumlani keu küma dolo alaküxa shi ithi kütüta shilu peniye ke.

ACHINE 21:6

Panongu ye pano Lhou lau akimthe shini eno Pa shipütha moni. Kughengu panongu no Ampeu chuqupu kümllagho pesü mlla cheni kehu akimthe shini.

ZEKHARIA 2:10

Alephe eno alovilo, O Zion limi, kughengu julo, I no ighi no nongu gholo xü nani, Ampeu no asheshu.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

AKIKIHI 16:26

Eno Moses no timiqo vilo pi, “Kimiyeno timi kixikilami hipaqo launo putou ngove lo eno hipaqo nhemgha kiumu bu kevilo, tikumo aye nongu ghi panoqo xine gholono joleve nosake.”

AKIKIHI 19:11

“Khukhumu akithi kumo diluve keu ye atsala tsüni ghenguno achinepu lo mithe move nani.

AKIKIHI 19:16

Khukhumu azütakikihi no ghiqhive keu kumo, momu alhoaye kithi thipüaghi keu kumo, momu timi saghi, momu akumoki buve aye, pa ye atsala tsüni kutolo mithe movae.

AKIKIHI 8:6

“Israelmi gholono Levimi kusawo panoqo shikimthelo.

Apostolmi 10:14

Ikemu Peter no pi, “Khilemu shimlae, Ampeu; kughengu ni ye kitiqeve keu momu mithekumo kiumu chuju mphie.”

Apostolmi 10:28

Pa no panoqo vilo pi, “Nongu no ithi anike Jewmi lakhi no shiye kütami sasü xukütshü momu xujuni keu ye ayezah kiqilo kumoe, ikemu timi khumu pesü kitiqeve keu momu mithekumo ipi pemoni ke Alhou no I piyevae.

Rommi 14:14

I no Ampeu Jisü laumi shino ithitoi luve ake kiumu pakutoshi no mithemo keu ye kumoe, ikemu khuana no mithekumo kepi kümsüve aye pa ghenguno ti ye mithe movae.

2 Kor. 6:17

Ikehu panoqo launo ipevelo eno pano launo kütüta shivelo, ipi Ampeu no pi, eno mithekumo kiumu bu kevilo, tileno I no nongu ikhilu nani,

Ephesiami 5:11

Aküzü kümla athi pithimo keu lo chhosü kevilo, tishinike züqhulo tipaqo pesü aküvü lo pephelo.

1 Peter 2:11

Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

Piyeküsü 18:4

Tishino kungugha lono asütsa kütau lakhi I no ishi chilu, “Iw timiqo, li launo ipeghive lo, tikumo aye nongu ye li xine lo kitimelu nosa, eno li tsükeu püsa küsajelu nosae;