ISAIAH 50:2 - Sumi Naga CL (Re-edited) Bible (BSI)

² Kushiye I no ighi kelo timi lakhimu aghi move kea? Kushiye I no ku kelo milakhi nomu khochilemo kea? Nongu xachile lunike I u ye ikholo küghashi anio? Momu Ni ye xaphe lunike aküka küha keshea? Julo, I zakütsü lono I no azüghi qhaive tsü cheni, I no aghokiqo pesü asayeqha kughulhove cheni; tipaqo lo akha no azü kühave kehu münauve eno tüghüthi kelauno thive cheni.

BAIBEL (BSI)

² ‘Kushiye ino xaluniye ighikelo iwu timi khumu aghimove kya? Kushiye ino kuju kelo panonguye khochilemo kya? Panoqo xakulupulo niye miqemileyive kesha? momu panoqo xaphe lunikeu kuka niye kuhave akesha? Ino ahza lakhi tsupuzu azughi pesu qhaiyivelu nani, aghoki pesu asayeqha kughulhovelu puzu azukuha kelauno akha tile akeqo thivepelu nani.

ISAIAH 50:2 Iomraidhean Croise

BOTHUBO 18:14

Ampeu ghengu ye kiuala ighono kushokütsüpu ani kea? Tokuu hipau ghuloki lo, piqhi püakeu do lono I no o lau ideighi nani, eno Sarah ye anu lakhi punu nani.”

YEKIKITHI AKINIU 32:15

Tighenguno itehi Hezekiah pelo nongu pishiqhi momu hipa gholau no nongu sabidepe kevi eno pa pülü kevilo, kughengu khuno shiye momu kükaqha lhou nomu I u momu I puasüqo u lono paw timiqo xalu mphie. Imaye nongu lhou ye I u lono kishino nongu xaphe luni kea?’”

LESHELE 106:9

Pa no Akuhu Züghi lomipi, eno tino thoqhaive, eno asayeli lo cheche ketoi Pa no panoqo sasü azüghi kathawu ke.

LESHELE 107:33

Pa no aghokiqo pesü asayeli kughulhove tsü, azüpukiqo pesü atüghü yeghi shive tsü,

IPEKULU 14:21

Tileno Moses no azüghi shou pa u chhophe, eno Ampeu no puthotsü kipela mülhü kümka pesü azüghi fuchile puwove tsü, eno azüghi pesü qhaike yeghi shive tsüno azü kijethave tsüe.

IPEKULU 14:29

Ikemu Israelmi ye azüghi mta lo qhaike yeghi lono chesü wuve, azü huno pano u ajeu ngo piyiu aliwo kuptu shivetsü.

IPEKULU 7:18

Nile lo akha akeqo ye thive nani, Nile ye muthu münashuive nani, eno Egyptmi ye Nile lono azü yemlave keu lono aghime shive nani.”’”

IPEKULU 7:21

Eno Nile lo akha no thikhave, eno Nile ye muthu münashuive, ikehu Egyptmi ye Nile lono azü yelu kepu shimove. Egypt yeghi kümtsü lo aji likhive.

AHOLE 1:24

Ikemu I no nongu ku apülaghi nongu no ini tsümo, I u sükho kemu khunomu akhoto shitsümo,

ISAIAH 11:15

Ampeu no Egypt züghi lo azücheku qhoi puthovetsü nani, eno Pa tuthu shukuthui keu pesü Pa u no Euphrates ghoki shou kihi puku kelo aghokiti tsüni shive nani, eno timiqo no apukhuqho xapusü katha luve nani.

ISAIAH 19:5

Nile ghoki lo azü hailove nani, eno aghoki ye qhaighoive nani,

ISAIAH 23:11

Ampeu no azüghi shou Pa u chhopuwo no kükaqhaqo sükini; Pa no Canaan küakini laghi kütsave tsüniye azah tsüvae.

