ISAIAH 5:7 - Sumi Naga CL (Re-edited) Bible (BSI)

⁷ Aqokitikhi MPEU tsailu ye Israel shiye, Judah lo küami no Pa lopushi chekeu sübo ke; Pa no panoqo launo kuchou xakütha laju kemu julo, ajikuqou ithulue; achipiu mikucho laju kemu julo, panongu no püqapunu chekemi küqau chilue!

BAIBEL (BSI)

⁷ Israil ye Aqokitikhi shou AMPEU wu atsayiluke; Juda lo akemiqoye pano shosukeu tsayiboke. Panoqoye akivipu shipenike paye lajuake ikemu tipa zuqhulo pano nguye timi ghikiqhimi shive. Panoqoye achipiu shipe nike paye lajuake ikemu panoqono ghiqhi vekeqono amikucho xakutha khu ghi ighamukuke.

ISAIAH 5:7 Iomraidhean Croise

BOTHUBO 4:10

Ampeu no pi, “No ye kiu shive akea? O thiküzüu ji ghügha huno ayeghi lono I lau igha ikughi anie.

SAMUEL AKINIU 7:10

I no Iw timi Israelmi ghenguno a-a lakhi kishe tsüno tile panoqo shosüni, tishianguno panongu ye aküpüna shimove no pano-a lo ngouve nani.

JOB 34:28

pano ghenguno kumlhomi no ighamku Pa lau wu kelo Pa no aghimemi ghügha chilu tsüe.

LESHELE 147:11

ikemu khunono Pa sümsa eno Paw iqemokeu kikimiye shou pükhü cheni keno Ampeu ye pano lau alokiqi acheni.

LESHELE 149:4

Kughengu Ampeu no Paw timi lau azüküvü acheni; Pa no xakulu pesü aqhokighemi nanu shitsü cheni.

LESHELE 80:15

O u ajeu no shosü püakeu sübo kuhu Nono saputhu keu nu süsholo.

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

AHOLE 21:13

Khunono kumlhomi sütsa initsü moni keno kutou pa no ku kelo pa sütsau ghi khochile tsümo nani.

YETSAPIU 4:1

Itaghi ayeghi lo nedaqoda keu kümtsü I no ithulue. Nedaqodape akeqo nhezü julo, pano gho shitsüni kemi kühae! Kughengu aküka ye pano qhasü akemi gholo ani kehu khunomu pano lokughuno tsüni kemi kühae.

ALE KIMCHI 7:6

O I züküvüu alomi, no ye kiu toi jukighilepu eno alokepu kelae!

ISAIAH 1:21

Pükhükulupu, kuchou xakütha no chhitoi keu phughi ye kishino kütüqhalimi ilhouve akelae! Ghuthu lakhi loye amikuchomi no tile ache ikemu itehi ye ghikiqhimi no auvae.

ISAIAH 1:6

Apukhumza lono akütsü kutolo kitilamu vithai keu kühavae, ikemu azaku ngo apiyi eno chiji keu zaku likhivae; tipaqo ye shikimtheve momu khave momu thazü pesü vakümtsha püamoe.

ISAIAH 27:2

Tipa ghuloki lo, “Atsailu jukighilepu shikipili le phelo!

ISAIAH 3:14

Ampeu no küghaküthapu lo Paw timiqow layemi ngo mijekütsümi saghini cheni: “Atsailu külhü chuve keu ye nongu no ke, kumlhomiw hakholu keu no nongu ki chhitoi ani.

ISAIAH 3:15

Kiu kiqi lono nongu ye Iw timi chunuqhi, kumlhomi gi nedape chisheqhi ani kea?” ipi aqokitikhi MPEU no sheshu ani.

ISAIAH 3:17

ikehu Ampeu no Zion limiqo kütsü lo apiyi puku tsü nani eno pano phimpi ghi kümsa shivetsü nani.

ISAIAH 30:12

Ikehu Israelmiw Akimtheu no ishi piani: “Nongu no atsa hipau phimove no nedaqoda keu ngo pishikiqhi shou pükhü ani kehu,

ISAIAH 46:12

“Nongu kuthovi keqo, achipiu mikucho lono putosüu akeqo, I tsa inilo:

ISAIAH 5:2

Pa no ti hokide no atu kicheve, eno atsaibo akiviu pesü shosü; tipau mta lo pa no aqoghe lakhi shiqhe no atu chhuthape atsaizü tughuko mla; pa no ghile khelho akelaye akiqhi tsaithi shiaghive.

