ISAIAH 49:5 - Sumi Naga CL (Re-edited) Bible (BSI)

⁵ Itehi Ampeu khuu no I no atita lo akelono Pa qeu shipeniye I lhoe, I pelo Pa lau Jacob saghipe, eno Israel pelo Pa lau hekütsü peniye shi keno— ni ye Ampeu nhethe lo agigihupu shi ani eno I Lhou no I kumto shive akehu— Pa no piani,

BAIBEL (BSI)

⁵ Ipunu mphi lono AMPEU no isukusu shipe qhiveke; pano pa qeu pelo pawu timiqo sachilesaghi penikeu shi mlatsuke, Israil lo apanaghave keu timiqo sachile saghipe niyeke. AMPEU no agigihupu itsuke; paye ikumto ighichekeu pukike.

ISAIAH 49:5 Iomraidhean Croise

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

ISAIAH 11:12

Pa no amchipu süqhepe shiyeqo kütüghü nani eno Israel ngo Judah lono haküghütsüve kemi ayeghi kobidi lono hekütsü saghi nani.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 25:1

O Ampeu, No ye I Lhou; I no O süqhe eno O je sheni, kughengu Nono akümzapu kümla püzüu no kughuchho püakeu mtsüqhei eno pükhükulu shi mlatsüe.

ISAIAH 27:12

Tipa tsala lo Ampeu no Euphrates ghoki lono Egypt ghokiti kutolo athi qhisü no amuu fule nani, eno lakhikhi no nongu Israelmi hekütsü kumqo nani.

ISAIAH 43:4

Kughengu no ye I nhethe lo akughupu; gihu küzüpu, I no o kimiye cheni eno o theli lo timiqo pheve cheni, o küxü ghenguno ashiaye kütami pesü atheli shi cheni.

ISAIAH 44:2

O lhokeu Ampeu, khuu no atita lono o lho eno o kuphu nani keno Pa no ishi piani: O I qeu Jacob, msa kevilo, I no kisheluve keu Jeshurun.

ISAIAH 49:1

O azüghimkü yeghi, I tsa inilo, nongu putoumiqo, I tsa inilo. Ampeu no aza tita lono I kulue, I za po lono Pa no I je kutsüe.

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

ISAIAH 52:13

Julo, I qeu ye alokütsü lono mlaitha nani; pa ye akiqheu lono pa süqhe nani, eno pa sheqhe nani.

ISAIAH 56:8

Ampeu Alhou Khuu no Israelmi hapiyepighive keu hekütsü keno, Pa no pi ani, “Ti hekütsüpe qhive keqo nguno alau, itaghi I no kütami ghi panongu gholo hekütsü nani.”

JEREMIYA 1:5

“Atita lo azü ghomphi züuno Ni ye no ithi ae, o punu mphi züuno I no o kishekimtheve; I no o pesü shiyeqo lau tungkupu lakhi shi süsüe.”

ZEKHARIA 6:13

Ampeu chineki shiqheni keu, ayekipe gigihu xapu eno kükalakhü lo iqa no ayepeni keu ye pa ke. Pa kükalakhü lo achinemi lakhi anani, eno külakishi no pama dolo anani.”’

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

MATTHEW 15:24

Pa no khochile, “Israel lagha lo püha püakeu mbeqo lau likhi I puwu püanie.”

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 23:37

“O Jerusalem, Jerusalem, tungkupmi pithive tsü chekeu eno aghinimi khunoqo puwuni keno atu pesü veqhive tsü chekeu phughi! Awu aza no achishibo qholo atiqo hekütsü no vape ketoi ni ghi ghuthu khijeta o tianuli hekütsü kumqoni shi chekela, ikemu nono pulomoe!

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

Luke 19:42

ghi pi, “Noghi lae, kiu no külashilu cheni keno ishi nomu nou no ithike aye lae! Ikemu itehi ye o launo küsüvae.

John 3:35

Apu no Anu kimiye eno thokha kümtsü pesü pa u lo süvetsü.

Apostolmi 10:36

Atsa khikhi Pa no Israelmi lau puwu keno, ti ye Jisü Khristo vecheo aloino keu tsakiviu pesü sheshu keu nongu no ithi ani (Pa ye kümtsü Mpeu ke).

Rommi 15:8

I no nongu vilo piani ke Khristo ye Alhou mikucho piyeni ye Jewmi qeu shive, tishianguno püzüu apuasüqo lau pikiqhitsa tsükeu ye xüaphi kepi iqhikumto tsüniye ke,

Galatiami 1:15

Ikemu I punu mphi lono khuu no ni kishe kütüta shino paw küpükini lono I kulu keno,

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.