ISAIAH 50:7 - Sumi Naga CL (Re-edited) Bible (BSI)

⁷ Ikemu Ampeu no I kuphu cheni, tigheno ni ye kujove moe; I no atuitu toi I gi teqhitelei ke, I no ithi anike I shikujo monani.

BAIBEL (BSI)

⁷ Ikemu panonguno ithaighakeuye ighuza mla kughengu AMPEU Alhou no ikuphuke. Tighenguno niye agi teqhiteleyi tipaqo kutuu kutu-o luke.

ISAIAH 50:7 Iomraidhean Croise

LESHELE 110:1

Ampeu no I Mpeu vilo pi: “I no o ghümi pesü o pukhu kinepu shitsü moke kutolo I u ajeu iqalo.”

LESHELE 54:6

Pulokini kümllagho pesü I no O lau aghakishi tsüni; O Ampeu, I no shikimthi keu O tsüni, kughengu ti ye akivi ke.

ISAIAH 29:22

Tighenguno Khuu Abraham xachilelu keno, Ampeu huno Jacob lagha ghenguno ishi piani: “Jacob lagha ye kujomza moae, pano gi ye phalai kithemae.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

ISAIAH 49:8

Ampeu no ishi piani: “I no ado achipi lono nongu khochile tsüke; xakulupu tsalani I no nongu kuphuke; I no nongu khe eno süsho nani, nongu vecheo timi kümtsü sasü puloshoqhi shinani; eno pighive keu yeghi pesü amheghi shi tsüchile nani.

ISAIAH 50:9

Julo, Ampeu Alhou no I kuphu cheni, khuu no ni ye küqüvae ipilu nani kea? Julo, I nguku akemi kümtsü aphimini toi ixüve nani; Apila no chupühave nani.

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

JEREMIYA 1:18

Julo, I no ishi no o pesü ayeghi kümtsü mjochile kepu, Judah kükamiqo, tile kijemi, achinemi, eno ayeghi lo timiqo mjochile kepu aliwo kumto phughi shitsüni, ayi no shikeu tsükucho, alazayi tupiqo shitsüni.

MICAH 1:2

Inilo, nongu ashiaye kümtsü; amlo tsüqhiyilo, O ayeghi, eno tile akeqo kümtsü, Ampeu Alhou pelo Pa kimthe chineki lono nongu shou thopi shipelo.

Luke 9:51

Kughou Jisü saikuve kepu tsala kupunuve keno, pa ye Jerusalem lo wunike thebeive.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

IBRIMI 13:6

Ikehu ningu ye amlo kumtoshi pilu nani, “Ampeu ye I kukuphuu; Ni ye msavemo nani; Timi no I lau kiu shiluni kea?”

1 Peter 4:1

Tishi aye, Khristo no ashi phimpi lono imeve akeke nongu ampi kükümsü ghi tipatho lono kutolulo, kughengu khukhumu ashi phimpi lono imeve aghi keu ye axine launo kukhovae,

1 Peter 4:16

Tishi namu, khuana no Khristomi lakhike ghenguno ime aghi aye, pa ye kujomza kevilo, ikemu tipau jelono Alhou shikimthi lo.