ISAIAH 48:11 - Sumi Naga CL (Re-edited) Bible (BSI)

¹¹ I je ghengu likhino I no tishie, kughengu kishino I je shipüthave peni kea? Ni ye I juküvü pesü kütami tsümo nani.

BAIBEL (BSI)

¹¹ Ino kiu shiani keno tiye isala shi anike, niye kutami pelo ije gihumove keu shipemoke momu kutami pelo ijekipi kusaje pemoke, tiye iwuke eno iwu likhi shi nanike.”

ISAIAH 48:11 Iomraidhean Croise

LESHELE 106:8

Ikeghi Pa no Pa je lono panoqo xaluve ke, tishikeu lono Pa no Paw akughushu küka pephe piye niye shike.

LESHELE 115:1

Ni lau kumoe, O Ampeu, ni lau kumoe, ikemu ajuküvü pesü O je shilo, Ow iqemokeu kikimiye eno Ow pükhükulu ghenguno ke!

LESHELE 25:11

O Ampeu, O je lono I kipimi qhive tsülo, kughengu I kipimi ye kije ke.

LESHELE 25:7

I lhothe lo xine eno hekibide kümsülu tsü kevilo; Ow Iqemokeu kikimiye vecheo, eno O je kivi vecheo I kümsüchile tsülo, O Ampeu!

ISAIAH 37:35

Kughengu I je ghenguno eno I qeu David jelono I no mishighüna hipau süshope anani.”

ISAIAH 42:8

Ni ye Ampeu, tino I je ke; I juküvü ye khumu tsümo nani, momu I sheqhe keu pesü ajulhoqo tsümo nani.

ISAIAH 43:25

“Ikeghi Ni ye khuu I likhi I ghenguno nongu xine pevetsü cheni keno Pa huke, I no nongu xine kümsümave tsü nani.

ISAIAH 48:5

I no khaghino nongu vilo pike, tipaqo shimphi lono I no nongu vilo pike, ti ye nongu pelo ishi pipemo niye ke, ‘I julho no hipau shike, I süatu julho eno ayi julho no azah tsüke.’

ISAIAH 48:9

“I je ghenguno, I no I mlo kighide süchile cheni; I je sheqhe penike I no süchile ani, tishianguno nongu kütsaleve moniye ke.

ISAIAH 52:5

Tighenguno itehi Ni ye hilau kiu ani kea?” ipi Ampeu no sheshu ani. “Hi Iw timiqo ame tsümono sawuve kelaye panongu shou yepemi ye mloqa ani.” Eno “Tino ishokibe I je thaigha ani.

JEREMIYA 14:7

“Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

EZEKEL 20:14

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno panoqo saipeghi keu vecheo panoqo pelo Ni ithipe ke.

EZEKEL 20:22

Ikemu I no I u süchile luve eno I je ghenguno tishive, tishianguno shiyeqo nhethe lo I je shikitiqe moniye ke, panoqo nhethe lono I no panoqo saipeghi ke.

EZEKEL 20:39

“O Israel kibolomi, nongu ghenguno Ampeu Alhou no ishi piani: Tsala nongu no itehi eno ishi nguno alau I tsa inimo aye, wulo eno nongu lakhikhi no pütüta sü-atu julho qelo; ikemu now agho ngo nongu sü-atu julho vecheo I je kimthe shipünha monani.

EZEKEL 20:44

O Israel kibolomi, Ampeu Alhou no asheshu, kughou I no nonguw kixikila laghiqo momu nonguw shiküpsa kümlaqo kiqi lono kumono I je ghenguno nongu peithani keno nongu no Ni ye Ampeu kepi ithi nani.”

EZEKEL 20:9

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno Egypt yeghi lono panoqo saipeghi keu vecheo panoqo pelo Ni ithipe ke.

EZEKEL 36:22

“Tighenguno Israel kibolomi vilo pilo, Ampeu Alhou no ishi piani: O Israel kibolomi, I no mla niye akeu ye nongu ghenguno kumono nongu no shiye khunoqo gholo ighi keno panoqo zülo shipixive keu I je kimthe ghenguno ke.

DANIEL 9:17

Tighenguno itehi O ni Lhou, O qeu kighini eno pa no kimiyetsü penike qhüiniju akeu initsü lo, eno O je ghenguno, O Ampeu, O kimthe chineki küghüküghalei akeu shou O gi no yepüvü tsülo.

John 5:23

tishianguno Apu gihu ketoi kümtsü no Anu gihu peniye ke. Khunono Anu gihu moni keno, pa puwu keu Apu hu gihu movae.

Rommi 2:24

Ti ye ishi yepüake toie, “Nongu ghenguno Jewkumomi zülo Alhou je küthakügha shi acheni.”

SAMUEL ATUGHIU 12:22

Kughengu Ampeu ye Pa je kije ghenguno Paw timiqo phevemo nani, Pa no nongu pesü Paw timi shivekeu ye Ampeu lopue.