ISAIAH 59:13

ningu no Ampeu hebide eno Pa milive ke, eno Alhou launo tsüghüsü wuve, kütami qodani keu ngo kumghoni keu tsa piuve, eno akimki kükümsü ngo akimki tsa pini ke amlo lono xathave ke.

ISAIAH 59:14

Achipiu xakütha ye hapupovae, eno achipiu-mikucho ye putosüvae; kughengu kuchou ye alaghila lono küpxavae, eno amikucho ye tilehi iloghi mlavae.

ISAIAH 59:4

Khunomu atsa kükügha lo achipiu lono wu chemoe, khunomu yepemi lau amikucho lono wu chemoe, panongu ye adou tsa shou pükhüpe acheni eno akimki tsa pi cheni, panongu no mqümgha shi cheni eno tileno shikipimi iqiphe cheni.

ISAIAH 62:5

Apulhothe lakhi no ililhothe sasü külau ketoi, o punoqo no o sasü küla nani, eno külapuu no paw külaliu jupe alokivi shi ketoi, o Lhou no o shou alokivi shi nani.

JEREMIYA 12:10

Ambekhemi kutomo no I tsailu kütsavae; panongu no I lu qolevae; I no amloqi chekeu lu panongu no yenguyi qhive tsüae.

JEREMIYA 24:2

Ashoghi lakhi loye xo tüghüu mubuthi toi, ighono akivi, ashoghi akiniu loye ighono alhoksa mubuthi, alomo mithe kehu chukulupu shimoe.

JEREMIYA 50:46

Babylon ikiqi keu sütsa chilu kemtsa, ayeghi kümtsü itha nani eno pano küqa no shiye kümtsü no chilu nani.”

EZEKEL 22:29

Ayeghi hipau lo timiqo no kichiqhi süxachu eno pükake. Panongu no kumlhomi eno akukuphu avehupu shi akemi qodaqhi, eno achipiu shitsü mono kupokichemi kichi kümsa eno süxachu ke.

HOSIYA 10:1

Israel ye nibonilei keu tsaibo tipau ye axathi pithi acheni. Pa xathi no ikowo ke kümtsü pa no alau akiptia mla cheni; pa ghakhu no ikoishe kelo pa no pa tsükuchoqo shikumto cheni.

MICAH 6:12

Now kinimiqo ye ngukangugha no chhitoi ke; xüküamiqo no alatsa picheni, eno pano mili ye pishikiqhie.

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

HABAKUK 1:3

No ye kushiye I pelo kixikila ithulupe, eno Nou no inaqhoi pimi keu ju ani kea? Kütsakungo eno heqhi buqhi keu no I phivilo ani; Kumgho kütsala keu ipeghi anie.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

MATTHEW 23:23

“Nongu Ayezah shikükami ngo Phariseemi hasapue, keghilishi chekeqo! Nongu no pülakhü, napa eno thüvü yetsüni kutolo chighi saje tsücheni, ikemu Ayezah lo akhotoqo: kuchou xakütha, kimiyekini, eno pükhükulu kughuchove cheni. Kütau ghi kughucho mono nongu ye hipaqo pepimhe kepu shiake.

Luke 18:7

Imaye Alhou ye Paw kishekiphemi khunono putho pucho Pa lau ighamku cheni keno, tipaqo lau kuchou xakütha tsümoni keshea? Pa ye panoqo kuphuni ke süpushu nani keshea?

John 15:2

I loka khijehi axathi pithi moni keno Pa no micheve cheni eno axathi pithikeu loka kümtsü alau pithi penike Pa no kixiphe cheni.

ZAKINIU 15:9

Mthamini kixikila kükümsü nongu lolo iloghive no, ‘Ampe akütsüniu, apiashe qhikütsü mpe kupunuvae,’ ipi no amlo alomo qhiyi no thiküzümi akumlhou juno kiumu pa tsümove nosae. Pa no nongu küla ghi Ampeu lau ighamku kelo nongu ye akipimi shive nani.

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.