ISAIAH 5:13 - Sumi Naga CL (Re-edited) Bible (BSI)

¹³ Ikehu Iw timiqo no vethakulu kühave kehu panongu ye akughu lo wucheae; pano gholo ajuaje küami no akhüava shi ani, eno aqokitikhi no atüghü no qhai ani.

BAIBEL (BSI)

¹³ ikehu nonguye akughumi shi xapusu wuve nani. Now sakiphemi ye akhuava no thi nani eno kutamino tughuthi keu lono thi nani.

ISAIAH 5:13 Iomraidhean Croise

KUKAMI AKINIU 17:6

Hoshea yepe mpe atokuu lo, Assyria kükau no Samaria leluve eno Israelmi küghape Assyria lo sawo Halah lo ngovepe, khami no sawo Gozan ghoki phivilo Habor lo qhive, eno khami no Medes lo mishighünaqo lo ngovepe.

AHOLE 10:21

Amikuchomi tsapi no timi kutomo lojilu cheni, ikemu mbomzümi ye kümsükulu küha kehu thive cheni.

ISAIAH 1:3

Amshitsü eno khurha ghi pano pighiu ithi cheni, ikemu Israelmiu no ithi chemoe, Iw timiqo ye vethalu chemoe.”

ISAIAH 1:7

No ghakhu ye yenguyelei ani; no phughiqo ye ami no piti ani; inaghami no nongu küa lono no yeghi kütsave tsüae; tüsümi no leluve no pighive keshivae.

ISAIAH 23:9

Aqokitikhi MPEU no aqheküza ajekipi ikhivetsü, eno agigihu küami shikujo niye kughuke.

ISAIAH 27:11

Alokaqo no thive no icheve kelo totimiqo no ti ghepe ami shiani. Timi hipaqo ye kimchikulupu küha kehu panongu lhokeu ye panoqo kimiyeqhiyi monani; Pa ye panoqo saphuni chemoe.

ISAIAH 3:1

Kughengu julo, aqokitikhi Mpeu no Jerusalem ngo Judah lono timi no pükhüpe ache keu asho eno azü qhoi pewu cheae,

ISAIAH 3:3

ghüshimi kepten ngo kijemi, mijekütsümi ngo küdüu shitsami, eno timi shou chini chekemi qhoi sawu cheae.

ISAIAH 44:19

Khunomu kümsüju chemo momu tsaqüi ishi kümsükutoju chemoe, “I no asü tüxa süghü no asho eno ashi ghuchu; Imaye ni ye tipau sü tüxa pesü ajulho shisü no mllani keshea? Ni ye ti asülu zülo pishiqho no mllani keshea?”

ISAIAH 49:21

Tileno nongu mlo lono pinani: ‘Khuu no ni ghenguno atianuli hijehi lhotsü kea? Ni ye amlo kighishi lo ache eno anuhami shiche, ni ye haphe sawuve kemi; ikemu khuu no hipaqo süghi kea? Julo, ni ye I likhi ake khilano hipaqo ighi kea?’”

ISAIAH 65:13

Tighenguno Ampeu Alhou no ishi piani: “Julo, I qemiqo no chu nani, ikemu nongu ye müzüthi nani; Julo, I qemiqo no sho nani, ikemu nongu ye tüghüthi nani; Julo, I qemiqo no alovi nani, ikemu nongu ye kujomza kepu shinani;

JEREMIYA 14:18

I no aluza lo wu aye julo, ghiqhive kemi ithulue! I no aphughi lo ilo aye akhüava no ghave kemi ithulue! Kughengu tungkupmi ngo achinemi no pano no mthakeu yeghi lo kilhisho shike.’”

JEREMIYA 14:3

Liw ghenimi no aqemi hape azü phuwu; panongu no azü tughuko lo ighi; ikemu azü phumlae; pano zübohu kümsa pechile ighi; panongu ye akukujo no akümza qhiyive eno pano kütsü nhaluve.

JEREMIYA 8:7

Azüghau ghi aghuloki ithi ani, aqhewo, akhalu, eno azüghau ghi ideighini keu do ithi cheni, ikemu Iw timiqo ye Ampeu yezah mthae.

AKUMLO 4:9

Ghüyi lono wove kemiu no aluza lo axathi küküha vecheo akhüava no chuxuqhi thive kemi nguno angukiviue.

EZEKEL 7:12

Ado ye ighivae; atsala ye tovae. Qhülu akemi no alovi kevilo momu jelu akemi no mloqa kevilo, kughengu aloghu ye kümtsü shou ikughivae.

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

AMUS 8:13

“Tipa tsalani ilimi jukivi eno apumiqo no tüghüthi kelauno iluqive nani.

Luke 19:44

Panongu no no eno o gholo atianuli kümtsü kütsave tsü nani, eno nono o xukuju ghuloki ithi move kehu o phughi lo atu lakhino lakhi shou küqape qhitsümo nani.”

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

2 Peter 3:5

Panongu ye püthapütsano kuchou vehu hipau juzüve cheni, ti ye khaghi no atsütsü ye acheghi, eno Alhou tsa vecheo ayeghi ye azü lono eno azü vecheo lhophe,