ISAIAH 36:20

Aghakhu hipaqo lhou dolo khuu no I u lono pano yeghi hakholu püanie pi Ampeu no I u lono Jerusalem xaphelu nanie piani kea?’”

ISAIAH 41:28

Ikemu kughou I no ju keno, tile khumu kühave aghi; Hipaqo dolo, I no ighiju kelo, khochileni kemi mijekütsümi lakhimu kühae,

ISAIAH 42:15

I no atoghi ngo naghutoqo kütsaküngo nani; eno tile atsüni ngo asüboqo ighüivepe nani; I no aghokiqo pesü züdoyeghi shivetsü nani; eno ayizükuchoqo pelo qhaivepe nani;

ISAIAH 43:16

Azüghi lo alaghi mlakeu, azü kutho lo alaghi mlakeu Mpeu no ishi piani,

ISAIAH 44:27

Khuu no akuthoku vilo, ‘Qhaivelo; I no o züghi chethove tsüni’ ipi kea?;

ISAIAH 51:10

Azüghi kutho chethove pekeu, tishikeu lono Nono xachile luve kemi pelo katha ikulu pekeu ye Noke kumo keshea?

ISAIAH 54:6

Kughengu no ye akimi no pheve keu totimi lakhi no ighono mloqa akeu toike, momu alhothe lo nipu pheve keu hutoi keu lono o kulu ke, ipi o Lhou no piani.

ISAIAH 59:1

Julo, Ampeu u ye ikholove no nongu xaluni keu tolumo ake kumoe, momu Pa kini ye ipove no nongu sütsa chilumo ake kumoe;

ISAIAH 59:16

Pa no ju kelaye milakhi mu alakishi shitsüni keu ithumlae; tileno Pa u no xaphelue, eno Pa chipiu-mikucho no Pa süqheke.

ISAIAH 63:13

Pa no azükutho kachesü panongu sawue, khurshi no asayeqha lo cheke toi, panongu ye kiumu küpxamoe.

ISAIAH 64:6

Ningu kümtsü no mithemo kemi toivae, eno ni mikucho ye niqhinilai keu phinhe toivae. Ningu ye asünipa ighiqive keu toivae, eno ni xine no amülhü toi ni sasü wuvae.

ISAIAH 65:12

I no nongu pesü azütakikihi tsüve nani, eno nongu kümtsü no hekiqhiu zülo pishiqho nani, kughengu I no nongu kukelo, nongu no khochile moe, I no nongu pütsa kelo, nongu no ini tsümoe, ikemu nongu no kiu no I nhethe lo axine keno ti shike eno I no pulomo keu kishelu ke.”

ISAIAH 66:4

Ni ghi panongu ghenguno aghimepu kishetsü nani; eno panongu no msa chekeu panongu shou pukutsü nani, kughengu khunomu I no kukeu lo khochile moe, I no pütsa kelo, panongu no ini tsümoe; ikemu kiu no I nhethe lo axine keno, panongu no ti shike, eno I no pulomo keu kishelu ke.”

JEREMIYA 14:9

No ye kushiye timi lakhi no avehu izüveke toi, xamlani keu ghütomi toi ani kea? Ikeghi, O Ampeu, No ye ni gholo ani, nino O je ku anike ni qhivetsü kevilo.”

JEREMIYA 35:14

Rekhab nu Jonadab no pa tikughukomi lau atsaiji shomoni keu za tsükeu ye pechephi, eno ishi kutolo panongu ye shochemoe, kughengu panongu ye pano pasü no azah tsükeu gholue. Ni ye tamo mithe nongu vilo pive akemu nongu no I tsa inimoe.

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 5:1

Jerusalem laghila lo poipe poilo tsaqüi jukuto julo! Achipiu shi eno kuchou phuche kemi lakhimu phuluni mala liw kobidi-a lo phujulo, tishi aye I no li kipimi qhive tsüni.

