ISAIAH 51:7 - Sumi Naga CL (Re-edited) Bible (BSI)

⁷ “Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

BAIBEL (BSI)

⁷ ‘Nongu achipiuye kiu keno ithi akeqo, itsa inilo, ikukutsu nongu mlolo ithamono achepe kemiqo! Kughou timino nongu junuqhi eno thaighani keno musa kevilo;

ISAIAH 51:7 Iomraidhean Croise

LESHELE 37:31

Pa Lhou yezah ye pa mlo lo ani; Pa pukhu ye nepiyeve chemoe.

LESHELE 40:8

O I Lhou, O gho-apulou shinikeu no I züküvüe; O yezah ye I mlo lo anie.”

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

ISAIAH 37:6

pa no panoqo vilo pi, “No kükau vilo pilo, ‘Ampeu no ishi piani: Assyria kükauw apumiqo no kiu tsa pesü I thaigha keno, no ye ti chilupe msaichi kevilo.

ISAIAH 51:1

“I tsa inilo, nongu achipiu-mikucho phuche keqo, eno Ampeu phuche keqo: atuqu eno atu kuchhuki khileno nongu chitha phelu keno, tipaqo kümsü julo.

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

JEREMIYA 1:17

Ikemu no ye akümla shi kepushi o ghili kutolo, ithulo, eno I no azah o tsükeu kümtsü pesü panongu vilo pilo. Panongu pelo o shikümsape kevilo, tikumo aye I no panongu zülono o shikümsa nani.

EZEKEL 2:6

Eno no, timi nu, ye asahubo ayemhi gholo aghina achuwopaza shou iqalu namu panoqo msa kevilo momu panoqo tsa ini pesü ighü kevilo. Panoqo tsa inipe msave kevilo momu panoqo ju ithulupe aghüthisüve kevilo, kughengu panongu ye hekibide laghami ke.

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

MATTHEW 5:11

“Kughou I je ghenguno kütami no nongu thaigha, ghimeqhi eno akumou lono nongu lau atsa lhoksa pipukuni keno, nongu ye akümghapue.

Luke 6:22

“Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

2 Kor. 3:3

Eno nongu ye Khristo launo ighi keu, ni vecheo pekiye süghi keu yesü ke, akiyezü no kumoe ikemu aküxüpu Lhou Ghungu no yekeu, atulupha lo kumoe ikemu timi mlo lo yepuku keu ke.

ZAKINIU 6:6

Ishi tsala lo I no azah hi o tsü akeqo o mlo lo qhilu lo.

FILIPIAMI 3:10

Tishikeu lono I no pa ithi, paw xüchilekulu küka ithi, pa ghime küsaje, eno pa kithi lo ghi pa kimihi shino

FILIPIAMI 3:8

Kuchou loye I Mpeu Khristo Jisü ithive keu meküapu no thokha shoqa luve keu lono ni ye kütau thime ye qhoi avehu küha kepi kihivae. Pa je ghenguno ni ye thime kümtsü phevae, eno tipaqo ye tübatüzü shivae, tishianguno Khristo pesü I la shilu

IBRIMI 10:16

“Ampeu no sheshu, tipa tsala thiu I no panoqo sasü puloshoqhi shini keu hike: I no I Yezah pesü pano mlo lo sütsü nani, eno pano kükümsü lo yepuku tsü nani.”

1 Peter 4:14

Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.

1 Peter 4:4

Hipa vehulo itehi ye nongu no panoqo gholo akumou eno ghasükümla küxü lo kuloji moveke gheno panongu ye nongu jupe akichiqhi eno nongu pipüsaqhi ani;