ISAIAH 48:9 - Sumi Naga CL (Re-edited) Bible (BSI)

⁹ “I je ghenguno, I no I mlo kighide süchile cheni; I je sheqhe penike I no süchile ani, tishianguno nongu kütsaleve moniye ke.

BAIBEL (BSI)

⁹ “Timiqo pelo ije sheqhepe nike ghenguno, niye ixu kighide suchile pesu ani; niye tipau qhipe puani eno nongu kutsale vemo nanike.

ISAIAH 48:9 Iomraidhean Croise

LESHELE 106:8

Ikeghi Pa no Pa je lono panoqo xaluve ke, tishikeu lono Pa no Paw akughushu küka pephe piye niye shike.

LESHELE 143:11

O Ampeu, O je ghenguno I püxü tsülo! O mikucho pesü aveküsa lono I ngulho saipeghi tsülo!

LESHELE 25:11

O Ampeu, O je lono I kipimi qhive tsülo, kughengu I kipimi ye kije ke.

LESHELE 78:38

Ikemu Pa no kimiyeqhiyi kehu panoqo xine qhukimthe tsüno panoqo kütsave moe; Pa no ghuthu kutomo Pa mlo kighide ghasüve eno Pa loghu kümtsü pephe moe.

LESHELE 79:9

O je kipipu ghenguno ni kuphulo, O ni xakulu Lhou; O je lono ni xaphe tsülo eno ni xine lono shikimthe tsülo!

AHOLE 19:11

Kümsükulu no timi pelo asheshi no amloidepe cheni, eno timi kipimi juzüve tsükeu no agigihupu ke.

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 37:35

Kughengu I je ghenguno eno I qeu David jelono I no mishighüna hipau süshope anani.”

ISAIAH 43:25

“Ikeghi Ni ye khuu I likhi I ghenguno nongu xine pevetsü cheni keno Pa huke, I no nongu xine kümsümave tsü nani.

ISAIAH 48:11

I je ghengu likhino I no tishie, kughengu kishino I je shipüthave peni kea? Ni ye I juküvü pesü kütami tsümo nani.

ISAIAH 65:8

Ampeu no hitoi pi ani: “Atsaizü kithe no abohu lo akeloye, timiqo no picheni, ‘Hipau kütsa kevilo, kughengu tile kükümgha anike,’ tihutoi, I qemi ghengu likhino Ni ghi kümtsü kütsavemo nani.

JEREMIYA 14:7

“Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

EZEKEL 20:14

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno panoqo saipeghi keu vecheo panoqo pelo Ni ithipe ke.

EZEKEL 20:22

Ikemu I no I u süchile luve eno I je ghenguno tishive, tishianguno shiyeqo nhethe lo I je shikitiqe moniye ke, panoqo nhethe lono I no panoqo saipeghi ke.

EZEKEL 20:44

O Israel kibolomi, Ampeu Alhou no asheshu, kughou I no nonguw kixikila laghiqo momu nonguw shiküpsa kümlaqo kiqi lono kumono I je ghenguno nongu peithani keno nongu no Ni ye Ampeu kepi ithi nani.”

EZEKEL 20:9

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno Egypt yeghi lono panoqo saipeghi keu vecheo panoqo pelo Ni ithipe ke.

EZEKEL 36:21

Ikemu Ni ye I je kimthe, khikhi Israel kibolomi no khile khile ighimu shikitiqe acheni keno, tipau ghenguno alomsü anie.

JOSHUA 7:9

Kughengu Canaanmi eno hipa qhalo küami no ti chilunia eno panongu no ni botha luve no ningu je ayeghi hipau lono pühave tsüniae. O je kije ghenguno kiu shini akea?”

SAMUEL ATUGHIU 12:22

Kughengu Ampeu ye Pa je kije ghenguno Paw timiqo phevemo nani, Pa no nongu pesü Paw timi shivekeu ye Ampeu lopue.