ISAIAH 50:4 - Sumi Naga CL (Re-edited) Bible (BSI)

⁴ Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

BAIBEL (BSI)

⁴ AMPEU Alhou no kiu pikepu keno ishikapiyevae, ikehu ino kulho kughomi shikumtolu nani. Inaqhe atsu-tsu pano kiu ishika piyeni keno azukini shi iniche nipe.

ISAIAH 50:4 Iomraidhean Croise

JOB 4:4

Küpxape iluqi cheghi keqo o tsa no xaqhe puthuvae, eno miqemlei kemi khonhe nono shikumtove tsüae.

LESHELE 119:147

Tsütho mphi lono I no ithu no kuphu peniye ighamku; I no O tsa lo lajube ani.

LESHELE 143:8

I pelo inaqhe Ow iqemokeu kikimiye chilu pelo, kughengu I no O pükhü cheni. I no püla masa keu laghi I pelo ithi pelo, kughengu I no O lau I ngulho süqhe ani.

LESHELE 40:7

Ikehu I no pi, “Ni ye ighivae; liküküzü kaku lo I ghenguno ishi yepüani:

LESHELE 45:2

Timi nuliqo gholo shishe aju-akoghe akiviu ye noke; o mütsü lono küpükini qole ipeghi; tigheno Alhou no alhokupuju o kümghave tsüae.

LESHELE 5:3

O Ampeu, Nono inaqhe I sütsa chilutsü cheni; I no inaqhe O ghenguno aghakishi kutope jukutoe.

LESHELE 88:13

Ikemu O Ampeu, I no O lau ighamku ani; inaqhe no I kighini pesü O zülo ighi ani.

AHOLE 12:25

Amlo lo kütakihi keu no timi qaqhive cheni ikemu atsa kivi no pa mlo vepiqitsü cheni.

AHOLE 15:23

Achipishi khochile keu ye timi lokivipue eno aghuloki kiqi lono atsa achipiu pilu keu ye kiutoi akivi kelae!

AHOLE 25:11

Ado kiqi lono atsa achipiu pilu keu ye ameshoyi akiviu pesü ghükayi shou ananu shipuku püake toi nani.

ISAIAH 28:19

Panongu no inaqhe atsütsü, puchou eno putho lo ika ighike kümtsü lo nongu küghape wuve nani; eno hipa tsape vethalu kelo thüghüi nani.

ISAIAH 28:9

“Pa ye khuu shika niye ani, khuu lau atsape hepho piye nani kea? Anga anileshi khoveno akeqo lau keo?

ISAIAH 35:5

Tileno anhethi kighichemi nhethi xükhove tsü nani, eno akini kughupomi kini khaqhive tsü nani;

ISAIAH 40:29

Pa no aküka pesü kulhokughomi tsü cheni, eno akumto küha kemi küka kughukotsü cheni.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

ISAIAH 8:16

I no kütsü shikave keu tsape liküzü no mekhape I papemi gholo qhivelo.

JEREMIYA 1:9

Tishino Ampeu no Pa u pesü I kichi butsü eno I vilo pi, “Julo, I no I tsa pesü o kichi lo süve tsüae.

JEREMIYA 31:25

Kughengu I no qeinaive kemi eno kulhokughomi ghapiqi tsüno aghüthi püxütsü nani.”

EZEKEL 46:13

“Tsalakipetsü nongu ye ampe lakhi mbe lakhi akipti kümllagho shi Ampeu lau tsüni; inaqhe atsütsü nongu ye tipau tsüni.

MATTHEW 11:28

Khunono akho kimshi xapu akulho shive akeno kümtsü I lau ighilo, eno I no akulhokiqhi nongu tsüni.

MATTHEW 13:54

eno pa phughi lo ighi kelo pa no sinagog lono timiqo kütsü, ikelo panongu no ighono akichiqhive no pi, “Timi hipau ye khile no alokütsü eno akumto kümla shinikeu ithulu kea?

MATTHEW 22:46

Khunomu atsa lakhimu pa khochile mlave, eno tinguno tilauye khuana no pa vilo ighikuju inijuni keu ighüve.

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

Luke 4:22

Timi kümtsü no pa pipivi eno pa kichi lono küpüqhiyi keu tsa ipeghi akeqo chilupe ighono akichiqhive. Khami no pi, “Hi ye Joseph nu ke kumo?”

John 7:46

Aghukhemi no khochile, “Khunomu pa toi atsa kivi piju mphie!”

ZAKINIU 18:17

Ampeu no I vilo pi, ‘Panongu no pi akeu ye achipie.’

ZAKINIU 18:18

I no o toike tungkupu lakhi pano thiküzümi lau puwu nani. I no pa kichi lo I tsa sütsü no pa no I no azah tsükeu kiqi lono thokha panongu vilo pi nani.