ISAIAH 5:17 - Sumi Naga CL (Re-edited) Bible (BSI)

¹⁷ Tishino ambeqo no pano tsüni kümza-a lono chu nani, eno kupokichemi no kinimi kipighi-a lono chu nani.

BAIBEL (BSI)

¹⁷ Aphughiqo ixapinyi akeulo bheritiqono achu muza nani eno anetsu lhotheno achukumzapu ithulu nani.

ISAIAH 5:17 Iomraidhean Croise

NEHEMIA 9:37

Eno ni xine ghenguno ayeghi lono kupukuno shi ipeghi keqo ye Nono ni shou qhi püatsü kemi kükami lau wuve anie. Panongu no ni phimpi eno niw lhoxü shou pano pulou lono ka auvae eno ningu ye shishe aghime kutho lo anie.

LESHELE 119:70

pano mlo ye vethakulu kühae ikemu ni ye O yezah lo I züvülu cheni.

LESHELE 17:10

Panongu ye kikimiye lono pano mlo khathavae; pano kichi lono panongu no aqheküza shi picheni.

LESHELE 17:14

O Ampeu, O u pesü timi hipaqo launo I xalu tsülo, ayeghi lo timi saje ye aküxü hipau lo anie. Nono küakini pesü pano tita shepichhi tsüe; panongu ye atianuli jupe aghapiqi luvae, eno pano küakini pesü pano tianuli ghenguno qhivae.

LESHELE 73:7

Atha kupu no pano nhethi ye shengulei ipeghi; panoqo mlo ye mbomzü no qole-qole acheni.

ISAIAH 1:7

No ghakhu ye yenguyelei ani; no phughiqo ye ami no piti ani; inaghami no nongu küa lono no yeghi kütsave tsüae; tüsümi no leluve no pighive keshivae.

ISAIAH 10:16

Ikehu aqokitikhi MPEU Alhou no paw ghüshimi chhikhoi keqo lau aphikiqi küsü puwu tsüno pa küakini qhoi ami no pitive nani.

ISAIAH 17:2

Aroer phughiqo ye pighive no achu kümza-a shive nani eno khunomu tipaqo hapupo monani.

ISAIAH 32:14

Kughengu kükaki ye yenguyive no mishighüna ye pighivae; akiqhe-a ngo qogheki ye alholo tüghashi ki ilhouve nani, khurha lokivipu eno pichepighi sala achu kümza-a shive nani.

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

ISAIAH 65:10

Sharon ye lhoxü lojiqo ghenguno achu kümza-a shinani, eno Achor khila ye lhoxü lojiqo no ihozü chekeu qha shive nani; I no hitoi shi I phuighi kemi ghenguno shitsü nani.

ISAIAH 7:25

Eno atoghi khipaqo hokidepe chiche keno, asahuli msake ghenguno kumono ti ye atsüaqu sala achu kümza-a shive nani kehu nongu ye tilau wumove nani.

JEREMIYA 5:28

panongu ye chhikhoi eno atha pubeivae. Panongu kümla lhoksa ye ashekha küha; pano ye mighimi chipiu süsho tsünike achipi lono xathatsü chemo, aveküsami chipiu süsho tsümoe.

AKUMLO 5:2

Ni mheghi ye khalaumi tsüvae, ni kiqo no inaghami tsüvae.

HOSIYA 4:16

Israel ye amishi lhothe no kuthovi akeshi ke Ampeu ye atsüni kümtsha-a lo ambe tucho keshi panoqo tucho luni keshea?

HOSIYA 8:7

Panongu no amülhü yisü, ikemu miyitsü xolu nani. Aghibo puthughope akeqo ye aghipe movae; tipaqo ye athi pithimo nani; tsala tipaqo no pithi namu inaghami no chuvetsü nani.

MICAH 2:12

I no mtsüqheino nongu kümtsü hekütsü nani, O Jacob; I no Israelmi ghükulumi hekütsü nani; Aqokitikhi mbumghu keu no achu kümza-a lo ambeloji toi, ambeqo sasü aki lo hekütsü ketoi I no panoqo hekütsü nani.

ZEFANIA 2:14

Pichepighi eno tüghashi kümtsü no aphughi mta lo iqi ihozü nani; aqhaqho eno achequ thotsü liw qhemghaike chebo lo ngo nani; alashe lono igha nani; kütsakungo keu no ahukikha lo ngove nani; kughengu cedar sü no mlakeu ye muhumaive nani.

ZEFANIA 2:6

Eno no, azüghimkü ye atsü-aqu ngo ambekhemi ghenguno achu kümza luza shive nani.

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

ZAKINIU 28:33

Nongu no akaveshi tüxatini mlaphe keu kümtsü nongu no ithimo keu shiye no luvetsü nani, eno nongu qodaqhi kijipüsa nani,

ZAKINIU 32:15

“Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.