ISAIAH 5:11 - Sumi Naga CL (Re-edited) Bible (BSI)

¹¹ Khunono aji kümka shoniye inaqhe itheno ithu, eno kijiliu aji no lüghüi pitipüza moke kutolo shocheni keno, pano hasapue!

BAIBEL (BSI)

¹¹ Nonguye ahakusapuke! Nonguno shoni ye inaqhe itheno ithucheni eno kijiliu shomzukeu lono ado kushuwa puwove cheni.

ISAIAH 5:11 Iomraidhean Croise

SAMUEL AKINIU 19:35

Ishi tsala lono ni ye ampe lhotache shi ani. Ni ye kiu no alokiqipu eno kiu no kumo keno kimchi luni keshea? O qeu ye kiu chuni momu kiu shoni keno micheluni keshea? Ni ye itaghi kiptimi eno totimi alephemi sütsa chikulupu keshea? Tishiaye o qeu ye kushiye I mpeu akükau lau amakho alau veqabe tsüni kea?

AHOLE 20:1

Aji ye akiphikumo, aküpütsü ji ye mtomshu chekeu, aji no saküghüzüve kemi ye alokütsümi kumoe.

AHOLE 23:32

Ashekha lo tino tüghükupu pighi toi mighiqhi nani.

ISAIAH 22:13

Ikeghi julo, nongu no alokivi eno ahukülü shi amishi ngo ambe heqhichu eno atsaiji shove no pi, “Ningu chushoni nolo, kughengu thoghiu ningu ye thiveni ake.”

ISAIAH 24:9

Ale phe ghi atsaizü shomovae; aji kümka no khumtsai ilhouvae.

ISAIAH 28:1

Aha, Ephraim küka kütsükuqho xapusü shomzü chekemi, aghüma khila lo aji no theqhive kemi kütsü lo jukighilepu xamunu achekeu ye ighüivae!

ISAIAH 28:3

Ephraim küka kütsükuqho xapusü shomzü chekemi ye ikhipe ayeghi lono nedaqhi nani;

ISAIAH 5:22

Khunono aji kusho eno aji kümka kikite lo shitsami kepi cheni keno ahasapue,

ISAIAH 56:12

Panongu no pi, “I no atsaiji peighini, ningu aji kümka shoni nolo, eno thoghiu ye ishi tsala nguno kimghi mla kepushi alo nani.”

HABAKUK 2:15

“Khuu no pa kisüghümi aji piye cheni keno ahaküsapue— pano phikümsa lo jupukuni ye nono o loghu leqhi tsüno panongu pelo shomzü peke!

HABAKUK 2:5

“Tinguno alau, aji ye thekuchuue, akuchhomami lakhi ye khilemu akulhoqhilu chemoe. Pa lakimne ye Kithigha toi thonhei; akithi toi pa ye khilemu aghaqive chemoe. Pa no shiye kümtsü pa lau hekütsü eno ashiaye kümtsü paw toi hekütsü cheni.”

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

Rommi 13:13

Ningu aküvü lo kichemi toi tsaqütsalei checheni thono ashi ghapiqi ghi shomzü moni, shupu-salha eno ghaghu-ghale shimoni, momu mtomshu eno anheshu moni nolo.

1 Kor. 6:10

küpkami na, alakimnemi na, shokümzümi na, thoküghami na, pükaqhi kemi namu, khumu Alhou yekipe ighimla nani.

Galatiami 5:21

aghichikupo, shokümzü, kuthole chusho keu, eno hitoi keu lhoayeqo. I no azüu no nongu ghutuve ketoi itaghi ghutu ani, khunono hipaqo shicheni keno Alhou yekipe ighimla nani.

SAMUEL ATUGHIU 25:36

Abigail no Nabal lau ighi kelo, pa ye aki lo akükau lakhi ghulhu toi sasü aghi. Eno pa ye ighono shomzüve kehu amlo lo aloviqhiyi ae. Ikehu thanau tsütho moke kutolo li ye kiumu pa vilo pimove.