ISAIAH 49:2 - Sumi Naga CL (Re-edited) Bible (BSI)

² Pa no I kichi pesü azütakikihi kütsügha toi shitsü; Pa u kicheqho lo I küsüpe qhi; Pa no I küghape apiji phuphushi keu toi qhike; Pa pijibo lo I küghütshü ke.

BAIBEL (BSI)

² Pano itsa pesu azutakihi toi tsughaminhei shitsuke. Pa-uno isushope ngoke. Pano ikughape apiji toi tsugha minhei shitsu eno peithakulupu shike.

ISAIAH 49:2 Iomraidhean Croise

LESHELE 91:1

Khuu no Shishe Akiqheuw sükusho lo acheni keno pa ye Akughushuu kicheqho lo cheche nani.

IPEKULU 33:22

eno I juküvü no hechewu kelo I no atu kighipe lo no ikhipe süveni, eno I no heche wuve moke kutolo I u pesü o küzü luveni.

ISAIAH 11:4

ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

ISAIAH 51:16

I no atsütsü xakhope qhi, eno ayeghi boqha qhake, o kichi lo I tsa sütsü eno I u pesü o khonha eno Zion vilo pi, ‘Nongu ye Iw timiqo ke.’”

JEREMIYA 1:18

Julo, I no ishi no o pesü ayeghi kümtsü mjochile kepu, Judah kükamiqo, tile kijemi, achinemi, eno ayeghi lo timiqo mjochile kepu aliwo kumto phughi shitsüni, ayi no shikeu tsükucho, alazayi tupiqo shitsüni.

HOSIYA 6:5

Tighenguno I no tungkupmi vecheo panoqo michevae; I kichi lo tsa pesü I no panoqo ghiqhivae, eno Iw küghakütha ye aküvü toi ipeghi nani.

HABAKUK 3:11

O piji eno O ngu no phuphushi yeighi kelo khetsünhe ngo aqhi no panoqo-a lo itha mono ngove.

Luke 23:46

Jisü no asütsa kuloghi lono pi, “I puo, O u lo I ghungu kulhuqhive tsüae!” Tishino pa tuthu kishekhave.

Ephesiami 6:17

xakulupu kütsükuqho qhopulo, eno Aghungu lo zütakikihi ikhilu lo, ti ye Alhou tsake.

IBRIMI 4:12

Kughengu Alhou tsa ye aküxüküa eno aküka ani, putoputo zütakikihi nguno akütsüghau, angulho eno anguagha, aqüki anhüki kikije-a kutolo ghitha ilo chekeu, eno amlo akükümsü lo akeu kutolo jupililu chekeu ke.

Piyeküsü 1:16

Pa u ajeu no ayepu tsüni pe, Pa kichi lono putoputo züta ipeghi, eno Pa gi no khetsünhe kümka toi vüae.

Piyeküsü 19:15

Azütakikihi kütsügha khipa pesü pa no shiyeqo ghiqhi nani keno ti ye pa kichi lono ipeghi nani, eno pa no ayiküsü pesü panoqo shou ayepe nani. Pa no Akughushu Lhou loghu pepheni ke atsaithi kütsüghü-a lono qole nani.

Piyeküsü 2:12

“Pergamum kukuhou lo kungumi lau yelo: ‘Khuu u lo putoputo züta kütsügha ani keno Pa tsape.

Piyeküsü 2:16

Tighenguno xaidelo. Tikumo aye I no kighithe o lau ighini eno I kichi lo azütakikihi akeu pesü panoqo mjochile aghü shini.