ISAIAH 48:4 - Sumi Naga CL (Re-edited) Bible (BSI)

⁴ Kughengu nongu ye kishi kuthovi keno I no ithi ani, nongu kuo ye ayikichhe toi nongu kishe no alazayi toike,

BAIBEL (BSI)

⁴ Nonguye shio shighai nani kepi ino ithi ake, ayi toi tsatsayi eno alazayi kumka toike.

ISAIAH 48:4 Iomraidhean Croise

KUKAMI AKINIU 17:14

Ikemu panongu no ini tsümo eno pano puasüqo no Ampeu pano Lhou pülübemo ketoi, panongu no kuthovi ke.

YEKIKITHI AKINIU 30:8

Itehi no puasüqo toi kuthovi kevilo, ikemu nongu pesü Ampeu tsüve lo eno Pa kimthe khache, khikhi Pa no alholo ghenguno shikimtheve akeno, tile ighi lo eno Ampeu nongu Lhou huthu lo, tishianguno nongu launo Pa loghu tsüghüve nani.

YEKIKITHI AKINIU 36:13

Pa no akükau Nebuchadnezzar khuu no pa pelo Alhou je lono ashoqhi shipe keno, pa ghi hebide ke. Pa ye ighono kuthovi auve eno Ampeu Israel Lhou lau pa mlo tsümove.

NEHEMIA 9:28

Ikemu kughou akulho qhilu keno panongu no itaghi axine shikithe, eno Nono pano ghümi pelo itaghi pano leluvepe. Ikeghi panongu no xaide ighi no O lau ighamku kelo, Nono kungugha lono chilu tsüke. Ghuthu kutomo Nono panoqo xaphe.

LESHELE 75:5

Nongu kibo chuqumghai süqhe kevilo, momu tsütsüngoju akuo peqhepe atsa pi kevilo.’”

LESHELE 78:8

panongu ye pano puasüqo toi kuthovi eno hekibide tiqheli shimo nani, ni puasüqo tiqheli ye iqemokeu mlo xapusü Alhou pükhükulupu shimove.

IPEKULU 32:9

Eno Ampeu no Moses vilo pi, “I no timi hipaqo ithuluvae, julo, panongu ye kuthovi kemie.

IPEKULU 33:3

Akichhizü ngo akhingozü qowu akeu yeghi lo iqholo; ikemu Ni ye nongu gholo iqhomo nani, tikumo aye alaghi lono I no nongu pühave nosae, kughengu nongu ye kuthovi kemike.”

IPEKULU 33:5

Kughengu Ampeu no Moses vilo pike, “Israelmi vilo pilo, ‘Nongu ye kuthovi kemie; tsala atüqhüdo lakhimu I no nongu gholo iqho kepushi aye, Ni ye nongu pühave nani. Ikehu itehi achi nanuqo xaqhive lo, tishino I no nongu lau kiu shikepu keno shini.’”

IPEKULU 9:7

Pharaoh no timi khami puwu eno julo, Israelmi tsü-aqu ye lakhimu thi püaghimoe. Ikemu Pharaoh mlo ye kuthovive, eno timiqo puwumoe.

AHOLE 29:1

Anguno anguno sakiyi anamu mkamghai auve aye paikhavi no shipivimla kepushi mukhumuno shive nani.

ISAIAH 30:9

Kughengu panongu ye Ampeu kükütsütsa ininishi chemo kemi, hekibidemi eno kimkimi;

ISAIAH 46:12

“Nongu kuthovi keqo, achipiu mikucho lono putosüu akeqo, I tsa inilo:

JEREMIYA 19:15

“Israel Lhou, Aqokitikhi MPEU no ishi piani, julo, I no kütüghü püake toi mishighüna hipau eno mishiphu kümtsü lo amhekiqi süghini cheni, kughengu panongu no I tsa ini mono kuthovi auveke.”

JEREMIYA 3:3

Ikehu tsütsüghu no süchileve, tuqu tsütsüghu no ighi move, ikeghi no ye kujomo mithe küsalhami gi xapu ani.

JEREMIYA 5:3

O Ampeu, O nhethi ye kuchou ju cheni ke kumo? Nono panongu ghaqhi kemu panongu ye amloiju moe, Nono panongu chisheqhi keghi panongu ye shikithe moe. Panongu no pano gi pesü atuqu nguno akümkau shive; panongu no xaideni keu milive.

JEREMIYA 7:26

Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.

EZEKEL 2:4

Pano kughukoqo ghi ayekümtha eno kuthovi ke: I no panoqo lau o puwu ani, no ye panoqo vilo pilo, ‘Ampeu Alhou no ishi piani.’

DANIEL 5:20

Ikemu kughou pa mlo no qhemghaive eno pa ghungu no mkave no aqheküza shive keno, pa ye pa kükalakhü lono sünheqhive eno pa juküvü ye pa launo ikhiluve.

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

ZAKINIU 10:16

Tighenguno nongu mlo shikimthe lo, eno hinguno hilau ye kuthovi kevilo.

ZAKINIU 31:27

Kughengu panongu ye kishi kuthovi eno hekibidemi keno, I no ithi ani. I no xüaphi lo thotsü nongu ye Ampeu hebide chenike I no thive kethiu ye kishita hebide nani kelae!

IBRIMI 3:13

Ikemu “Ishi tsala” ipi ake tivilo nongu ye tsalakipetsü lakhino lakhi shikumto kilelo, tishianguno pishikiqhi xine pelo khuu mlo mu shikümkave pemonie.