ISAIAH 48:6 - Sumi Naga CL (Re-edited) Bible (BSI)

⁶ “Nongu no chiluvae; itehi hipaqo julo; nongu ye hipaqo vehu pikülha moni keshea? Hinguno hilau ye I no thime akithe küsüpe püakeqo khikhi nongu no mtha keno, tipaqo nongu vilo pinani.

BAIBEL (BSI)

⁶ “Ino ashe-azushi pikeu kumtsu shikupuvae; ino ashe-azushi pi keuye achipi kepi noye ikhilu kepushivae. Itehiye thime akithe ighiniye akeu ino ovilo pini, kiu shini cheni keno niye puzuu piyemphi keuke.

ISAIAH 48:6 Iomraidhean Croise

LESHELE 107:43

Khukhumu alokütsümi no thime hipaqo kümsükutoju alo; panoqo pelo Ampeuw iqemokeu kikimiye kümsükutoju apelo.

LESHELE 119:13

O kichi lono pimheye tsükeu kümtsü I no sheshuni.

ISAIAH 21:10

O Iw timi athi toi qolepe fuleve keqo, aqokitikhi MPEU, Israel Lhou launo I no chilukeu pesü nongu lau pikülhatsü ani.

ISAIAH 42:20

Pa ye thime kutomo ithulu cheni kemu chheju chemoe; pa kini ye xukhope ani kemu chilu chemoe.

ISAIAH 42:8

Ni ye Ampeu, tino I je ke; I juküvü ye khumu tsümo nani, momu I sheqhe keu pesü ajulhoqo tsümo nani.

ISAIAH 42:9

Julo, wovekeu vehuqo ye shikupuvae, eno itehi ye I no akithe vehuqo shuphe ani; tipaqo no ipeghi mphi lono, I no nongu vilo piani.”

ISAIAH 43:19

Julo, I no avehu kithe shi ani; ti ye ipeghi ayae, nongu ye ti pimhelu ani kema? I no timi küghünamo ke-a lo alaghi mla nani eno asayeli lo aghoki mla nani.

ISAIAH 48:7

Tipaqo ye itehi no lhophe ke, ado kushuo kumphi; ishi tsala züu nongu ye hipaqo vehu chilu mphi, tikumo aye nongu no ishi pi nosae, ‘Ni ye hipaqo ithiae.’

JEREMIYA 2:31

O nongu tiqhelimi, Ampeu tsa jukuto lo. Ni ye Israelmi ghenguno asayeqha momu aküzü shishoi keu yeghi shive akea? Imaye Iw timiqo ye kushiye, ‘Ningu ye ililai ani, ningu ye khilemu O lau ighimoae,’ ipi cheni kea?

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

JEREMIYA 50:2

“Shiyeqo gholo sheshulo, michiphi süqhe no pikülhalo, küsüpe qhikevi no veküphalo: ‘Babylon ye leluvae, Bel ye shikujovae, Merodach ye aghüthi süvae. Li julhoqo ye shikujovae, Li julhoqo ye aghüthi süvae.’

AMUS 3:6

Mishighüna lo afuko igha aye timiqo ye msa moni keshea? Ampeu no puwumo kelo mishighüna lo kütsakungo keu ighini keshea?

MICAH 6:9

Ampeu sütsa no mishighüna lau ighamku—O je sümsani keu no kuchou lokütsüe: “Khuu no aküsü kutope qhikeno Pa huqhelo

MATTHEW 10:27

I no aküzü lono nongu vilo kiu piani keno, aküvü lono pilo, eno nongu no kiu aqhou tsa chilu ani keno, aki kütsüqa lono sheshulo.

John 15:15

Itehi ni ye nongu pesü aqemi ipi moae, kughengu aqemi ye pa mpeu no kiu shicheni keno mthae; ikemu I no nongu pesü aküsami shivae, kughengu I Pu launo chilu keu kümtsü I no nongu vilo pivae.

Apostolmi 1:8

Ikemu kughou nongu shou Aghungu Kimthe ighini keno, nongu no akumto ithulu nani, eno Jerusalem, Judea kümtsü, Samaria, eno ayeghi shekha kutolo nongu no I shepemi shi nani.”

1 Kor. 2:9

Ikemu ishi yepüake toi, “Kiu anhethi no ithulu mphi, akini no chilu mphi keno, momu timi mlo no kümsülu mphi keno, Alhou no kiu Pa kimiye chekemi ghenguno kuto püani keno”—

Piyeküsü 1:19

Ikehu nono ithuluve keu, ithulu akeu eno hipa thiu shiniye akeu thime jeli kümtsü yelo.

Piyeküsü 4:1

Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”