ISAIAH 5:30 - Sumi Naga CL (Re-edited) Bible (BSI)

³⁰ Tipani ghi panoqo no azüghi ghügha toi Israel lo igha ighi nani. Julo, aghakhu lo aküzü ngo aveküsa likhi ithulu nani, eno khüngküsü no aküvü küzüluve nani.

BAIBEL (BSI)

³⁰ Kughono tipa tsala ighini keno, panonguno azughi ghugha toi Israilmi shou igha ikughi nani. Ayeghi hipau shou jupukulo! zumoikeu eno pitipuzaqhikeu julo! Tipaulo phokughuikeu khungkusuno akuvu kuzupholuve nani.

ISAIAH 5:30 Iomraidhean Croise

YETSAPIU 12:2

ti ye khetsünhe ngo aqhi eno ayepuqo no züchiyive mphi lono eno khüngküsü no tsütsüghu shelo shi ighi mphi lono tishilo,

ISAIAH 13:10

Kughengu atsütsü lo ayepu-ayesü no pano küvü tsümove nani; khetsünhe ipe chephi lono züchiyive nani, eno aqhi no pa küvü tsümove nani.

ISAIAH 13:4

Aqokitikhi ghügha toi naghuto lo mbumghu ani! Shiye kükaqhaqo no kumqope iqhaighu akeu ghüghae! Aqokitikhi MPEU no aghükishi ghenguno ghüshimi hekütsü ani.

ISAIAH 17:12

Aha, ashiayeqo kumqhu; azüghi ghügha toi iqhaighu ani! Aha, shiyeqo ghügha kuloghi; azüghizü fukukucho toi igha ani!

ISAIAH 30:6

Negeb lo tüghashi akeqo shou pimhelu keu tsape. Judah lashikami no akümsapu-a, khile abongshuu, athicho pighi, eno yewukiche pighi ani keno ti kathasü khurha ngo sayeshi mqa lono aküakini xapu pano kuphu mlani kemi shiaye tsücheni.

ISAIAH 59:9

Tighenguno achipiu xakütha ye ni launo putosüvae, eno achipiu-mikucho ye ni heche mlavae; ningu no aküvü lajuke ikemu aküzü ighi; vüqalei keu laju ke ikemu khümüi keu no küzüluve.

ISAIAH 8:22

no ayeghi lo juqhi nani kemu aveküsa ngo aküzü, eno ime kelauno khümüi keu likhive nani; eno panongu ye aküzü kutho lo vesüve nani.

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

JEREMIYA 30:5

“Ampeu no ishi piani: Ningu no shithüghüi keu ghügha chilue, akümsapu kethono aloino keu kumoe.

JEREMIYA 50:42

Panongu no shexilika ngo apiji pecheni; panongu ye ayiküsa eno kimiyekini kühae. Pano ghügha ye azüghi toi igha, panongu ye khurshi sacheni, aghüshi kikithi lono kutope o lau cheae, O Babylon limi!

JEREMIYA 6:23

Panongu no shexilika eno angu kuto ani; panongu ye ayiküsa eno kimiyekini kühae; pano sütsa ye azüghi ghügha toi; O Zion limi, panongu no aghü shiniye kujojo ngoluve keshi khurshi sasü o leniye cheae!”

AKUMLO 3:2

Pa no I hasü aküvü küha mithe keu küzü-a lo saighi;

EZEKEL 26:3

Ampeu Alhou no ishi piani: Julo, O Tyre, I no o mjochile ani, azüghi no azü fukucho süghi ketoi, I no shiye kutomo o shou süghi nani.

JOYIL 2:10

Panoqo zülo ayeghi no ithae; atsütsü no khokhoshie. Khetsünhe ngo aqhi no zümoive, eno ayepuqo no aküvü tsümove.

AMUS 5:18

Khunono Ampeu tsala laju cheni keno ahasapue! Kushiye ti kheni kea? Ti ye aküzü thono aküvü kumoe,

AMUS 8:9

“Tipa tsalani,” Ampeu Alhou no asheshu pi, “I no khetsünhe pelo puchou no ilovepe nani eno puchomghü lono ayeghi pesü aküzü shivetsü nani.

MATTHEW 24:29

“Tipa tsala lo aghime kitikhi tave kemtsa khetsünhe no zümoive nani, aqhi no aküvü tsümove nani, ayepuqo no atsütsü lono ikiqive nani, eno atsütsü lo küka jeliqo sükiniqhi nani.

Piyeküsü 6:12

Kughou Ambeti no michida akütsüghou xükho keno, ayeghi küghütha kije ighikeu I no ithulu, khetsünhe no kumshophi tsübui keu toi zümoive, aqhi huno aji toi huchuyive,