ISAIAH 48:3 - Sumi Naga CL (Re-edited) Bible (BSI)

³ “I no khaghino pichho tsüe; I kichi lono I no sheshue; paikhavi tipaqo ye shikupuve.

BAIBEL (BSI)

³ AMPEU no Israil vilo pi, “Kiu shiveni cheni keno kha-ghino ino ashe-azu tsa pike; zuleno ino tipau shivepeke.

ISAIAH 48:3 Iomraidhean Croise

ISAIAH 29:5

Ikemu no ghümi aqokitikhi timi kichiqhi chekeqo ye amkhu eno amuu fupe cheke toive nani. Eno paikhavi, züleno,

ISAIAH 30:13

qhemghai keu tupi ipo ipeghi no züleno ilaqighive keshi nongu lau hipau xine no titoi ighi nani;

ISAIAH 37:29

Nono axuide eno akuchhoma shikeu I kini lo iloghive akehu I no akuhoyi no o nigipe lo fuve tsüni, ayi pesü o kichi pütape nono khilano ighi keno tipa la no o sawoveni.”

ISAIAH 37:7

Jualo, I no pa lolo aghungu lakhi sütsü nani, tishino pa no uyeu tsa chilu no pa yeghi lo idewove nani, tilauno I no pa pelo azütakikihi lono ikiqivepe nani.’”

ISAIAH 41:22

Panongu pelo süghi pelo eno kiu shiniye ani keno ni vilo piju pelo. Ni vilo wovekeu lo panongu ye kiutoi keno piju pelo, tishianguno ningu no panoqo ikhiluni, eno hithiu kishive nani keno ningu no ithinie; momu ni vilo ighinikeu vehu pilo.

ISAIAH 41:27

Ni, Ampeu no atüghüushi Zion vilo, “Julo panongu hilau cheni” ipike! I no Jerusalem vilo asütsa kithe pi puwue.

ISAIAH 42:9

Julo, wovekeu vehuqo ye shikupuvae, eno itehi ye I no akithe vehuqo shuphe ani; tipaqo no ipeghi mphi lono, I no nongu vilo piani.”

ISAIAH 43:9

Shiye kümtsü no hekütsü, ashiaye kümtsü no kumqo ke. Panongu dolo khuu no wove keu vehu pilu eno ni vilo tipa vehuqo pilu nani kea? Panongu pelo pano chipiu gholo thopimi saghi pelo, panongu pelo ti chilu no, Hi ye kuchoue, ipi pelo.

ISAIAH 45:21

Sheshu no no chipiu tsa pilo; panongu dolo kighinikile pelo! Khuu no asheazü shi pikea? Khuu no khaghino sheshu kea? Ti ye Ni Ampeu noke kumo? I nguno alhou kütau kühae; I nguno amikucho Lhou eno Xakuluu khumu kühae.

JOSHUA 21:45

Ampeu no akivipu tsa piqhi keqo lakhimu tomla keu shimono kümtsü shikupu.