ISAIAH 48:12 - Sumi Naga CL (Re-edited) Bible (BSI)

¹² O Jacob, eno Israel khuu I no kulu keno, I tsa inilo, Ni ye Alhou ke; Ni ye atüghüu eno ashekhau ke.

BAIBEL (BSI)

¹² AMPEU no pi, “Ino kuluvekemi Israil timiqo, inilo! Niye Alhou ke, atughiu, ashekhau, ilikhino Alhou ke!

ISAIAH 48:12 Iomraidhean Croise

AHOLE 7:24

Ikehu anuliqo, itehi I tsa inilo, eno I tsa lo amlo tsüqhiyi shilo.

AHOLE 8:32

“Ikehu I tsa inilo, O anuliqo: khunono I laghi lo checheni keno tipano kümghapue.

ISAIAH 34:1

O shiyeqo, ini kepushi amlo tsüqhiyi kupunu ighilo! Ayeghi eno tile aküxü küa thaqhü; ayeghiqha eno tipau lono ipeghi kemi kümtsü no ini pelo.

ISAIAH 40:26

Atsütsü lo jupukulo: khuu no hipaqo pulhosü kea? Khuu no aqokitikhi tijeje kihilu eno lakhikhi je ithi ani, khuu no pa kumto kije lono tipaqo lakhimu pühave chemo keno, Pa huno ke.

ISAIAH 41:4

Khuu no alagha lakhi abothu lono kulu kea eno khuu no hikithipu shi püani kea? Ni, Ampeu ye abothu lono anike, eno ashekhami gholo ghi ni ye Ampeu ke.

ISAIAH 43:10

“Nongu ye Iw thopimi,” ipi Ampeu no sheshu ani, “eno I qemi I no kisheluve keqo, tishikeu lono nongu no Ni ithi eno I pülülu, eno Ni ye Ampeu kepi ithi peniye ke. I nguno kütau lhou kiumu kühae; momu I thiu mu küha nani.

ISAIAH 43:11

I likhi no Ampeu ke, I nguno xakuluu kütau kühae.

ISAIAH 44:1

“Itehi inilo, O I qeu Jacob, I no kisheluve keu Israel!

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 46:3

“O Jacob kibolomi, I tsa inilo, Israelmi ghükulumi kümtsü, nongu punu mphi lono I no nongu tucho hiju ighi, eno atita lono I no nongu tuchosü ighike;

ISAIAH 46:4

nongu no kitemi shiveke kutolo, I no nongu Lhou; eno nongu no asa mpaveke kutolo, I no tucho nani. I nongu lhoke eno tucho nani; I no nongu xapu eno xalu nani.”

ISAIAH 49:1

O azüghimkü yeghi, I tsa inilo, nongu putoumiqo, I tsa inilo. Ampeu no aza tita lono I kulue, I za po lono Pa no I je kutsüe.

ISAIAH 51:1

“I tsa inilo, nongu achipiu-mikucho phuche keqo, eno Ampeu phuche keqo: atuqu eno atu kuchhuki khileno nongu chitha phelu keno, tipaqo kümsü julo.

ISAIAH 51:4

“Iw timiqo, tsaqüi I tsa inilo, Iw shiyeqo, akini kugho puwolo; kughengu azah lakhi I launo ipe nani, eno I no achipiu pesü timiqo ghenguno aküvü shitsü nani.

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

MATTHEW 20:16

Ikehu ashekhami no atüghümi shive nani eno atüghümi no ashekhami shive nani.”

Rommi 1:6

ti ye nongu khunoqo Jisü Khristo laumi shi peniye kuluve akeno kümtsü kihi küqha anie.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

1 Kor. 1:24

ikemu khunoqo kuluve akeno, Jewmi na Greekmi namu, panongu ghengu ye Khristo no Alhou küka eno alokütsü ke.

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

Piyeküsü 22:13

Ni ye Alpha eno Omega, atüghüu eno ashekhau, abothu eno kishekhau ke.”