JEREMIYA 7:13

Itehi ye, nongu no hi kümtsü shive kehu, Ampeu no asheshu, I no tamo mithe nongu vilo pi kemu nongu no ini tsümoe, eno nongu ku kemu nongu no khochile moe,

JEREMIYA 7:27

“Ikehu no ye atsa hi kümtsü panongu vilo pilo, ikemu panongu ye o tsa inimo nani. Nono panongu kunani, ikemu o khochilemo nani.

JEREMIYA 8:6

I no amlokütsü shi ini kemu panongu no achipiu tsa pimoe; khunomu pa lhoksa lono xaide mono pi, ‘Ni ye kiu shive kea?’ Khurshi no shoxashi aghüshiqa lo poilo keshi kümtsü no pütüta la lo wuve.

DANIEL 3:15

Itehi nongu no kutope aghi aye, kughou nongu no akibo, fulili, aheo, akighilebo, lilala eno alebo ghügha jeliqo chiluni keno itsaqi no ajulho I no ghope qhikeu mlla lo, tishilu aye alo eno akivie. Ikemu nongu no mllamo aye, nongu ye kuchughei keu miphoki lo itehi vesüveni. Eno khuno lhou no I u lono nongu xaphe luni kea?”

DANIEL 3:29

Tighenguno I no xaküthaza lakhi mla ani: ashiaye, shiye, momu atsa jeli khunono Shadrach, Meshach, eno Abednego noqo Lhou lachile keu tsa pini keno, timi tipau phiau sütha pinyive tsüni, eno pano kiqo kütsave tsüni, kughengu hitoi xaluni keu lhou kütau ye kühae.”

DANIEL 6:20

Daniel no khile akeno tipau kupunu ighi kelo, pa no amloksa lono ighamku. Akükau no Daniel lau asheshu, “O Daniel, aküxüpu Lhou qeu, o Lhou khuu nono tamono qecheni keno, Pa ye abongshuuqo launo o xalu kemo kea?”

DANIEL 6:27

Khuu no abongshuuqo küka lono Daniel xaphelu keno, Pa no xaphe eno hakho cheni; Pa no atsütsü eno ayeghi lo amchipu eno akümzapu mla chenie.”

HOSIYA 11:2

Khijehi panoqo ku keno tijehi panongu no putosülo wuve; panongu no Baalqo lau aghashi eno ajulhoqo lau piti mllauve.

HOSIYA 11:7

Iw timiqo ye tsümomo I launo tsüghüveni shi cheni, eno panongu no Shishe Akiqheu lau ighamku anamu Pa ye kiu gholau nomu panoqo xaqhemo nani.

NAHUM 1:4

Pa no azüghi lomipi no qhaive tsü; Pa no aghoki kümtsü qhaive tsü; Bashan eno Carmel ye ighüyivae; Lebanon xamunu ye ighüyivae.

HABAKUK 3:8

O loghu ye aghokiqo shou keshea, O Ampeu? Kughou Nono Ow khurshi eno xakulu khurkuluqo sa keno, O ghakighide ye azüghi shou akeo aghokiqo shou akea?

AKIKIHI 11:23

Ampeu no khochile, “Ampeu u ye ikholove akeshea? I tsa ye o ghenguno kuchou shinani kemo keno nono ithi nani.”

Mark 4:39

Tileno Pa no ithu amülhü lomipi eno azüghi vilo pi, “Iqüghailo! qümüive lo!” Amülhü no tave eno tile shishe iqünheive.

John 1:11

Pa no Pa yeghiqha lau ighi kemu Paw timiqou no Pa ikhilumoe.

John 3:19

Küghakütha ye hike: ayeghiqha lo aküvü ighivae, ikemu timiqo no aküvü kimiye ke kumono aküzüu kimiyeve, kughengu pano kümla no küsakügha ke.

JOSHUA 3:16

azü lashou no qoiqighi akeqo no qomono kuchove. Zarethan phivilo Adam mishighüna kutolo azü choluve eno Arabah Züghi ngo Amti Züghi lo qowu akeu ghi lakhave tsüe. Tishino timiqo no kathasü Jericho ghüngü lo ikuve.