ISAIAH 47:8 - Sumi Naga CL (Re-edited) Bible (BSI)

⁸ Tighenguno itehi hi inilo, nongu aghakiqipu kimiye eno sükusho qholo ngono amlo lono ishi piche keqo, “I likhi ke, I nguno kütami khumu kühae; Ni ye chimemi toi iqamo nani momu atianuli pühave keu mloküsa ithimo nani”:

BAIBEL (BSI)

⁸ ‘Itehiye hipau inilo, no aghakiqipu kimiyekichiu, noye mutotoi eno kiumu oshou shimla akepi kumsu achenike. Nono piakeuno noye Alhou toi kije kepi cheni, eno khuumu otoikeu kuhakepi acheni. Noye khilemu tusachimemi shimoa kepi kumsu acheke momu otianuli ye kithikuha shimo nani kepi cheke.

ISAIAH 47:8 Iomraidhean Croise

ISAIAH 14:14

ni ye khüngküsü kiqhe-a shou ikuno I küghape Shishe Akiqheu toiveni.’

ISAIAH 32:11

Khokhoshi lo, nongu akuchhoma shi ililai akeu totimiqo; no phimini xape aphikümsa shino achita lono yeqhiyephi minivelo.

ISAIAH 32:9

Ithulo, nongu akuchhoma shi ililai akeu totimiqo, tsaqüi I tsa inilo.

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

ISAIAH 45:5

Ni ye Ampeu; alhou kütau khumu kühae, I nguno kütau lhou kühae; nono Ni ithimo kemu, I no o shikumto cheni,

ISAIAH 45:6

tishianguno kipelau no kulolau kutolo I nguno kütami ye khumu küha kepi timiqo pelo ithi peniye ke; Ni ye Ampeu, eno kütami ye khumu kühae.

ISAIAH 47:10

Nono ow kixikila lono piche, “Khumu ni ithulu amoe”; o lokütsü ngo o kighithi no o sabidevae, nono o mlo lono ishi pike, “I likhi ke, I nguno kütami khumu kühae.”

JEREMIYA 49:31

“Ithulo, sükusho qholo ililai akeu shiye lenike wulo, ipi Ampeu no sheshu, ti ye khagho momu akhadu kühano lomoshi küghüna ani.

JEREMIYA 50:11

“O I mheghi xüpuwuve keqo, nongu no alovi amloqi anamu, amshiti no aluza lo ilhe akeshi, khurshitsü no igha keshi anamu,

JEREMIYA 51:53

Babylon no atsütsü kutolo iku eno aliwo qoghe shi püaghimu, I no kütsani kemi li lau puwu nani, ipi Ampeu no sheshu.

EZEKEL 16:49

Julo, o tsünipu Sodom kipimi ye hike: li eno li ngaqo ye aqheküza, achuqupu achili eno pofushi keu lokughuno ae, ikemu kumlhomi ngo akukuphu avehupu shi akemi kuphu tsümoke.

EZEKEL 28:2

“Timi nu, Tyre kükapuu vilo pilo, Ampeu Alhou no ishi piani: “O mlo ye aqheküza eno nono pike, ‘Ni ye alhou, ni ye alhouqo lakhü lo eno azüghi mta lo iqa acheni,’ ikemu nono alhou toi kümsü anamu no ye timi thono alhou kumoe,

EZEKEL 30:9

“Tipa tsalani I launo atsapemi no zükiluqo lono wuno pülüküpsa küha kemi Cush lo timiqo kichi kümsa niye shinani, eno Egypt mhekiqi tsalani kütakihi keu no panoqo shou ikughi nani; kughengu julo, ti ye ighivae!

DANIEL 11:36

“Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.

DANIEL 4:22

ti huye no ke, O akükau, no ye thuwuvae eno akumto shivae. O kughushu ye thuwuvae eno atsütsü tovae, eno o yekipeqha ye ayeghi shekha kuto tovae.

DANIEL 4:27

Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”

DANIEL 4:30

tile akükau no pi, “Babylon, khikhi I kughushu küka vecheo I no kükami kungo-a eno I kükanguagha juküvü ghenguno shiqhe keno, hi ye kije kekumo keshea?”

DANIEL 4:4

Ni, Nebuchadnezzar, ye I kilo alokughuno shia eno I kükaki lo kinikülü shi ae.

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

DANIEL 5:30

Tipa ji putho lono Chaldeami kükau Belshazzar ye pithive.

NAHUM 1:10

Kughengu panongu ye asahu küptshüpe ake toi, shokümzümi no shopusü ake toi; aghijini qhaive keu pitive ketoi nani.

NAHUM 3:4

Hi kümtsü kütüqhalimi loji no jukivi eno akithipu gha pesü kütüqha keu ghenguno ke, li no kütüqha keu eno züküghüzü keu gha pesü shiye eno timiqo thechuvae.

HABAKUK 1:7

Panongu ye kümsa kimshipu ke; panongu ye pano pulou lono ayezah eno ajuaje pecheni.

ZEFANIA 2:15

Hi no alokivi eno sükusho akeu mishighüna, li mlo lono piche, “Ni thono kütami ye khumu kühae.” Li ye kiutoi küghüküghaleive akelae, tüghashi kungo-a shivae! Khunoqo no li hechesü wu keno atuthu kuloghi sheqhi eno au sükumqo luve ke.

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

XAKUTHAMI 18:27

Ikemu Danmi no Micah no mlakeu lhou ngo pa chineu sasü Laish lo timi iqüghai eno kütami pülüpüsamo keqo lau ighi eno pano zütakikihi pesü tipaqo ghiqhive no mishighüna pitive tsü.

XAKUTHAMI 18:7

Pano pungu no wuve no Laish lo ighi. Panongu no tile timiqo no xüakeu ithulu: kishi sükusho kivi lo xüani, eno kishi Sidonmi xüghola lono iqüghai pülüküpsa kühano acheni keno ithulu. Panongu ye kinikülü shi ayeghi lo thime kiumu püqü mono xüaghi; Sidonmi launo ala sheshulo akemi eno khunomu sasü kütshükime mono aghie.