ISAIAH 5:12 - Sumi Naga CL (Re-edited) Bible (BSI)

¹² Panoqo no tiqhetini lo aheo ngo küghaküsü lebo, amqü ngo fulili eno atsaiji peitha cheni, ikemu Ampeu kümla ye kihi chemo, momu Pa u lo kümla ithulu chemoe.

BAIBEL (BSI)

¹² Nonguno shichu shisho kelo akighi lebo ngo turtur lebo ngo fulili eno atsayiji peitha cheni. Ikemu AMPEU ye kiu shiani kela nonguye vethalu chemoe,

ISAIAH 5:12 Iomraidhean Croise

BOTHUBO 31:27

No ye kushiye küsüuno pove no I pishiqhive kea? Ni ye amqübo ngo aheo pesü kunuvüqai ale phesü o puwuni chekeghi kushiye I vilo pimo kea?

SAMUEL AKINIU 19:35

Ishi tsala lono ni ye ampe lhotache shi ani. Ni ye kiu no alokiqipu eno kiu no kumo keno kimchi luni keshea? O qeu ye kiu chuni momu kiu shoni keno micheluni keshea? Ni ye itaghi kiptimi eno totimi alephemi sütsa chikulupu keshea? Tishiaye o qeu ye kushiye I mpeu akükau lau amakho alau veqabe tsüni kea?

JOB 34:27

kughengu panongu no Pa papemo no tsüghüve eno Pa laghi phi-gihu tsümo ke,

LESHELE 28:5

Kughengu panongu no Ampeu kümla momu Pa u no mlakeu gihu chemoe, Pa no panoqo xaleqhive nani eno shiqhe kithemo nani.

ISAIAH 22:13

Ikeghi julo, nongu no alokivi eno ahukülü shi amishi ngo ambe heqhichu eno atsaiji shove no pi, “Ningu chushoni nolo, kughengu thoghiu ningu ye thiveni ake.”

ISAIAH 24:8

Qüqüpu ghügha ye qümüivae, alokivishi iqhaighu keu kühavae, akighi lebo lejo ghi iqünheivae.

ISAIAH 29:1

Ariel, Ariel, khikhi David no khasü keno aphughi huye ahae! Ampe atsütsü tiqhetini jeli pini alo.

ISAIAH 5:19

khunono “Nino Ampeu kümla chhejuni ke Pa pelo mtazü mlaju pelo; nino ithini ke Israelmiw Akimtheu kimji süghiju lo!” ipi cheni keno ahasapue.

ISAIAH 56:12

Panongu no pi, “I no atsaiji peighini, ningu aji kümka shoni nolo, eno thoghiu ye ishi tsala nguno kimghi mla kepushi alo nani.”

EZEKEL 26:13

I no o lekungo kishekhave tsü nani, eno o kighilebo ghügha ye chilu kithe move nani.

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

Luke 16:19

“Kinimi lakhi acheke pa ye hughai eno phepheike phimini pepu, eno tsalakipe achuqupu kivi tule-pele chusho che.

1 Kor. 14:7

Aküxü küküha thime fulili ngo akighilebo toikeqo ghi mtsümishei küighamo aye, kiu küigha ani keno kütami ye kishino michi luni kea?

Jude 1:12

Hipaqo no ighümo no nongu gholo kuposhu kelo nonguw kikimiye ghulhu tichetighepu shivetsü ani, ambekhemi no panongu ampi loji aketoi; tsütsüghu küha keu khüngküsü amülhü no fupe chekeshi; tixi lo axathi pithimo keu sübo, akuhu lono nhüve no thi kitheve ketoi;

SAMUEL ATUGHIU 12:24

Ampeu sümsake likhi shilo eno nongu mlo kuchopu no pükhü kulupu shi Pa qelo. Kughengu Pa no thime kije kiu nongu ghenguno mlatsü keno kümsüju lo.