ISAIAH 5:14 - Sumi Naga CL (Re-edited) Bible (BSI)

¹⁴ Hi ghenguno Kithigha no pa müzü-tüghü alau shiuve no pa kichi mkukithe ani, Jerusalem lo mbumghu alovi chekemi kijemi ngo aqokitikhi kümtsü tile ilove nani.

BAIBEL (BSI)

¹⁴ Kithimi yeghino muzuthi puzu panoqo khe ani eno tiye pa baxa kije sukhope ani. Tipauno Jerusalem lo kijemi ngo aqokitikhi asutsa igha akemi kutamiqo munoqhiluve nani.

ISAIAH 5:14 Iomraidhean Croise

LESHELE 49:14

Ambe toi pano ye Kithigha lo wuveni pütsae; akithi no pano kheu shive nani, eno inaqhe amikuchou no panoqo shou ayepe nani. Pano phimpi ye aki kühano akumoki lono tsümave nani.

LESHELE 55:15

Akithi no pano küghaluve pelo; aküxü no Kithigha lo iqive pelo; kughengu alhoksa no panoqo kungo-a eno pano lolo anie.

AHOLE 1:12

Kithigha toi ningu aküxü no panoqo munoveni, eno aqolo ikiqi ilove kemi toi akupuju no munoveni;

AHOLE 27:20

Kithigha ngo Kithimi yeghi ye khilemu aghapiqilu chemo, timi nhethi no mine chekeu ghi aghapiqilu chemoe.

AHOLE 30:16

Kithigha, atianuli iqomo keu tita, pütsü cheyi mlakeu yeghi, eno “Lukümkhae” ipimo keu miküqü.

ISAIAH 14:11

Akighilebo no o shipili, o kijivile chekeu ye Kithigha lo saiqighivae; ashikuchu pithe no o züa küqhaphi, eno apithe no uküzüphi shiniae.

ISAIAH 14:9

Kithigha ye nono ighi kelo o sasü kusho niye itho thuvae; ayeghi lo sakiphemiqo ghawu eno shiyeqow kükami ghawu kümtsü pano kükalakhü lono ithu o sasülu penike küdaputhu anie.

ISAIAH 21:4

I mlo hauvae; I shithüghüivae; I no kijiliu khelho akeu loye tiuno khokhoshi kepu süghivae.

ISAIAH 24:8

Qüqüpu ghügha ye qümüivae, alokivishi iqhaighu keu kühavae, akighi lebo lejo ghi iqünheivae.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

EZEKEL 7:12

Ado ye ighivae; atsala ye tovae. Qhülu akemi no alovi kevilo momu jelu akemi no mloqa kevilo, kughengu aloghu ye kümtsü shou ikughivae.

DANIEL 5:30

Tipa ji putho lono Chaldeami kükau Belshazzar ye pithive.

NAHUM 1:10

Kughengu panongu ye asahu küptshüpe ake toi, shokümzümi no shopusü ake toi; aghijini qhaive keu pitive ketoi nani.

HABAKUK 2:5

“Tinguno alau, aji ye thekuchuue, akuchhomami lakhi ye khilemu akulhoqhilu chemoe. Pa lakimne ye Kithigha toi thonhei; akithi toi pa ye khilemu aghaqive chemoe. Pa no shiye kümtsü pa lau hekütsü eno ashiaye kümtsü paw toi hekütsü cheni.”

MATTHEW 7:13

“Kibikhoi keu khagho lono ilolo. Kughengu ililai keu khagho eno mlalei keu la ye kütsakungo keu lo sawuve cheni, eno kutomo no tipa laghi lono ilo cheni.

Luke 17:27

Noah no ashukaki lo iloke tsala kutolo timiqo ye alovi chusho, anipu lusaghi, eno akimi gholo külawo ishi ake lono züqo ighive no kümtsü püghave.

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.