ISAIAH 49:22 - Sumi Naga CL (Re-edited) Bible (BSI)

²² Ampeu Alhou no ishi piani: “Julo, I no shiyeqo shou I u pesü kiche nani, eno panongu lau amchipu süqhe nani; panongu no nongu nuli au lono khapesü ighi nani, eno nongaqo abighi lono xapusü ighi nani.

BAIBEL (BSI)

²² AMPEU Alhou no pawu timi vilo ishi pike: “Ino ashiayehqo vilo i-upesu kiche tsu nani eno panonguno otianuli akilo saghi nani.

ISAIAH 49:22 Iomraidhean Croise

LESHELE 102:22

kughou ashiaye eno kükaqhaqo no kümtsa hekütsü kumqo no Ampeu mlla keno tileno tishi nani.

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

LESHELE 72:8

Pa kükaqha ye azüghi lono azüghi kutolo apelo, eno Aghoki lono ayeghi shekha kutolo apelo!

LESHELE 86:9

Nono shiye lhokemi kümtsü no O zülo ighi no itsaqi O mlla nani, O Ampeu, eno O je sheqhe nani.

ISAIAH 14:2

Ashiayeqo no Israelmi sasü pano yeghi lo ighi nani, eno Ampeu yeghi lo Israel laghami no ashiayeqo aqüaxemi shi saluve nani. Inahuu khunono pano qhasü eno nedaqoda püa keno, itehi ye pano no tipaqo shou ayepe nani.

ISAIAH 18:3

Nongu ayeghiqha lo xüküamiqo, kughou naghuto lo amchipu süqheni keno, jukuto lo! Afuko küigha kelo chiluve lo!

ISAIAH 43:6

I no ahuumi vilo, Phevelo, ipi nani eno apeumi vilo, Khatha püa kevilo, ipi nani; I nuli putou akeqo saghilo, I ngaqo ayeghi shekhauno saghilo,

ISAIAH 49:12

Julo, hipaqo ye aghacheu no ighi nani; ahuu eno kulolau no ighi nani; eno Syene yeghi lono ighi nani.”

ISAIAH 62:10

Kathawu lo, khagho kathawu lo; timiqo ghenguno alaghi kutolo, shiqhelo, aghüzü laghi shiqhelo; tile atuqo ikhivelo; amchipu timiqo shou süqhelo.

ISAIAH 66:19

Eno I no panoqo gholo amchipu lakhi tsü nani. Eno panoqo gholo ghüluve kemi khami I no shiyeqo lau puwu nani eno I juküvü ghili pesü hipaqo lau pi nani, ti ye shexilika peche kemi shiye Tarshish, Pul eno Lud, eno I jekipi chimla aphikemi, azüghimkü lo akeqo Tubal ngo Javan qhalo.

ISAIAH 66:20

Panongu no aghakhu kümtsü lono nongu thiküzümi akümllagho Ampeu tsükeu shi ghi sasü ideighi nani. Panongu no tipaqo sasü I kimthe toghi Jerusalem lo ighi nani. Eno Israelmi no athi kümllagho bohu kimthe lono Ampeu kilo pesü ighike toi, timi hipaqo ye khami no khurshi shouno, khami no khurkulu shouno, khami no tinhemgha puche keu shouno, khami no khurgha shouno, khami no sayeshi shouno ishi xapusü ighi nani, ipi Ampeu no piani.

ZEKHARIA 8:22

Ashiaye kutomo eno akumto shiyeqo no aqokitikhi Mpeu phusü Jerusalem lo ighi nani eno AMPEUw kimiyekini khu nani.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

Luke 13:29

Timiqo no kipela kulola eno ahuu apeu no shesü ighi no Alhou yekipe lo aghulhu shinike iqa nani.