ISAIAH 49:23 - Sumi Naga CL (Re-edited) Bible (BSI)

²³ Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

BAIBEL (BSI)

²³ Kukamiqoye olau apuh lakhi toive nani; kukaliuye olau aza lakhi toi shive nani. Panonguno ogizulo itsaqino pishi qhope agigihu otsu nani; panonguno aqhokigheu shiveno osumsakeu piye nani. Tileno nonguno niye AMPEU kepi ithi nani; ikukuphu lunishiye khea chekemi milakhimu amlo shipusa vetsumo nani.”

ISAIAH 49:23 Iomraidhean Croise

BOTHUBO 27:29

Ashiayeqo no o qe peni eno shiyeqo no o zülo itsaqi peni. O thiküzümi shou ampeu shilulo, eno o za nuliqo pelo o zülo pishiqho peni. Khukhumu o müsüini keu ye müsüinive peniu, khukhumu o kümgha tsükeu ye müghalu peniu!”

BOTHUBO 43:26

Kughou Joseph no aki lo ighi keno, panongu no pa lau agho peighi akeu süghi no pa zülo ayeghi lo pishiqhoe.

LESHELE 138:4

O Ampeu, ayeghi lo kükami kümtsü no O shikimthi nani, kughengu panongu no O kichi lono pikeu tsa chiluvae,

LESHELE 25:3

Mtsüqheino O ngokhe chekemi ye akukujo lo ilove monani; Akiqi kühano pishiqhi kemi ye akukujo lo ilove nani.

LESHELE 34:22

Ampeu no Pa qemi küxü qhüchile luve nani; Pa lau sükusho luche kemi khumu kileve monani.

LESHELE 68:31

Egypt lono aküxü kivimi ighi nani; Cush no akimighi shi Alhou lau li u süqhe nani.

LESHELE 69:6

I vecheo O pükhü chekemi pelo kujovepe kevilo, O Ampeu, aqokitikhi Lhou; I vecheo O phuche kemi pelo ajuaje küsa shivepe kevilo, O Israel Lhou.

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

ISAIAH 14:1

Ampeu no Jacob lagha kimiyeve no itaghi Israel kisheluve nani, eno pano yeghi lo sawo qhive nani, inaghami no Jacob laghami gholo xüküqhauve nani.

ISAIAH 14:2

Ashiayeqo no Israelmi sasü pano yeghi lo ighi nani, eno Ampeu yeghi lo Israel laghami no ashiayeqo aqüaxemi shi saluve nani. Inahuu khunono pano qhasü eno nedaqoda püa keno, itehi ye pano no tipaqo shou ayepe nani.

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

ISAIAH 29:22

Tighenguno Khuu Abraham xachilelu keno, Ampeu huno Jacob lagha ghenguno ishi piani: “Jacob lagha ye kujomza moae, pano gi ye phalai kithemae.

ISAIAH 41:20

tishikeu lono timiqo no ithulu no ithi peni, tsaqüi kümsükutoju no vethalu peni, tishikeu lono Ampeu u no hi shikepi ithi peni, eno Israel Lhou akimtheu no hipau lhophe kepi ithi penie.

ISAIAH 43:10

“Nongu ye Iw thopimi,” ipi Ampeu no sheshu ani, “eno I qemi I no kisheluve keqo, tishikeu lono nongu no Ni ithi eno I pülülu, eno Ni ye Ampeu kepi ithi peniye ke. I nguno kütau lhou kiumu kühae; momu I thiu mu küha nani.

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

ISAIAH 49:7

Ampeu, Israel Lhou Akimtheu eno Xachilekuluu no shishe küthakügha shive keu, shiyeqo no mithi chekeu yepemi qemi vilo ishi piani: “Kükami ngo kükapumi no ithulu no ithughi püzü nongu zülo pishiqho nani; kughengu Ampeu ye pükhükulupu, Israel Lhou Akimtheu no nongu kisheluvae.”

