ISAIAH 48:2 - Sumi Naga CL (Re-edited) Bible (BSI)

² Kughengu panongu ye akimthe phughi je lono kucheni, eno Israel Lhou qholo xücheni; Pa je ye aqokitikhi Mpeu.

BAIBEL (BSI)

² Tishikeghi nonguye aqhekuzashi akimtheu phughilo kihikusumi kepi picheni, eno nonguye Israil Lhou, pa jeye Aqokitikhi MPEU shou bepe acheni kepi picheni.

ISAIAH 48:2 Iomraidhean Croise

NEHEMIA 11:1

Sakiphemi ye Jerusalem lo ache. Kütami ye asaqhi no kikije chighi lo lakhi kishepe akimthe phughi Jerusalem lo küghüna peni keu shi, eno kütami toku ye mishiphu kütauqo lo ngoni keu shie.

NEHEMIA 11:18

Levimi kümtsü lo 284 no akimthe phughi lo küghünave.

LESHELE 48:1

Ampeu ye kije eno ningu Lhouw mishighüna lo shishe no sheqhe kepue! Pa kimthe naghuto,

LESHELE 87:3

O Alhouw mishighüna, o ghenguno akümzapu thimeqo piqhi püani.

ISAIAH 10:20

Tipa ghuloki lo Israelmi ghükulumi eno Jacob lagha lo kixiphelu keqo ye pano ghime chekemi shou kumono kuchou lono Ampeu, Israelmiw Akimtheu shou mungu nani.

ISAIAH 47:4

Ni Xachilekuluu, aqokitikhi Mpeu no Israel Lhou Akimtheu ke.

ISAIAH 51:13

eno pa ye pa lhokeu Ampeu kümsümave ake, atsütsü sükhope qhikeu eno ayeghi boqha qhakeu ye Pa ke, kushiye nongu ye aküxü kupuju msa acheni, nongu ghimeqhi kemi no axuide keu eno kütsale nike kuto akeu msa cheni kea? Nongu ghimeqhi chekemi xukighide khilehi ani kea?

ISAIAH 51:15

Ni ye nongu Lhou Ampeu ke, I no azüghi xukutho no fukukucho no iqhaighu chenipe, aqokitikhi Mpeu no Pa je ke.

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

JEREMIYA 10:16

Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

JEREMIYA 21:2

“Ampeu vilo ningu ghenguno ighiju tsülo, kughengu Babylon kükau Nebuchadnezzar no ni sasü aghü shiniye ani. Ishiake Ampeu no Paw akichiqhipu kümla ni lau mlatsü no ni launo pa hachileve tsü luvie.”

JEREMIYA 44:26

Tighenguno Egypt lo Judahmi akeqo kümtsü AMPEU tsa inilo: Julo, I no I je kije pesü tushoqhi ani, hinguno hilauye nongu Judahmi Egypt lo akemi milakhi pelomu ashoqhi shikelo, ‘Ampeu Alhou no xüake toi,’ ipi püamoe.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MATTHEW 27:53

Jisüw xüchilekulu thiu panongu no akumoki lono ipeghi no akimthe phughi lo ilo eno timi kutomo lau ipeghi piye.

MATTHEW 4:5

Tishino tüghami no akimthe phughi lo pa sawu eno achineki kütsüqa lo ngope

Rommi 2:17

Ikemu no ye Jewmi; Ayezah pükhü chekemi; Alhou ithi anie pi aqheküza shi o likhi nou no pi aghi aye;

Piyeküsü 11:2

ikemu achineki khala ye mighi kevino kopheve lo, kughengu ti ye Alhou kümthami shiye lau ikhiphe tsüvae, eno panoqo no aqhi lhobidi kini kutolo Akimthe phughi neda qoda nani.

Piyeküsü 21:2

Eno akimthe phughi, Jerusalem kitheu, külaliu no kutope külapuu khe akeshi, kungugha lo Alhou launo iqi cheghi keu I no ithulu.

Piyeküsü 22:19

eno khuana no kaku hipau lono tungkuptsa ikhive aye, aküxüpu sübo eno akimthe phughi, khipa ghili kaku hipau lo yepüani keno, tipaqo lo pa saje akeu Alhou no ikhiluve tsü nani.

XAKUTHAMI 17:13

Micah no pi, “I no ithi anike itehi ye Ampeu no I kümghatsü nani kughengu Levimi no I gholo achineu shivae.”