ISAIAH 49:8 - Sumi Naga CL (Re-edited) Bible (BSI)

⁸ Ampeu no ishi piani: “I no ado achipi lono nongu khochile tsüke; xakulupu tsalani I no nongu kuphuke; I no nongu khe eno süsho nani, nongu vecheo timi kümtsü sasü puloshoqhi shinani; eno pighive keu yeghi pesü amheghi shi tsüchile nani.

BAIBEL (BSI)

⁸ AMPEU no pawu timiqo vilo pike, “Kughono nongu xalukepu ghuloki ighini keno, ino nongu kupuqhiyi keu piye nani eno nonguno kuphulepi ighakeu khochile tsu nani. Ino nongu kheni eno nongu sushoni eno nongu vechewo timi kumtsu sasu puloshoqhi lakhi shi nani. Itehi noyeghi peveno adoushi akeulo itaghi nongu pelo ngolupe nani.

ISAIAH 49:8 Iomraidhean Croise

SAMUEL AKINIU 7:13

Pa no I je lono aki shiqhe nani, eno I no alhokupuju pa kükalakhü iqhikumto tsü nani.

LESHELE 2:8

I vilo khulo, eno I no shiyeqo pesü o mheghi shitsüni, ayeghi shekichi pesü o mheghi shitsüni.

LESHELE 69:13

Ikemu ni ye O lau I kighini peighi ani, O Ampeu. O Alhou, ikhikulupu dokivi lono Ow iqemokeu kikimiye eno thebei xakulupu akeu lono I khochile tsülo.

LESHELE 75:3

Ayeghi eno tile küxümi kümtsü sükuchoqhi kelo, tipa tsükuchoqo mtotoi ngolupe keu ye I no ke.

ISAIAH 26:3

O shou pükhübelu kehu amlo itha mono O gholo ache kemi ye Nono kupukülai keu lokiqi tsücheni.

ISAIAH 27:3

Ni, Ampeu no tipau Kheue; ado kümtsü lo I no azü süacheni. Khuana no kütsavetsü nosa kehu putho pucho I no khekuto acheni;

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

ISAIAH 42:6

“Ni ye Ampeu; I no achipiu mikucho lono o kuluvae, I no o u sünhepe no o sasü chenani; I no o pesü puloshoqhi shi ghi timiqo lau tsü nani, shiyeqo ghenguno aküvü shitsü nani,

ISAIAH 44:26

I qemi no asheazü tsa pikeu I no iqhikumto tsü cheni, eno I tsapemi mijekütsü shikupu tsü cheni, I no Jerusalem vehu ishi pi, ‘Tile timiqo küghünauve nani,’ Judah lo mishighünaqo vehu ishi pi, ‘Tipaqo ye shiqheve nani, I no ixapinyi akeqo shiqhe nani’;

ISAIAH 49:19

“Mtsüqheino no ye ixapinyi eno küghüvae eno o ghakhu ye kütsalevae. Ikemu itehi tile küghünani kemi ye ngozüla nani, eno nongu kütsakungo keqo ye putosüu wuve nani.

ISAIAH 51:16

I no atsütsü xakhope qhi, eno ayeghi boqha qhake, o kichi lo I tsa sütsü eno I u pesü o khonha eno Zion vilo pi, ‘Nongu ye Iw timiqo ke.’”

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ISAIAH 54:3

Kughengu no ye o u piyiu eno ajeu küdau ikowove nani; eno o polokiqi no shiyeqo qhasüve nani eno mishighüna kümsa akeqo shepichhive nani.

ISAIAH 55:6

“Ampeu phulu kepushi ake lono, Pa phulu lo; Pa no kupunupe ake lono, Pa kuluve lo.

ISAIAH 57:13

Kughou nongu no ighamkuni keno, nongu no ajulho kütsüpe püakeqo pelo nongu xaphetsü pelo! Amülhü no tipaqo fupesü wuve nani, atuthu no tipaqo fupesü wuve nani. Ikemu khunono I pükhü cheni keno ayeghi lo xülu nani eno I kimthe naghuto ighilu nani.

ISAIAH 58:12

Mulho lono now kütsapinyive keu phughiqo ye shiqhe kithe nani; eno wovekeu tiqheli boqha ye itaghi shiqhe kitheve nani; nongu ye aliwo shikithe kemi, alaghila shikithe kemi kepi ku nani.

ISAIAH 58:5

Timi lakhi no kümvü keu lono aqhokigheu shilu aye, Ni ye titoi kümvü keu ikhilutsü cheni ke kumo keshea? Ikemu nonguw kümvü keu ye ayeghübo no ihoiqi keshi, momu yeqhiyephi ngo ayevu shou ihozü keu no keshea? Nongu ye hitoi keu pesü kümvü keu momu Ampeu no ikhilutsü keu tsala kepi kümsü ani keshea?

ISAIAH 61:2

Ampeu pulou mpe eno Ni Lhou no amkhü lutsü keu tsala sheshu peniye, qamlo akemi lopiqitsü peniye ke.

ISAIAH 61:4

Panongu no khaghi lono ixapinyive keu shiqhekithe nani; wovekeu ghuloki lono kütsakungove keu shiqhekithe nani; panongu no khaghilo mishighüna ixapinyive keqo shiqhekithe nani; Tipaqo ye tiqheli kutomo züuno kütsakungove keqo ke.

ISAIAH 65:9

I no Jacob kughukomi saghi nani, eno Judah lagha lo naghutoqo lo ampemiqo saighi nani, I no kishelu keqo no ti qhasü luve nani, eno I qemiqo no tile küghüna nani.

MATTHEW 26:28

kughengu hi ye timi kutomo xine qhitsü nike peleve keu Iw puloshoqhi ji ke.

2 Kor. 6:2

Kughengu Pa no pi ani, “Ikhikulupu ghuloki lono I no nongu sütsa initsü, eno xakulupu tsala lono I no nongu kuphue.” Julo, itehi no ikhikulupu doke; itehi no xakulupu tsalae.

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

IBRIMI 8:6

Ikemu Khristo no lacheu shino puloshoqhi shikeu no akiviu keke pa kümlau no aqau kümlapu nguno shishe akighicheu shive, kughengu ti ye thime kivi piqhi keu shouno shike.