ISAIAH 51:10 - Sumi Naga CL (Re-edited) Bible (BSI)

¹⁰ Azüghi kutho chethove pekeu, tishikeu lono Nono xachile luve kemi pelo katha ikulu pekeu ye Noke kumo keshea?

BAIBEL (BSI)

¹⁰ Azu ghahwu Rahab ghitha pinyivekeu huye nonoke, eno nono azu katha susu alaghi lakhi mlake, tishi anguno nono xalukeqono tipau kathauluke.

ISAIAH 51:10 Iomraidhean Croise

LESHELE 106:10

Tihutoi Pa no aghümi u lono panoqo xaluve, eno aghümi küka lono panoqo qhüchile luve.

LESHELE 106:9

Pa no Akuhu Züghi lomipi, eno tino thoqhaive, eno asayeli lo cheche ketoi Pa no panoqo sasü azüghi kathawu ke.

LESHELE 74:13

O küka kumto lono Nono azüghi kijethave; Nono azüghi lo ghasükümla ghawu boghe hepho tsüke.

LESHELE 77:19

O laghi no azüghi katha wue, O laghi no azüghi kije kathae; ikeghi O pukhu nepa ithumlae.

IPEKULU 14:29

Ikemu Israelmi ye azüghi mta lo qhaike yeghi lono chesü wuve, azü huno pano u ajeu ngo piyiu aliwo kuptu shivetsü.

IPEKULU 15:13

“Nono qhüchilelu keqo Ow iqemokeu kikimiye lono saphe ke; O küka lono Nono O kimthe kungo-a lo panoqo saighie.

ISAIAH 11:15

Ampeu no Egypt züghi lo azücheku qhoi puthovetsü nani, eno Pa tuthu shukuthui keu pesü Pa u no Euphrates ghoki shou kihi puku kelo aghokiti tsüni shive nani, eno timiqo no apukhuqho xapusü katha luve nani.

ISAIAH 11:16

Israelmi no Egypt yeghi lono ipe kelo pano ghenguno alaghila aghike toi, Paw timi ghüpüaghi kemi ghenguno itaghi Assyria lono alaghila kije lakhi anani.

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 35:8

Tile alaghila auve no tipau pesü Akimthe Laghi ipi ku nani; mithekumomi ye ti pülamo nani. Ti ye Alhou timiqo sala shinani; mbomzümi mu tipa la vezüve monani.

ISAIAH 35:9

Abongshuu momu ayiküsa tüghashi mu tilehi ighimo nani; tipaqo lakhimu ithumla nani ikemu xachile luve kemi no ti püla nani.

ISAIAH 42:15

I no atoghi ngo naghutoqo kütsaküngo nani; eno tile atsüni ngo asüboqo ighüivepe nani; I no aghokiqo pesü züdoyeghi shivetsü nani; eno ayizükuchoqo pelo qhaivepe nani;

ISAIAH 43:16

Azüghi lo alaghi mlakeu, azü kutho lo alaghi mlakeu Mpeu no ishi piani,

ISAIAH 50:2

Kushiye I no ighi kelo timi lakhimu aghi move kea? Kushiye I no ku kelo milakhi nomu khochilemo kea? Nongu xachile lunike I u ye ikholo küghashi anio? Momu Ni ye xaphe lunike aküka küha keshea? Julo, I zakütsü lono I no azüghi qhaive tsü cheni, I no aghokiqo pesü asayeqha kughulhove cheni; tipaqo lo akha no azü kühave kehu münauve eno tüghüthi kelauno thive cheni.

ISAIAH 62:12

Panongu ye Akimthemi ipi ku nani; eno Ampeu no xachile luve kemi ipi ku nani; eno nongu pesü Alhou no Phuche kemi, eno Qhivemokeu Mishighüna ipi ku nani.

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

MICAH 7:15

Nongu no Egypt yeghi lono ipeghike tsala lo toi, I no akümzapu thimeqo panongu piye nani.

ZEKHARIA 10:11

Pa no aveküsa züghi kathasü wuno azü fukukucho ghasü nani, eno Nile züghi kuthoku kümtsü qhaive nani. Assyria qheküza kuchunive tsü eno Egypt kükaküsü kishekhave tsü nani.