ISAIAH 50:7

Ikemu Ampeu no I kuphu cheni, tigheno ni ye kujove moe; I no atuitu toi I gi teqhitelei ke, I no ithi anike I shikujo monani.

ISAIAH 52:15

ikemu itehi ye Pa no shiye kutomo süküthü nani. Pa jupe kükami no pano kichi kujukha luve nani; kughengu panongu vilo khilemu piphemo keu ithulu ani, eno khikhi panongu no chimla aphi keno ti vethalu ani.

ISAIAH 52:6

Tighenguno Iw timiqo ye I je ithipe nanie. Eno kihitha püatsü akeu tsala tolu kelo, I no pi ani kepi, panongu no ithi nani ke; Ni ye hile ani.”

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

ISAIAH 60:16

Nongu no shiye kütamiw kinikülü lukhave nani, eno kükami chuqupu kümtsü nongu no chu nani; tileno nongu no, Ni Ampeu ye Jacob Lhou Akughushuu, nongu Xachilekuluu kepi ithi nani.

ISAIAH 60:3

Shiyeqo nongu küvü küdau ighi nani, eno nongu tsala kithe ipeche keu küdau kükami no ighi nani.

ISAIAH 62:2

Zion, shiyeqo no ow achipiu-mikucho ithulu nani, eno kükami kümtsü no o juküvü ithulu nani, no ye aje kithe pesü o ku nani, eno aje ti ye Ampeu no tsü nani.

ISAIAH 64:4

Timi khunomu O nguno alau ye alhou kütau anipi chimla aphi momu khuno nhethi nomu ithulu mphie, timi no huqhe kelo khochiletsü chekeu Lhou ye O likhi ke.

EZEKEL 37:6

I no nongu shou anhü ngo apiti ikughi peni, ayiko pesü nongu küzüve no atuthu nongu lolo sütsüni, eno nongu ye xüluve nani, eno Ni ye Ampeu kepi nongu no ithi nani.”

JOYIL 2:27

Ni ye Israelmi gholo anie pi nongu no ithi nani, Ni ye Ampeu nongu Lhou eno I nguno kütami ye kühae. Iw timi ye khilemu shikukujo kitheve monani.

MICAH 7:17

panongu no apighi, ayeghi lo itikiche jeli toi ayeghimkhu mine nani; panongu no khokhoshi pano qogheki lono ipeghi nani; eno akümsa lono Ampeu ni Lhou lau tsüghü ighi no O sümsauve nani.

AKIKIHI 11:12

Timi hipaqo ye I no mishipu no punu kesheno kushiye I vilo anga küsami no anga kughunu xapu keshi panongu xapusü Nono pano puasü tsünie pi tushoqhi keu yeghi lo wulo pi kea?

MATTHEW 25:16

Aqemi khuu ghüka 5,000 ithulu keno pa no mtazü wuno tipaqo pesü kimje, eno ghüka 5,000 ala kimje luve.

Rommi 10:11

Ti ye Kuchoyesü no piani, “Khuu no Pa pülüni keno shikujove monani.”

Rommi 5:5

eno lajupu hipau ye ni lokümthsüve tsü chemoe, kughengu Aghungu Kimthe ningu lau puwutsü keu huno Alhouw kikimiye pesü ni lolo sütsüke.

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

1 Peter 2:6

Kughengu Kuchoyesü lo hitoi ani: “Julo, I no Zion lo atuqu sho püani, kishekiphe eno akughupu, atsükupu tuqu, khukhumu Pa lau pülübe keu ye kujovemo nani.”

Piyeküsü 3:9

Julo, Satanw sinagogmi khunono kumomu Jewmi kepi pishiqhi cheni keno, I no panoqo pelo o zülo ighi no o pukhu philo itsaqi penike jualo, tileno panongu no Ni ye o kimiye cheni pi ithi nani.